‘ದಾಳಿ’ಯ ಬಿಸಿಗೆ ಮಂಜೂರಾಯಿತು ಸಬ್ಸಿಡಿ!

ಹಾವೇರಿ: ‘ಆತ್ಮಹತ್ಯೆ ಬಿಟ್ಟು ಬೇರೆ ದಾರಿಯೇ ಇಲ್ಲ’ ಎಂದು ರೈತರು ಅಲವತ್ತು ಕೊಂಡರೂ, ಸಬ್ಸಿಡಿ ಬಿಡುಗಡೆ ಮಾಡದ ಹಾನಗಲ್ಲಿನ ಕೃಷಿ ಇಲಾಖೆ ಸಹಾಯಕ ನಿರ್ದೇಶಕರು, ಭ್ರಷ್ಟಾಚಾರ ನಿಗ್ರಹ ದಳದ (ಎಸಿಬಿ) ‘ದಾಳಿ’ ಬಳಿಕ 257 ರೈತರ ₹1.06 ಕೋಟಿ ಬಿಡುಗಡೆ ಮಾಡಿದ್ದಾರೆ. ದಾಳಿ ಪ್ರಭಾವಕ್ಕೆ ಜಿಲ್ಲೆಯ ಇತರ ಕಡೆಯ ಸಬ್ಸಿಡಿ ಹಣವೂ ಲಂಚ ಇಲ್ಲದೇ ಬಿಡುಗಡೆ ಆಗುತ್ತಿದೆ.

. ಪ್ರಕರಣ: ಹಾನಗಲ್ನ ಡೀಲರ್ ವೀರಣ್ಣ ಸಿಂಧೂರ, 2016–17ನೇ ಸಾಲಿನಲ್ಲಿ ಪರಿಶಿಷ್ಟ ಜಾತಿ ಮತ್ತು ಪಂಗಡ ಹಾಗೂ ಇತರ ರೈತರಿಗೆ ಸರ್ಕಾರದ ಸಹಾಯಧನದಲ್ಲಿ ಕೃಷಿ ಉಪಕರಣಗಳನ್ನು ನೀಡಿದ್ದರು. ಈ ಸಬ್ಸಿಡಿ ಬಿಡುಗಡೆ ಮಾಡಲು ಅಂದಿನ ಸಹಾಯಕ ಕೃಷಿ ನಿರ್ದೇಶಕ ಡಾ. ಜಿ.ಬಸವರಾಜ ₹2 ಲಕ್ಷ ಲಂಚದ ಬೇಡಿಕೆ ಇಟ್ಟಿದ್ದರು. ಸತತ ಬರಗಾಲವಿದ್ದು, ಬಡ– ಪರಿಶಿಷ್ಟ ರೈತರಿಂದ ಹಣ ಸಂಗ್ರಹಿಸಿ ನೀಡಲು ಸಾಧ್ಯವಿಲ್ಲ ಎಂದು ಸಿಂಧೂರ ನಿರಾಕರಿಸಿದ್ದರು. ಆದರೆ, ಹಣ ಕೊಡದೇ ಕಡತಕ್ಕೆ ಸಹಿ ಹಾಕಲು ಸಾಧ್ಯವಿಲ್ಲ ಎಂದು ಆ ಅಧಿಕಾರಿ ಪಟ್ಟು ಹಿಡಿದಿದ್ದರು.

. ‘ನಾನು, ಬ್ಯಾಂಕ್ ಸಾಲ ಮಾಡಿ ಡೀಲರ್ಶಿಪ್ ಪಡೆದುಕೊಂಡಿದ್ದೆ. ಸತತ ಬರದಿಂದ ರೈತರೂ ಸಂಕಷ್ಟದಲ್ಲಿದ್ದರು. ಲಂಚ ನೀಡುವುದು ಅಸಾಧ್ಯ ವಾಗಿತ್ತು. ಇತ್ತ ಬ್ಯಾಂಕ್ ಬಡ್ಡಿ ದಿನೇ ದಿನೇ ಹೆಚ್ಚಾಗುತ್ತಿತ್ತು. ರೈತರಿಗೂ ಕೈಸಾಲ. ನಮಗೆ ದಿಕ್ಕೇ ತೋಚದಾಯಿತು’ ಎಂದು ಸಿಂಧೂರ ಆ ದಿನಗಳನ್ನು ನೆನೆದರು.

. ‘ಒಂದು ದಿನ, ನಾನು ಮತ್ತು ರೈತರು ಅಧಿಕಾರಿ ಕಚೇರಿಗೆ ಹೋದೆವು. ನಮಗೆ ಆತ್ಮಹತ್ಯೆ ಬಿಟ್ಟು ಬೇರೆ ದಾರಿಯೇ ಇಲ್ಲ. ದಯವಿಟ್ಟು ಸಬ್ಸಿಡಿ ಮಂಜೂರು ಮಾಡಿ. ಜೀವ ಉಳಿಸಿ ಎಂದು ಅಲವತ್ತುಕೊಂಡೆವು. ಆದರೂ, ಕ್ಯಾರೇ ಎನ್ನಲಿಲ್ಲ’ ಎನ್ನುವಾಗ ಅವರ ಕಣ್ಣಾಲಿಗಳು ತೇವಗೊಂಡವು.

. ಅವರ ಮಾತನ್ನು, ಅವರೊಂದಿಗಿದ್ದ ಡೀಲರ್ ಸಂಜಯ್ ಬಾಬುಸಾಹೇಬ ತೋರಣಗಟ್ಟಿ ಮುಂದುವರಿಸಿದರು.

. ‘ಆ ನೋವು ಹೇಳತೀರಲಾಗದು. ಹಣ ಮಾತ್ರವಲ್ಲ ಇನ್ನಷ್ಟು ಬೇಡಿಕೆಗಳನ್ನೂ ಪೂರೈಸಬೇಕಿತ್ತು. ಆದರೆ, ಆತ್ಮಹತ್ಯೆ ನಿರ್ಧಾರ ಬಿಟ್ಟು, ಎಸಿಬಿಗೆ ದೂರು ನೀಡಲು ನಿರ್ಧರಿಸಿದೆವು’ ಎಂದು ತಿಳಿಸಿದರು.

. ಕೊನೆಗೂ, ಅವರು ಹಾವೇರಿಯ ಎಸಿಬಿ ಡಿವೈಎಸ್ಪಿ ಎಸ್.ಕೆ. ಪ್ರಹ್ಲಾದ್ ಹಾಗೂ ಇನ್ಸ್ಪೆಕ್ಟರ್ ಬಿ.ಕೆ. ಹಳಬಣ್ಣನವರ ಅವರನ್ನು ಭೇಟಿಯಾಗಿ, ಜನವರಿ 10ರಂದು ದೂರು ದಾಖಲಿಸಿದರು.

. ಎಸಿಬಿ ಅಧಿಕಾರಿಗಳು, ಈ ದೂರನ್ನು ರಹಸ್ಯವಾಗಿಟ್ಟುಕೊಂಡರು. ಫೆಬ್ರುವರಿ 6ರಂದು ಬಲೆ ಬೀಸಿದಾಗ, ದೂರಿನ ಹೊರತಾಗಿಯೂ 257 ರೈತರ ಸಬ್ಸಿಡಿ ಬಾಕಿ ಇರುವುದು ಅವರ ಗಮನಕ್ಕೆ ಬಂತು. ಅಲ್ಲದೆ, ಇತರ ಕಡತಗಳನ್ನೂ ಇಲಾಖೆಯು ವಾರದೊಳಗೆ ವಿಲೇವಾರಿ ಮಾಡಿತು.

. ಒಂದು ದಾಳಿಯಿಂದಾಗಿ ಜಿಲ್ಲೆಯ ಹಲವಾರು ಡೀಲರ್ಗಳು ಹಾಗೂ ರೈತರ ಸಬ್ಸಿಡಿ ಮಂಜೂರಾಯಿತು. ಸುಮಾರು 930 ರೈತರು ಹಾಗೂ ಇತರ ಡೀಲರ್ಗಳು ಕರೆ ಮಾಡಿ ತಮ್ಮನ್ನು ಅಭಿನಂದಿಸಿದರು ಎಂದು ಸಿಂಧೂರ ಅವರು ಹೇಳುವಾಗ, ಭ್ರಷ್ಟಾಚಾರದ ವಿರುದ್ಧ ಹೋರಾಡಿ ಗೆದ್ದ ಖುಷಿ, ಹೆಮ್ಮೆ ಇತ್ತು.

