ಅರಕಲಗೂಡು: ಕೆರೆಯಲ್ಲಿ ನೀರಿಲ್ಲದೆ ಸಾವಿರಾರು ಮೀನುಗಳ ಸಾವು

ಗ್ರಾಮದ ಹೊರ ಭಾಗದಲ್ಲಿ ಸುಮಾರು 21 ಎಕರೆ ವಿಸ್ತೀರ್ಣದಲ್ಲಿರುವ ಕೆರೆಗೆ ಕಳೆದ ವರ್ಷ ಸಾವಿರಾರು ಮೀನು ಮೀರಿಗಳನ್ನು ಬಿಡಲಾಗಿತ್ತು. ಎಲ್ಲ ಮೀನುಗಳು ಇದೀಗ ದೊಡ್ಡದಾಗಿ ಬೆಳವಣಿಗೆ ಕಂಡಿದ್ದವು. ಬರಗಾಲದ ಕಾರಣ ಕೆರೆಯಲ್ಲಿ ನೀರು ಬತ್ತಿ ಹೋಗಿದ್ದು ಮೀನುಗಳು ಸತ್ತು ತೇಲಾಡುತ್ತಿವೆ.

ಕೆರೆ ಒಡಲು ಸಾಕಷ್ಟು ಪ್ರಮಾಣದಲ್ಲಿ ಖಾಲಿಯಾಗಿದ್ದು, ಅಪಾರ ಬೆಲೆ ಬಾಳುವ ಮೀನುಗಳು ಸಾಯಲು ಕಾರಣವಾಗಿದೆ. ಮೀನುಗಳು ಸತ್ತು ತೇಲುತ್ತಿರುವುದರಿಂದ ದುರ್ವಾಸನೆ ಬರುತ್ತಿದೆ ಎಂದು ಗ್ರಾಮಸ್ಥರು ತಿಳಿಸಿದ್ದಾರೆ.