ಜೋಳಕ್ಕೆ ಆರಂಭದಲ್ಲೇ ಬಿಳಿಸುಳಿ ರೋಗ: ರೈತರಿಗೆ ನಷ್ಟದ ಆತಂಕ

ಪ್ರತಿ ವರ್ಷ ಒಂದೇ ಜಮೀನಿನಲ್ಲಿ ಏಕದಳ ಜೋಳ ಬೆಳೆಯತ್ತಿದ್ದು ರೋಗ ಉಲ್ಬಣವಾಗುತ್ತಿದೆ. ಒಂದು ವರ್ಷದಲ್ಲಿ ನೀರಾವರಿ ಸಹಕಾರದಿಂದ ಎರಡು ಬಾರಿ ಬೆಳೆಯುತ್ತಿದ್ದಾರೆ. ಇದು ರೋಗಕ್ಕೆ ಕಾರಣವಾಗಿದೆ. ಮುಂದಿನ ದಿನಗಳಲ್ಲಿ ಈ ರೋಗ ಕಡಿಮೆಯಾಗುವ ಸಾಧ್ಯತೆ ಇದೆ ಎಂದು ಕೃಷಿ ಇಲಾಖೆಯ ಸಹಾಯಕ ನಿರ್ದೇಶಕ ರಮೇಶ್‌ ಕುಮಾರ್‌ ತಿಳಿಸಿದ್ದಾರೆ. ಬಿಳಿಸುಳಿ ರೋಗ ತುತ್ತಾಗಿರುವುದನ್ನು ಈಗಾಗಲೇ ಪರಿಶೀಲನೆ ಮಾಡಲಾಗಿದೆ. ಮೆಟಲಾಕ್ಸಿಲ್ 4 ಮತ್ತು ಮೆನಕೋಸೆಡ್ ಮಿಶ್ರಣ ಮಾಡಿ 4 ಗ್ರಾಂ. ಪ್ರತಿ ಲೀಟರ್ ನೀರಿಗೆ ಬೆರೆಸಿ ಸಿಂಪಡಿಸಬೇಕು. ಭೂಮಿಯಿಂದ ನೀರು ಬಸಿಯಲು ಕ್ರಮ ಕೈಗೊಳ್ಳಬೇಕು. ರೋಗ ಲಕ್ಷಣ ಕಂಡುಬಂದ ಗಿಡಗಳನ್ನು ಕೂಡಲೇ ಕಿತ್ತು ಹಾಕಬೇಕು. ತಂಪಾದ ವಾತಾವರಣ ಮತ್ತು ತೇವಾಂಶ ಗಾಳಿಯಿಂದ ರೋಗ ಹರಡುವ ಸಾಧ್ಯತೆ ಇದೆ ಎಂದು ಹೇಳಿದ್ದಾರೆ.