. ಲಂಚದ ವಿರುದ್ಧ #ಮೀ– ಟೂ’

. ಲಂಚಬಾಕರ ವಿರುದ್ಧವೂ #ಮೀ– ಟೂ ಅಭಿಯಾನ ಶುರು ಮಾಡಬೇಕು. ಆಗ, ರೈತರ ಆತ್ಮಹತ್ಯೆ ಕಡಿಮೆಯಾಗಿ, ಸಮಾಜ ಸುಧಾರಣೆ ಕಾಣಲು ಸಾಧ್ಯ ಎನ್ನುತ್ತಾರೆ ದೂರು ನೀಡಲು ನೆರವಾದ ಹಾನಗಲ್ನ ಸಂಜಯ್ ಬಾಬುಸಾಹೇಬ ತೋರಣಗಟ್ಟಿ ಹಾಗೂ ದೂರುದಾರ ವೀರಣ್ಣ ಸಿಂಧೂರ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ದಾಳಿ’ಯ ಬಿಸಿಗೆ ಮಂಜೂರಾಯಿತು ಸಬ್ಸಿಡಿ!

ಚಿನಕುರುಳಿ Cartoon: 28 ಜುಲೈ 2025

ಚುರುಮುರಿ: ಜೈತ್ರಯಾತ್ರೆ

ದಿನ ಭವಿಷ್ಯ: ಆಫೀಸಿನಲ್ಲಿಂದು ಸಮರ್ಥಿಸಿಕೊಳ್ಳುವುದು ಕಷ್ಟ ಎನಿಸಿದರೂ ಜಯ ಸಿಗಲಿದೆ

ಆಂಗ್ಲರಿಗೆ ಭಾರತದ ರಿಯಲ್ 'ಟೆಸ್ಟ್': 4ನೇ ಪಂದ್ಯದಲ್ಲಿ ನಿರ್ಮಾಣವಾದ ದಾಖಲೆಗಳಿವು..

ಡೆಕಾಥ್ಲಾನ್: ದಾಖಲೆ ಉತ್ತಮಪಡಿಸಿದ ತೇಜಸ್ವಿನ್‌

ಬ್ಯಾಡ್ಮಿಂಟನ್ ಟೂರ್ನಿ: ವರುಣ್‌, ತಿಲಕ್‌, ಹಾರ್ದಿಕ್‌ ‘ಡಬಲ್‌’ ಮುನ್ನಡೆ

ವಿಶ್ವ ಈಜು ಚಾಂಪಿಯನ್‌ಷಿಪ್‌: ಕೆನಡಾದ ಮೆಕಿಂಟೋಷ್‌ಗೆ ಚಿನ್ನ ಡಬಲ್‌

ಇದು ಕೇವಲ ಆರಂಭವಷ್ಟೇ; ಮಹಿಳಾ ಚೆಸ್ ವಿಶ್ವಕಪ್ ಗೆದ್ದ ದಿವ್ಯಾ

ಒಳನೋಟ | ‘ಉತ್ತರ’ದ ಪ್ರತಿಭಾ ವಲಸೆ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಚಿನಕುರುಳಿ Cartoon: 28 ಜುಲೈ 2025

ಚುರುಮುರಿ: ಜೈತ್ರಯಾತ್ರೆ

ದಿನ ಭವಿಷ್ಯ: ಆಫೀಸಿನಲ್ಲಿಂದು ಸಮರ್ಥಿಸಿಕೊಳ್ಳುವುದು ಕಷ್ಟ ಎನಿಸಿದರೂ ಜಯ ಸಿಗಲಿದೆ

ಆಂಗ್ಲರಿಗೆ ಭಾರತದ ರಿಯಲ್ 'ಟೆಸ್ಟ್': 4ನೇ ಪಂದ್ಯದಲ್ಲಿ ನಿರ್ಮಾಣವಾದ ದಾಖಲೆಗಳಿವು..