ಹಾವೇರಿ: ₹1 ಲಕ್ಷಕ್ಕೆ ‘ಮೈಲಾರಿ’ ಟಗರು ಮಾರಾಟ

ಹಾವೇರಿ: ಬಕ್ರೀದ್ ಹಬ್ಬಕ್ಕೆ ದಿನಗಣನೆ ಶುರುವಾಗಿದ್ದು, ಹಾವೇರಿಯ ಸಂತೆಯಲ್ಲಿ ಟಗರು ಹಾಗೂ ಕುರಿಗಳ ಖರೀದಿ ಗುರುವಾರ ಜೋರಾಗಿತ್ತು. ‘ಮೈಲಾರಿ’ ಹೆಸರಿನ ಟಗರು ₹1 ಲಕ್ಷಕ್ಕೆ ಮಾರಾಟವಾಯಿತು.

. ನಗರದ ಹಾನಗಲ್ ರಸ್ತೆಗೆ ಹೊಂದಿಕೊಂಡಿರುವ ಶಿವಬಸವೇಶ್ವರ ಜಾನುವಾರು ಮಾರುಕಟ್ಟೆ ಆವರಣದಲ್ಲಿ ಗುರುವಾರ ಸಂತೆ ಜರುಗಿತು. ಕಳೆದ ವಾರಕ್ಕಿಂತ ಈ ಬಾರಿ, ಕುರಿ, ಟಗರು ಹಾಗೂ ಮೇಕೆಗಳ ಸಂಖ್ಯೆ ಹೆಚ್ಚಿತ್ತು. ಮಾರಾಟಗಾರರು ಹಾಗೂ ಖರೀದಿದಾರರೂ ಎಂದಿಗಿಂತಲೂ ಹೆಚ್ಚಿನ ಸಂಖ್ಯೆಯಲ್ಲಿ ನೆರೆದಿದ್ದರು.

. ಜೂನ್ 18ರಂದು ಬಕ್ರೀದ್ ಹಬ್ಬವಿದ್ದು, ಹಬ್ಬಕ್ಕೆ ಅಗತ್ಯವಿರುವ ಟಗರು–ಕುರಿಗಳನ್ನು ಖರೀದಿಸಲು ಮುಸ್ಲಿಂ ಸಮುದಾಯದ ಜನರು ಹೆಚ್ಚಿನ ಸಂಖ್ಯೆಯಲ್ಲಿ ಮಾರುಕಟ್ಟೆಗೆ ಬಂದಿದ್ದರು. ಕುರಿಗಾರರು ಹಾಗೂ ವ್ಯಾಪಾರಿಗಳ ಜೊತೆ ಮಾತುಕತೆ ನಡೆಸಿ, ತಮ್ಮಿಷ್ಟದ ಕುರಿ– ಟಗರು ಖರೀದಿಸಿ ವಾಹನಗಳಲ್ಲಿ ಕೊಂಡೊಯ್ದರು.

. ಆರು ತಿಂಗಳ ಮರಿಯಿಂದ ಹಿಡಿದು ಎರಡು–ಮೂರು ವರ್ಷಗಳ ಕುರಿಗಳು ಹಾಗೂ ಟಗರುಗಳು ಸಂತೆಯಲ್ಲಿದ್ದವು. ಕನಿಷ್ಠ 3 ಸಾವಿರದಿಂದ ಗರಿಷ್ಠ ₹1 ಲಕ್ಷದವರೆಗೂ ಬೆಲೆ ನಿಗದಿಪಡಿಸಲಾಗಿತ್ತು. ಖರೀದಿದಾರರು, ಚೌಕಾಶಿ ವ್ಯಾಪಾರ ಮಾಡುತ್ತಿದ್ದ ದೃಶ್ಯಗಳು ಕಂಡುಬಂದವು.

. ಬೆಂಗಳೂರು, ಮೈಸೂರು, ಉತ್ತರ ಕನ್ನಡ, ಬಳ್ಳಾರಿ, ಧಾರವಾಡ, ಬೆಳಗಾವಿ, ದಾವಣಗೆರೆ, ತುಮಕೂರು ಹಾಗೂ ಇತರೆ ಜಿಲ್ಲೆಗಳಿಂದ ಗ್ರಾಹಕರು ಮಾರುಕಟ್ಟೆಗೆ ಬಂದಿದ್ದರು. ತಮಿಳುನಾಡು, ಆಂಧ್ರಪ್ರದೇಶ ಹಾಗೂ ಕೇರಳದ ಗ್ರಾಹಕರೂ ಹೆಚ್ಚಿನ ಸಂಖ್ಯೆಯಲ್ಲಿದ್ದರು.

