<p><strong>ಹಾವೇರಿ:</strong> ಅತಿವೃಷ್ಟಿ ಮತ್ತು ಅಕ್ಟೋಬರ್ನಲ್ಲಿ ಸುರಿದ ಅಕಾಲಿಕ ಮಳೆಯಿಂದ ಜಿಲ್ಲೆಯಲ್ಲಿ ಶೇಂಗಾ ಇಳುವರಿ ಕುಸಿತಗೊಂಡಿದೆ. ಅಲ್ಪಸ್ವಲ್ಪ ದೊರೆತ ಶೇಂಗಾಕ್ಕೂ ಮಣ್ಣು ಮೆತ್ತಿಕೊಂಡ ಕಾರಣ, ‘ಕೈಗೆ ಸಿಕ್ಕ ತುತ್ತು ಬಾಯಿಗೆ ಸಿಗಲಿಲ್ಲ’ ಎಂಬಂತಾಗಿದೆ ರೈತರ ಪರಿಸ್ಥಿತಿ.</p>.<p>ಹದವಾದ ಮಳೆಯಾಗಿದ್ದರೆ, ಶೇಂಗಾ ಗಿಡ ಕಿತ್ತಾಗ ಮಣ್ಣು ಭೂಮಿಯಲ್ಲೇ ಉಳಿದುಕೊಂಡು, ಬೆಳೆ ಕೈ ಸೇರುತ್ತಿತ್ತು. ಈ ಬಾರಿಮಳೆ ಜಾಸ್ತಿಯಾದ ಕಾರಣ ಶೇಂಗಾ ಬೆಳೆಗೆ ಮಣ್ಣು ಹಿಡಿಯಿತು. ಈ ಮಣ್ಣು ಬೇರ್ಪಡಿಸುವ ಪ್ರಕ್ರಿಯೆಯೇ ರೈತರನ್ನು ಹೈರಣಾಗಿಸಿದೆ.</p>.<p>ಪ್ರತಿ ವರ್ಷ ಶೇಂಗಾವನ್ನು ಜರಡಿಯಲ್ಲಿ ಹಾಕಿ, ಗಾಳಿಗೆ ತೂರಿ ನೇರವಾಗಿ ಚೀಲಕ್ಕೆ ತುಂಬುತ್ತಿದ್ದರು. ಈ ಬಾರಿ ಶೇಂಗಾಕ್ಕೆ ಮೆತ್ತಿದ ಮಣ್ಣು ಬಿಸಿಲಿಗೆ ಗಟ್ಟಿಯಾಗಿ, ಜರಡಿಗೆ ಹಾಕಿ ತೂರಿದರೂ ಬಿಡುತ್ತಿಲ್ಲ. ಹಾಗಾಗಿ ಹೊಂಡ, ಕೆರೆ, ನದಿ, ಕೊಳವೆಬಾವಿ ಇದ್ದ ಕಡೆ ಟ್ರಾಕ್ಟರ್, ಚಕ್ಕಡಿಗಳಲ್ಲಿ ಶೇಂಗಾ ಸಾಗಿಸಿ, ನೀರಿನಲ್ಲಿ ತೊಳೆದು ಒಣಗಿಸಿದ ನಂತರ ಚೀಲಕ್ಕೆ ತುಂಬಬೇಕಿದೆ. ಈ ಹೆಚ್ಚುವರಿ ಪ್ರಕ್ರಿಯೆಯಿಂದ ಕೂಲಿ ಕಾರ್ಮಿಕರ ದಿನಗೂಲಿ ಮತ್ತು ಟ್ರಾಕ್ಟರ್ ಬಾಡಿಗೆ ವೆಚ್ಚವನ್ನು ರೈತರು ಭರಿಸಬೇಕಿದೆ.</p>.<p>‘ಹಿಂದಿನ ವರ್ಷ ಗಿಡ ಕಿತ್ತು, ಶೇಂಗಾ ಬಿಡಿಸಿಕೊಡಲು ಎಕರೆಗೆ ₹ 5 ಸಾವಿರ ಗುತ್ತಿಗೆ ಕೊಡಲಾಗುತ್ತಿತ್ತು. ಈ ಬಾರಿ ₹ 8ರಿಂದ ₹ 9 ಸಾವಿರ ಭರಿಸಬೇಕಾಯಿತು. ಅಷ್ಟೇ ಅಲ್ಲ, ಗಿಡ ಕಿತ್ತುಕೊಟ್ಟವರು ಮಣ್ಣು ಮೆತ್ತಿದ್ದ ಕಾರಣ ಶೇಂಗಾ ಬಿಡಿಸಿಕೊಡಲು ಹಿಂದೇಟು ಹಾಕಿದರು. ಇದರಿಂದ ಶೇಂಗಾ ಮತ್ತು ಗಿಡವನ್ನು ಬೇರ್ಪಡಿಸಲು ಯಂತ್ರಕ್ಕೆ ₹ 3 ಸಾವಿರ ಕೊಟ್ಟೆವು. ಶೇಂಗಾ ಬೇರ್ಪಟ್ಟರೂ ಮಣ್ಣು ಮಾತ್ರ ಬಿಡಲಿಲ್ಲ. ಹಾಗಾಗಿ, ಟ್ರಾಕ್ಟರ್ಗೆ ಒಂದು ಸಾವಿರ ಬಾಡಿಗೆ ಕೊಟ್ಟು, ಹೆಗ್ಗೇರಿ ಕೆರೆಗೆ ಶೇಂಗಾವನ್ನು ತೊಳೆಯಲು ತಂದಿದ್ದೇನೆ. ಜತೆಗೆ 4 ಕೂಲಿ ಕಾರ್ಮಿಕರನ್ನೂ ಕರೆ ತಂದಿದ್ದೇನೆ. ಅವರಿಗೆ ದಿನಗೂಲಿ ತಲಾ ₹ 300. ಹೀಗಾಗಿ ಸಿಗುವ ಅಲ್ಪಸ್ವಲ್ಪ ಲಾಭವೂ ಮಣ್ಣು ಪಾಲಾಯಿತು’ ಎಂದು ಹಾವೇರಿ ತಾಲ್ಲೂಕಿನ ಆಲದಕಟ್ಟಿ ಗ್ರಾಮದ ರೈತ ಶೇಖಪ್ಪ ಕೋರಿಶೆಟ್ಟರ್ ಅಳಲು ತೋಡಿಕೊಂಡರು.</p>.<p>‘ಗುತ್ತಿಗೆಯವರ ಹೆಚ್ಚುವರಿ ದರ, ಯಂತ್ರದ ವೆಚ್ಚ, ಟ್ರಾಕ್ಟರ್ ಬಾಡಿಗೆ, ಶೇಂಗಾ ತೊಳೆಯಲು ಕೂಲಿ ಕಾರ್ಮಿಕರ ದಿನಗೂಲಿ... ಈ ಎಲ್ಲವೂ ಈ ವರ್ಷದ ಹೆಚ್ಚುವರಿ ಖರ್ಚುಗಳು. ಅತಿಯಾದ ಮಳೆಯಿಂದ ಶೇಂಗಾ ಜೊಳ್ಳಾಗಿವೆ. ಪ್ರತಿ ವರ್ಷ ಎಕರೆಗೆ 20 ಚೀಲ ಸಿಗುತ್ತಿತ್ತು. ಈ ಬಾರಿ 10 ಚೀಲ ಸಿಕ್ಕಿವೆ. ಕಳೆದ ಬಾರಿ ಕ್ವಿಂಟಲ್ಗೆ5,500 ರಿಂದ ₹ 8,000 ಇದ್ದ ಮಾರುಕಟ್ಟೆ ದರ, ಈ ಬಾರಿ ₹ 4,000 ದಿಂದ ₹ 4,500 ಇದೆ. ಹೀಗಾಗಿ ಎಲ್ಲ ಕಡೆಯಿಂದಲೂ ನಮಗೆ ನಷ್ಟವೇ ಉಂಟಾಗಿದೆ’ ಎಂದರು.</p>.<p>‘ಬಿತ್ತನೆ ಬೀಜ, ಕೂಲಿ ಕಾರ್ಮಿಕರ ದಿನಗೂಲಿ ಎಲ್ಲ ಸೇರಿ ಎಕರೆಗೆ ₹ 20 ಸಾವಿರ ಖರ್ಚು ತಗಲುತ್ತಿತ್ತು. ಆದರೆ, ಈ ಬಾರಿ ₹ 35 ಸಾವಿರ ಖರ್ಚಾಗಿದೆ. ಮಾರುಕಟ್ಟೆ ದರ ನೋಡಿದರೆ ಹಾಕಿದ ಬಂಡವಾಳವೂ ಸಿಗದ ಪರಿಸ್ಥಿತಿ ಇದೆ. ನಮಗೆ ಲಾಭ ಅಂದ್ರೆ, ‘ಒಂದು ಟ್ರಾಕ್ಟರ್ ಶೇಂಗಾ ಹೊಟ್ಟು’ ಮಾತ್ರ. ಏಕೆಂದರೆ ಅದರ ಮಾರುಕಟ್ಟೆ ದರ ₹ 10 ಸಾವಿರ’ ಎಂದು ಲೆಕ್ಕಾಚಾರ ಬಿಡಿಸಿಟ್ಟರು ಆಲದಕಟ್ಟಿ ರೈತ ಮಲ್ಲಿಕಾರ್ಜುನ ಗಿರ್ಜಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹಾವೇರಿ:</strong> ಅತಿವೃಷ್ಟಿ ಮತ್ತು ಅಕ್ಟೋಬರ್ನಲ್ಲಿ ಸುರಿದ ಅಕಾಲಿಕ ಮಳೆಯಿಂದ ಜಿಲ್ಲೆಯಲ್ಲಿ ಶೇಂಗಾ ಇಳುವರಿ ಕುಸಿತಗೊಂಡಿದೆ. ಅಲ್ಪಸ್ವಲ್ಪ ದೊರೆತ ಶೇಂಗಾಕ್ಕೂ ಮಣ್ಣು ಮೆತ್ತಿಕೊಂಡ ಕಾರಣ, ‘ಕೈಗೆ ಸಿಕ್ಕ ತುತ್ತು ಬಾಯಿಗೆ ಸಿಗಲಿಲ್ಲ’ ಎಂಬಂತಾಗಿದೆ ರೈತರ ಪರಿಸ್ಥಿತಿ.</p>.<p>ಹದವಾದ ಮಳೆಯಾಗಿದ್ದರೆ, ಶೇಂಗಾ ಗಿಡ ಕಿತ್ತಾಗ ಮಣ್ಣು ಭೂಮಿಯಲ್ಲೇ ಉಳಿದುಕೊಂಡು, ಬೆಳೆ ಕೈ ಸೇರುತ್ತಿತ್ತು. ಈ ಬಾರಿಮಳೆ ಜಾಸ್ತಿಯಾದ ಕಾರಣ ಶೇಂಗಾ ಬೆಳೆಗೆ ಮಣ್ಣು ಹಿಡಿಯಿತು. ಈ ಮಣ್ಣು ಬೇರ್ಪಡಿಸುವ ಪ್ರಕ್ರಿಯೆಯೇ ರೈತರನ್ನು ಹೈರಣಾಗಿಸಿದೆ.</p>.<p>ಪ್ರತಿ ವರ್ಷ ಶೇಂಗಾವನ್ನು ಜರಡಿಯಲ್ಲಿ ಹಾಕಿ, ಗಾಳಿಗೆ ತೂರಿ ನೇರವಾಗಿ ಚೀಲಕ್ಕೆ ತುಂಬುತ್ತಿದ್ದರು. ಈ ಬಾರಿ ಶೇಂಗಾಕ್ಕೆ ಮೆತ್ತಿದ ಮಣ್ಣು ಬಿಸಿಲಿಗೆ ಗಟ್ಟಿಯಾಗಿ, ಜರಡಿಗೆ ಹಾಕಿ ತೂರಿದರೂ ಬಿಡುತ್ತಿಲ್ಲ. ಹಾಗಾಗಿ ಹೊಂಡ, ಕೆರೆ, ನದಿ, ಕೊಳವೆಬಾವಿ ಇದ್ದ ಕಡೆ ಟ್ರಾಕ್ಟರ್, ಚಕ್ಕಡಿಗಳಲ್ಲಿ ಶೇಂಗಾ ಸಾಗಿಸಿ, ನೀರಿನಲ್ಲಿ ತೊಳೆದು ಒಣಗಿಸಿದ ನಂತರ ಚೀಲಕ್ಕೆ ತುಂಬಬೇಕಿದೆ. ಈ ಹೆಚ್ಚುವರಿ ಪ್ರಕ್ರಿಯೆಯಿಂದ ಕೂಲಿ ಕಾರ್ಮಿಕರ ದಿನಗೂಲಿ ಮತ್ತು ಟ್ರಾಕ್ಟರ್ ಬಾಡಿಗೆ ವೆಚ್ಚವನ್ನು ರೈತರು ಭರಿಸಬೇಕಿದೆ.</p>.<p>‘ಹಿಂದಿನ ವರ್ಷ ಗಿಡ ಕಿತ್ತು, ಶೇಂಗಾ ಬಿಡಿಸಿಕೊಡಲು ಎಕರೆಗೆ ₹ 5 ಸಾವಿರ ಗುತ್ತಿಗೆ ಕೊಡಲಾಗುತ್ತಿತ್ತು. ಈ ಬಾರಿ ₹ 8ರಿಂದ ₹ 9 ಸಾವಿರ ಭರಿಸಬೇಕಾಯಿತು. ಅಷ್ಟೇ ಅಲ್ಲ, ಗಿಡ ಕಿತ್ತುಕೊಟ್ಟವರು ಮಣ್ಣು ಮೆತ್ತಿದ್ದ ಕಾರಣ ಶೇಂಗಾ ಬಿಡಿಸಿಕೊಡಲು ಹಿಂದೇಟು ಹಾಕಿದರು. ಇದರಿಂದ ಶೇಂಗಾ ಮತ್ತು ಗಿಡವನ್ನು ಬೇರ್ಪಡಿಸಲು ಯಂತ್ರಕ್ಕೆ ₹ 3 