ಸೋಮವಾರ, ಫೆಬ್ರವರಿ 24, 2020
19 °C

ಹೆತ್ತವರನ್ನು ಕಡೆಗಾಲದಲ್ಲಿ ಕೈಬಿಡಬೇಡಿ: ಶಾಸಕ ನೆಹರು ಓಲೇಕಾರ ಅಭಿಮತ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಹಾವೇರಿ: ‘ಹೆತ್ತ ತಂದೆ ತಾಯಂದಿರನ್ನು ಕಡೆಗಾಲದಲ್ಲಿ ಮಕ್ಕಳು ಸರಿಯಾಗಿ ಆರೈಕೆ ಮಾಡುತ್ತಿಲ್ಲ. ಇದು ಕಳವಳಕಾರಿ ಸಂಗತಿ. ತುತ್ತು ತಿನ್ನಿಸಿ ಬೆಳೆಸಿದವರನ್ನು ನೋಡಿಕೊಳ್ಳದಂಥ ಕಟುಕ ಮಕ್ಕಳು ಸಮಾಜದಲ್ಲಿದ್ದಾರೆ’ ಎಂದು ಶಾಸಕ ನೆಹರು ಓಲೇಕಾರ ವಿಷಾದ ವ್ಯಕ್ತಪಡಿಸಿದರು. 

ಅಗಡಿ ಆನಂದವನಮಠದ ಚಿದಂಬರಮೂರ್ತಿ ಚಕ್ರವರ್ತಿ ಸ್ವಾಮೀಜಿಯವರ 82ನೇ ಹುಟ್ಟುಹಬ್ಬ ಅಂಗವಾಗಿ ನಾಗೇಂದ್ರನಮಟ್ಟಿಯಲ್ಲಿರುವ ಶ್ರೀಶಕ್ತಿ ವೃದ್ಧಾಶ್ರಮದ ನಿವಾಸಿಗಳಿಗೆ ಗುರುವಾರ ಊಟ ಮತ್ತು ಸ್ವೆಟರ್‌ ವಿತರಿಸಿ ಅವರು ಮಾತನಾಡಿದರು. 

ಶ್ರೀಮಂತರು ತಮ್ಮ ಜನ್ಮದಿನವನ್ನು ಕಲ್ಯಾಣ ಮಂಟಪ, ಹೋಟೆಲ್‌ಗಳಲ್ಲಿ ವೈಭವಯುತವಾಗಿ ಆಚರಿಸಿಕೊಳ್ಳುತ್ತಾರೆ. ಎಲ್‌.ಎಸ್‌.ಕುಲಕರ್ಣಿ ಮತ್ತು ಬಹದ್ದೂರ್‌ ದೇಸಾಯಿ ಕುಟುಂಬದವರು ವೃದ್ಧಾಶ್ರಮದಲ್ಲಿ ಜನ್ಮದಿನವನ್ನು ಅರ್ಥಪೂರ್ಣವಾಗಿ ಆಚರಿಸಿಕೊಳ್ಳುತ್ತಿರುವುದು ಅನುಕರಣೀಯ. ಇಲ್ಲಿನ ವೃದ್ಧಾಶ್ರಮದ ಆಶ್ರಿತರನ್ನು ನೋಡಿದಾಗ ತುಂಬಾ ನೋವಾಗುತ್ತದೆ. ಮಕ್ಕಳಿದ್ದರೂ ಅನಾಥ ಭಾವದಲ್ಲಿ ಬದುಕುವ ಇಂಥ ದುಸ್ಥಿತಿ ಯಾರಿಗೂ ಬರಬಾರದು ಎಂದು ನೋವಿನಿಂದ ನುಡಿದರು. 

ವೃದ್ಧಾಶ್ರಮದ ಅಧೀಕ್ಷಕ ಕಾಳಪ್ಪ ಚಲವಾದಿ, ಕೆ.ಸಿ.ಕೋರಿ, ಹನುಮಂತನಾಯಕ ಬದಾಮಿ, ಬಾಬಣ್ಣ ಮಾಗಾವಿ, ಕೆ.ಮಂಜಣ್ಣ, ಕೃಷ್ಣ ಜವಳಿ, ಕುಶಣ್ಣ ಬ.ದೇಸಾಯಿ ಇತರರು ಇದ್ದರು. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು