ಕೊಣನೂರು: ಕಾವೇರಿ ನದಿಗೆ ಬಿದ್ದ ವೃದ್ಧ ಹಾಗೂ ಅವರನ್ನು ಪಾರು ಮಾಡಲು ಹೋಗಿನೀರಿನಲ್ಲಿ ಕೊಚ್ಚಿಕೊಂಡು ಹೋಗುತ್ತಿದ್ದ ಯುವಕನನ್ನು ರಕ್ಷಿಸಲಾಗಿದೆ.
ಭಾನುವಾರ ಸಂಜೆ ಚಿಕ್ಕ ಅರಕಲಗೂಡು ಗ್ರಾಮದ ದಾಸೇಗೌಡ (94) ಎಂಬುವರು ಪಟ್ಟಣದ ಬಳಿ ಕಾವೇರಿ ನದಿಯಲ್ಲಿ ಮುಳುಗಿ ರಕ್ಷಣೆಗೆ ಕೂಗಿಕೊಂಡಿದ್ದಾರೆ. ಅಲ್ಲಿದ್ದಹಾಸನದ 23 ವರ್ಷದ ನವೀನ್‌ ರಕ್ಷಿಸಲು ನೀರಿಗೆ ಹಾರಿದ್ದಾರೆ. ಅವರೂ ನೀರಿನ ಸೆಳೆತಕ್ಕೆ ಕೊಚ್ಚಿಕೊಂಡು ಹೋಗುತ್ತಿದ್ದಾಗ ಜನರು ಚೀರಾಟ ನಡೆಸಿದ್ದಾರೆ.
ತೂಗು ಸೇತುವೆ ಬಳಿ ಛಾಯಾಗ್ರಹಣ ಮಾಡುತ್ತಿದ್ದ ಮೈಸೂರಿನ ನ್ಯಾಷನಲ್ ಅಕಾಡೆಮಿ ಆಫ್ ರುಡ್‌ಸೆಟ್‌ನ ಗಿರಿ ಮಂಜು, ನದಿಯಲ್ಲಿ ಈಜಿ ದಾಸೇಗೌಡ ಮತ್ತು ನವೀನ್‌ ಅವರನ್ನು ರಕ್ಷಿಸಿದ್ದಾರೆ.
