ಚಿಂಚೋಳಿ: ಬರಡು ಭೂಮಿಯಲ್ಲಿ ಪಪ್ಪಾಯ ಬೆಳೆದ ರೈತ

ಚಿಂಚೋಳಿ : ತಾಲ್ಲೂಕಿನ ಶಿವರಾಮ ನಾಯಕ ತಾಂಡಾದ ಯುವ ರೈತ ತೇಜು ನಾಯಕ ಬರಡು ಭೂಮಿಯಲ್ಲಿ ಮಲ್ಚಿಂಗ್ ಪೇಪರ್ ಅಳವಡಿಸಿ ಪಪ್ಪಾಯ ಬೆಳೆಯುವಲ್ಲಿ ಯಶಸ್ವಿಯಾಗಿದ್ದಾರೆ.

. ಒಂದು ಹೆಕ್ಟೇರ್ನಲ್ಲಿ ಪಪ್ಪಾಯ ಬೆಳೆದ ಅವರು 10 ತಿಂಗಳಲ್ಲಿ ₹ 2.5 ಲಕ್ಷ ನಿವ್ವಳ ಆದಾಯ ಗಳಿಸಿದ್ದಾರೆ. ಲಾಕಡೌನ್ನಲ್ಲಿ ನಿರ್ವಹಣೆಗೆ ತೊಂದರೆಯಾದರೂ ಕೂಡ 45 ಟನ್ ಪಪ್ಪಾಯ ಬೆಳೆದು ಸೈ ಎನಿಸಿಕೊಂಡಿದ್ದಾರೆ.

. ಇದರೊಂದಿಗೆ 20 ಗುಂಟೆ ಶೇಡ್ ನೆಟ್ನಲ್ಲಿ ಟೊಮೆಟೊ ಬೆಳೆದು ಎರಡು ದಿನಕ್ಕೊಮ್ಮೆ ₹10 ಸಾವಿರ ಆದಾಯ ಪಡೆಯುತ್ತಿದ್ದಾರೆ. ಟೊಮೆಟೊ 5 ತಿಂಗಳ ಬೆಳೆಯಾಗಿದ್ದು, ಮೂರು ದಿನಗಳಿಂದ ಹಣ್ಣು ಮಾರಾಟ ಮಾಡಲಾಗುತ್ತಿದೆ. ಆರಂಭದಲ್ಲಿ 2 ದಿನಗಳಲ್ಲಿ 25 ಕ್ಯಾನ್ (7.5 ಕ್ವಿಂಟಲ್) ಇಳುವರಿ ಪಡೆದಿದ್ದಾರೆ. ಸದ್ಯ ಪ್ರತಿ ಕ್ಯಾನ್ಗೆ ₹800 ದರ ಲಭಿಸಿದೆ. ಮನ್ನಾಎಖ್ಖೆಳ್ಳಿಯ ವ್ಯಾಪಾರಿ ಬಂದು ತೋಟದಿಂದಲೇ ಹಣ್ಣು ತೆಗೆದುಕೊಂಡು ಹೋಗುತ್ತಿದ್ದಾರೆ ಎಂದು ತೇಜುನಾಯಕ ‘ಪ್ರಜಾವಾಣಿ’ಗೆ ತಿಳಿಸಿದರು.

. ಪಪ್ಪಾಯ ಬೇಸಾಯಕ್ಕೆ ತೋಟಗಾರಿಕಾ ಇಲಾಖೆ ಕಳೆದ ವರ್ಷ ₹75 ಸಾವಿರ ಪ್ರೋತ್ಸಾಹ ಧನ ನೀಡಿದೆ. ಟೊಮೆಟೊ ಬೇಸಾಯಕ್ಕೆ ಶೇಡ್ನೆಟ್ ಸ್ಥಾಪನೆಗೆ ತೋಟಗಾರಿಕೆ ಇಲಾಖೆಗೆ ರೈತರ ವಂತಿಗೆಯಾಗಿ ₹1 ಲಕ್ಷ ಕಟ್ಟಿದ್ದೇನೆ. ಇಲಾಖೆಯವರು ನನಗೆ 20 ಗುಂಟೆ ವಿಸ್ತಾರದ ಶೇಡ್ನೆಟ್ ನಿರ್ಮಿಸಿಕೊಟ್ಟಿದ್ದಾರೆ. ಇದರಿಂದ ಆದಾಯ ಆರಂಭವಾಗಿದ್ದು ಖುಷಿ ತಂದಿದೆ ಎಂದರು.

. ತೇಜುನಾಯಕ ಅವರ ಜಮೀನು ಕಲ್ಲುಗಳಿಂದ ಕೂಡಿದ ಜಮೀನಾಗಿದೆ. ಇಲ್ಲಿ ಗುರೆಳ್ಳೂ ಬೆಳೆಯುತ್ತಿರಲಿಲ್ಲ. ಹೀಗಾಗಿ ಬೀಳು ಹಾಕಿದ್ದರು.

. ನಾನು ಹೊಲಕ್ಕೆ ಈರುಳ್ಳಿ ಬೆಳೆಗೆ ರೋಗ ತಪಾಸಣೆಗೆ ಹೋದಾಗ ಬೀಳು ಭೂಮಿ ನೋಡಿ ಸಲಹೆ ಕೊಟ್ಟಿದ್ದೇನೆ. ಅದರಂತೆ ರೈತ ಶ್ರಮಪಟ್ಟು ಬರಡು ಭೂಮಿ ಉಳುಮೆ ಮಾಡಿ ಹದಗೊಳಿಸಿ ಪಪ್ಪಾಯ ಹಾಗೂ ಟೊಮೆಟೊ ಬೆಳೆದಿದ್ದಾರೆ. ಮೊದಲ ಪ್ರಯತ್ನದಲ್ಲಿಯೇ ಬರಡು ಭೂಮಿಯಿಂದಲೇ ಆದಾಯ ಪಡೆದದ್ದು ಮಾದರಿಯಾಗಿದೆ ಎನ್ನುತ್ತಾರೆ ತೋಟಗಾರಿಕಾ ಇಲಾಖೆಯ ಹಿರಿಯ ಸಹಾಯಕ ನಿರ್ದೇಶಕ ಅಜೀಮುದ್ದಿನ್.

. ಪಪ್ಪಾಯದಿಂದ ಈಗಾಗಲೇ ಆದಾಯ ಪಡೆದಿದ್ದು, ಸದ್ಯ ಟೊಮೆಟೊದಿಂದ ಆದಾಯ ಪ್ರಾರಂಭವಾಗಿದೆ. ಇದು ಮೂರು ತಿಂಗಳು ಮುಂದುವರಿಯಲಿದೆ. ನಿರೀಕ್ಷೆಯಂತೆ ಉತ್ತಮ ಇಳುವರಿ ಬಂದರೆ ₹5 ಲಕ್ಷ ಆದಾಯ ಬರಲಿದೆ ಎಂದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚಿಂಚೋಳಿ: ಬರಡು ಭೂಮಿಯಲ್ಲಿ ಪಪ್ಪಾಯ ಬೆಳೆದ ರೈತ

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

ಮನೆಯೂಟ ಕಾಯುತ್ತಿದೆ... ಬಾಹ್ಯಾಕಾಶದಿಂದ ಮರಳಿದ ಶುಕ್ಲಾಗೆ ಪತ್ನಿ ಸ್ವಾಗತ

ಜಿಂಬಾಬ್ವೆ ವಿರುದ್ಧ ನ್ಯೂಜಿಲೆಂಡ್‌ಗೆ ಜಯ

2036ರ ಒಲಿಂಪಿಕ್ಸ್‌ಗೆ ಸಿದ್ಧತೆ: ಅಮಿತ್‌ ಶಾ

IND vs ENG: ಜಡೇಜ ಆಟ ಕೊಂಡಾಡಿದ ಟೀಮ್ ಇಂಡಿಯಾ

ಫಿಡೆ ಮಹಿಳಾ ವಿಶ್ವಕಪ್‌ ಟೂರ್ನಿ: ಎಂಟರ ಘಟ್ಟಕ್ಕೆ ಭಾರತದ ನಾಲ್ವರು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

ಮನೆಯೂಟ ಕಾಯುತ್ತಿದೆ... ಬಾಹ್ಯಾಕಾಶದಿಂದ ಮರಳಿದ ಶುಕ್ಲಾಗೆ ಪತ್ನಿ ಸ್ವಾಗತ