. ಮೈಲಾರ ಬಳಿಯ ಹೊಳಲದ ರಾಜಣ್ಣ ಎಂಬುವವರು ತಮ್ಮ ‘ಮೈಲಾರಿ’ ಹೆಸರಿನ ಟಗರನ್ನು ₹1 ಲಕ್ಷಕ್ಕೆ ಮಾರಾಟ ಮಾಡಿದರು.

. ‘ನಮ್ಮದು ಪಂದ್ಯದ ಟಗರು. ಸಣ್ಣ ಮರಿ ತಂದು ಸಾಕಿದ್ದೆವು. ಈಗ, ಮಾರುಕಟ್ಟೆಗೆ ತಂದು ಮಾರಿದ್ದೇವೆ. ವಾಹನದಿಂದ ಇಳಿಸುತ್ತಿದ್ದಂತೆ ಟಗರು ಖರೀದಿಸಲು ಗ್ರಾಹಕರು ಮುಗಿಬಿದ್ದರು. ಎರಡು ವರ್ಷದ ಟಗರು, ಸುಮಾರು 80 ಕೆಜಿ ತೂಕವಿತ್ತು’ ಎಂದು ರಾಜಣ್ಣ ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.

. ಈ ಬಾರಿ ಕುರಿ, ಟಗರು ಹಾಗೂ ಮೇಕೆಗಳ ಸಂಖ್ಯೆ ಹೆಚ್ಚಿತ್ತು. ಅಂದುಕೊಂಡಷ್ಟು ಬೆಲೆ ಸಿಗಲಿಲ್ಲವೆಂದು ಕುರಿಗಾರರು ಬೇಸರ ವ್ಯಕ್ತಪಡಿಸಿದರು.

. ‘ವರ್ಷಗಟ್ಟಲೇ ಕುರಿ ಸಾಕಿದ್ದೇವೆ. ಇದೀಗ 20 ಕುರಿಗಳನ್ನು ತಂದಿದ್ದೇವೆ. ಒಂದು ಕುರಿಗೆ ₹20 ಸಾವಿರದಿಂದ ₹25 ಸಾವಿರ ಹೇಳುತ್ತಿದ್ದೇವೆ. ಆದರೆ, ಗ್ರಾಹಕರು ಕಡಿಮೆ ಬೆಲೆ ಕೇಳುತ್ತಿದ್ದಾರೆ. ನಮ್ಮ ಬೆಲೆ ಸಿಕ್ಕರೆ ಮಾತ್ರ ಕೊಡುತ್ತೇವೆ. ಇಲ್ಲದಿದ್ದರೆ, ವಾಪಸು ಹೋಗುತ್ತಿದ್ದೇವೆ’ ಎಂದು ಕುರಿಗಾರ ರಾಮಪ್ಪ ಹೇಳಿದರು.

. ಪರೀಕ್ಷಿಸಿ ಖರೀದಿ:

ಬಕ್ರೀದ್ ಹಬ್ಬಕ್ಕೆ ಕುರಿ ಖರೀದಿಸಲು ಬಂದಿದ್ದ ಸವಣೂರಿನ ಮತೀನ್ ಖತೀಬ್, ‘ಒಂದು ವರ್ಷದ ಮೇಲಿನ ಹಲ್ಲು ಇರುವ ಟಗರು ಖರೀದಿಸಲು ಬಂದಿದ್ದೇವೆ. ಈಗ, ₹16 ಸಾವಿರಕ್ಕೆ ಒಂದು ಟಗರು ಖರೀದಿಸಿದ್ದೇವೆ. ಇದು ದೇವರಿಗೆ ಅರ್ಪಿಸಲು ಬೇಕಿರುವುದರಿಂದ, ಗಾಯವಿದೆಯಾ? ಹಾಗೂ ಇತರೆ ಎಲ್ಲವನ್ನೂ ಪರೀಕ್ಷಿಸಿಯೇ ಖರೀದಿ ಮಾಡಿದ್ದೇವೆ’ ಎಂದರು.

