ಹಾವೇರಿ: ಕೆವಿಜಿ ಬ್ಯಾಂಕ್ ನೌಕರ ಮತ್ತು ಆರೋಗ್ಯ ಇಲಾಖೆ ನೌಕರ ಸೇರಿದಂತೆ ಜಿಲ್ಲೆಯಲ್ಲಿ ಶನಿವಾರ 51 ಮಂದಿಗೆ ಕೋವಿಡ್ ದೃಢಪಟ್ಟಿದೆ ಹಾಗೂ 125 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ ಎಂದು ಜಿಲ್ಲಾಧಿಕಾರಿ ಸಂಜಯ ಶೆಟ್ಟೆಣ್ಣವರ ತಿಳಿಸಿದ್ದಾರೆ.
ಬ್ಯಾಡಗಿ–11, ಹಾನಗಲ್–1, ಹಾವೇರಿ–30, ಹಿರೇಕೆರೂರು–1, ರಾಣೆಬೆನ್ನೂರು–14 ಹಾಗೂ ಶಿಗ್ಗಾವಿ ತಾಲ್ಲೂಕಿನ 68 ಮಂದಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ.
ಮರಣದ ವಿವರ:ಹಿರೇಕೆರೂರು ತಾಲ್ಲೂಕಿನ ತಾವರಗಿ ಗ್ರಾಮದ 48 ವರ್ಷದ ಮಹಿಳೆ, ಬಾಳಂಬೀಡ ಗ್ರಾಮದ 75 ವರ್ಷದ ಮಹಿಳೆ, ಹಾವೇರಿ ತಾಲ್ಲೂಕಿನ ಕರ್ಜಗಿ ಗ್ರಾಮದ 70 ವರ್ಷದ ಮಹಿಳೆ ಹಾಗೂ ಹಾಲಗಿ ಗ್ರಾಮದ 55 ವರ್ಷದ ಪುರುಷ ಇವರಿಗೆ ಕೋವಿಡ್ ದೃಢಪಟ್ಟಿದ್ದು, ಇವರ ಮರಣವನ್ನು ಶನಿವಾರ ದೃಢೀಕರಿಸಲಾಗಿದೆ.