‘ಸಮ್ಮಿಶ್ರ ಸರ್ಕಾರ ಪತನವಾಗಲಿ ಎಂದು ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ಎಸ್‌.ಯಡಿಯೂರಪ್ಪ ಸೇರಿ ಯಾರೇ ಮಾಟ ಮಂತ್ರ ಮಾಡಿಸಿದರೂ ಸರ್ಕಾರಕ್ಕೆ ಯಾವುದೇ ರೀತಿಯ ಧಕ್ಕೆಯಾಗದು. ಐದು ವರ್ಷ ಪೂರೈಸಲಿದೆ. ಸರ್ಕಾರಕ್ಕೆ ಅಥವಾ ನಮ್ಮ ಕುಟುಂಬಕ್ಕೆ ಮಾಟ-ಮಂತ್ರ ಮಾಡಿಸಿದರೆ ಅದು ಅವರಿಗೇ ರಿವರ್ಸ್ ಆಗಲಿದೆ. ಹಾಗೆ ಮಾಡಲು ಹೋದವರು ಅನುಭವಿಸಿದ್ದಾರೆ. ನಮಗೆ ರಾಹುಕಾಲ-ಗುಳಿಕಾಲ ತಟ್ಟುವುದಿಲ್ಲ. ನಮ್ಮ ಕುಟುಂಬ ಈಶ್ವರನ ಮೇಲೆ ಅಪಾರ ಭಕ್ತಿ ನಂಬಿಕೆ ಇಟ್ಟಿದೆ. ಶಿವ, ಶೃಂಗೇರಿ ಶಾರದೆ ಹಾಗೂ ಗುರುಗಳ ಅನುಗ್ರಹ ಇರುವರೆಗೂ ನನಗಾಗಲೀ, ಕುಮಾರಸ್ವಾಮಿಗಾಗಲೀ, ದೇವೇಗೌಡರಿಗಾಗಲೀ ಏನೂ ಆಗುವುದಿಲ್ಲ’ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.