. ತಮಿಳುನಾಡಿನ ರಾಮಾಂಜನೇಯ, ‘ಬಕ್ರೀದ್ ಹಬ್ಬಕ್ಕೆ ಕುರಿ, ಟಗರಿಗೆ ಬೇಡಿಕೆ ಹೆಚ್ಚು. ಪ್ರತಿ ವರ್ಷವೂ ಹಾವೇರಿ ಮಾರುಕಟ್ಟೆಗೆ ಬಂದು ಖರೀದಿಸಿಕೊಂಡು ಹೋಗುತ್ತಿದ್ದೇವೆ. ಇಲ್ಲಿ ದರವೂ ಕಡಿಮೆ’ ಎಂದು ಹೇಳಿದರು.

. ನೆರೆ ರಾಜ್ಯಗಳಿಂದಲೂ ಬರುವ ಖರೀದಿದಾರರು ಕುರಿ, ಮೇಕೆಗಳ ಖರೀದಿ–ಮಾರಾಟದಲ್ಲಿ ಚೌಕಾಸಿ ವಿಶೇಷ ಮಾರುಕಟ್ಟೆಯಲ್ಲಿ ಟಗರು ಖರೀದಿಗೆ ಭಾರಿ ಪೈಪೋಟಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹಾವೇರಿ: ₹1 ಲಕ್ಷಕ್ಕೆ ‘ಮೈಲಾರಿ’ ಟಗರು ಮಾರಾಟ

ಚಿನಕುರುಳಿ | ಮಂಗಳವಾರ, 22 ಅಕ್ಟೋಬರ್ 2024

ಚುರುಮುರಿ | ಕುಸಿತದ್ದೇ ಕಥೆ

ದಿನ ಭವಿಷ್ಯ: ಮನಸ್ಸು ಉಲ್ಲಾಸಿತವಾಗಿರುವುದು

ಚನ್ನ‍ಪಟ್ಟಣ ಉಪಚುನಾವಣೆ | ಜೆಡಿಎಸ್‌–ಯೋಗೇಶ್ವರ್‌ ಕಿತ್ತಾಟ

ರಣಜಿ | ಫಿಟ್‌ನೆಸ್ ಕೊರತೆ, ಅಶಿಸ್ತು: ಮುಂಬೈ ತಂಡದಿಂದ ಪೃಥ್ವಿ ಶಾಗೆ ಕೊಕ್

BAN vs SA ಮೊದಲ ಟೆಸ್ಟ್: ಸೋಲು ತಪ್ಪಿಸಲು ಬಾಂಗ್ಲಾ ಹೋರಾಟ

26ರ ಕಾಮನ್‌ವೆಲ್ತ್ ಗೇಮ್ಸ್: ಬ್ಯಾಡ್ಮಿಂಟನ್, ಶೂಟಿಂಗ್, ಹಾಕಿ, ಕ್ರಿಕೆಟ್‌ಗೆ ಕೊಕ್

ಭಾರತ ವಿರುದ್ಧದ 2ನೇ ಟೆಸ್ಟ್‌ಗೂ ನ್ಯೂಜಿಲೆಂಡ್ ಬ್ಯಾಟರ್ ಕೇನ್ ವಿಲಿಯಮ್ಸನ್ ಅಲಭ್ಯ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಒಳನೋಟ: ಕೆಲಸದ ಹೊರೆ; ಬದುಕಿಗೆ ಬರೆ

ಚಿನಕುರುಳಿ | ಮಂಗಳವಾರ, 22 ಅಕ್ಟೋಬರ್ 2024

ಚುರುಮುರಿ | ಕುಸಿತದ್ದೇ ಕಥೆ

ದಿನ ಭವಿಷ್ಯ: ಮನಸ್ಸು ಉಲ್ಲಾಸಿತವಾಗಿರುವುದು

ಚನ್ನ‍ಪಟ್ಟಣ ಉಪಚುನಾವಣೆ | ಜೆಡಿಎಸ್‌–ಯೋಗೇಶ್ವರ್‌ ಕಿತ್ತಾಟ