ಸಾವಿರ ಕೊಟ್ಟೆವು. ಶೇಂಗಾ ಬೇರ್ಪಟ್ಟರೂ ಮಣ್ಣು ಮಾತ್ರ ಬಿಡಲಿಲ್ಲ. ಹಾಗಾಗಿ, ಟ್ರಾಕ್ಟರ್ಗೆ ಒಂದು ಸಾವಿರ ಬಾಡಿಗೆ ಕೊಟ್ಟು, ಹೆಗ್ಗೇರಿ ಕೆರೆಗೆ ಶೇಂಗಾವನ್ನು ತೊಳೆಯಲು ತಂದಿದ್ದೇನೆ. ಜತೆಗೆ 4 ಕೂಲಿ ಕಾರ್ಮಿಕರನ್ನೂ ಕರೆ ತಂದಿದ್ದೇನೆ. ಅವರಿಗೆ ದಿನಗೂಲಿ ತಲಾ ₹ 300. ಹೀಗಾಗಿ ಸಿಗುವ ಅಲ್ಪಸ್ವಲ್ಪ ಲಾಭವೂ ಮಣ್ಣು ಪಾಲಾಯಿತು’ ಎಂದು ಹಾವೇರಿ ತಾಲ್ಲೂಕಿನ ಆಲದಕಟ್ಟಿ ಗ್ರಾಮದ ರೈತ ಶೇಖಪ್ಪ ಕೋರಿಶೆಟ್ಟರ್ ಅಳಲು ತೋಡಿಕೊಂಡರು.</p>.<p>‘ಗುತ್ತಿಗೆಯವರ ಹೆಚ್ಚುವರಿ ದರ, ಯಂತ್ರದ ವೆಚ್ಚ, ಟ್ರಾಕ್ಟರ್ ಬಾಡಿಗೆ, ಶೇಂಗಾ ತೊಳೆಯಲು ಕೂಲಿ ಕಾರ್ಮಿಕರ ದಿನಗೂಲಿ... ಈ ಎಲ್ಲವೂ ಈ ವರ್ಷದ ಹೆಚ್ಚುವರಿ ಖರ್ಚುಗಳು. ಅತಿಯಾದ ಮಳೆಯಿಂದ ಶೇಂಗಾ ಜೊಳ್ಳಾಗಿವೆ. ಪ್ರತಿ ವರ್ಷ ಎಕರೆಗೆ 20 ಚೀಲ ಸಿಗುತ್ತಿತ್ತು. ಈ ಬಾರಿ 10 ಚೀಲ ಸಿಕ್ಕಿವೆ. ಕಳೆದ ಬಾರಿ ಕ್ವಿಂಟಲ್ಗೆ5,500 ರಿಂದ ₹ 8,000 ಇದ್ದ ಮಾರುಕಟ್ಟೆ ದರ, ಈ ಬಾರಿ ₹ 4,000 ದಿಂದ ₹ 4,500 ಇದೆ. ಹೀಗಾಗಿ ಎಲ್ಲ ಕಡೆಯಿಂದಲೂ ನಮಗೆ ನಷ್ಟವೇ ಉಂಟಾಗಿದೆ’ ಎಂದರು.</p>.<p>‘ಬಿತ್ತನೆ ಬೀಜ, ಕೂಲಿ ಕಾರ್ಮಿಕರ ದಿನಗೂಲಿ ಎಲ್ಲ ಸೇರಿ ಎಕರೆಗೆ ₹ 20 ಸಾವಿರ ಖರ್ಚು ತಗಲುತ್ತಿತ್ತು. ಆದರೆ, ಈ ಬಾರಿ ₹ 35 ಸಾವಿರ ಖರ್ಚಾಗಿದೆ. ಮಾರುಕಟ್ಟೆ ದರ ನೋಡಿದರೆ ಹಾಕಿದ ಬಂಡವಾಳವೂ ಸಿಗದ ಪರಿಸ್ಥಿತಿ ಇದೆ. ನಮಗೆ ಲಾಭ ಅಂದ್ರೆ, ‘ಒಂದು ಟ್ರಾಕ್ಟರ್ ಶೇಂಗಾ ಹೊಟ್ಟು’ ಮಾತ್ರ. ಏಕೆಂದರೆ ಅದರ ಮಾರುಕಟ್ಟೆ ದರ ₹ 10 ಸಾವಿರ’ ಎಂದು ಲೆಕ್ಕಾಚಾರ ಬಿಡಿಸಿಟ್ಟರು ಆಲದಕಟ್ಟಿ ರೈತ ಮಲ್ಲಿಕಾರ್ಜುನ ಗಿರ್ಜಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
