ಕಾಳಗಿ: ಸುತ್ತಲಿನ ಹಳ್ಳಿಗಳಿಗೆ 'ಒಡೆಯ' ಹನುಮಾನ

ಕಾಳಗಿ: ಹಚ್ಚಹಸಿರಿನ ಬೆಟ್ಟದಲ್ಲಿ ಎದ್ದು ಕಾಣುವ ತಾಲ್ಲೂಕಿನ ಕೋಡ್ಲಿ ಗ್ರಾಮದ ಒಡೆಯ ಹನುಮಾನ ದೇವಸ್ಥಾನ ಸುತ್ತಲಿನ ಹಳ್ಳಿಗಳಿಗೂ ‘ಒಡೆಯ’ನಂತೆ ಕಂಡುಬರುತ್ತಿದೆ. ಜನರು ಸಹ ತಮ್ಮ ಭಾಗದ ‘ಒಡೆಯ’ ಎಂದೇ ಭಾವಿಸಿ ಇಲ್ಲಿಗೆ ನಡೆದು ಕೊಳ್ಳುತ್ತಿರುವವರ ಸಂಖ್ಯೆ ಹೆಚ್ಚಾಗಿದೆ.

. ಇದಕ್ಕೆಲ್ಲ ದೇವಸ್ಥಾನದ ಒಳಗಡೆ ಕಾಣುವ 300 ವರ್ಷಗಳ ಇತಿಹಾಸ ಹೊಂದಿರುವ ಬೃಹತ್ ಆಕಾರದ ಕಲ್ಲಿನಲ್ಲಿ ‘ನಿಂತ ಹನುಮಾನ, ಕುಳಿತ ಗಣಪತಿ ಮತ್ತು ನಾಗರ ಆಕೃತಿ’ಗಳೇ ಮುಖ್ಯ ಕಾರಣವಾಗಿವೆ.

. ಹೌದು, ಇಲ್ಲಿ ಕಾಣುವ ಬೆಟ್ಟದಲ್ಲಿ (ದೇವಸ್ಥಾನದ ಸದ್ಯದ ಜಾಗ) ರೈತನೊಬ್ಬ ಹೊಲ ಉಳುಮೆ ಮಾಡುತ್ತಿದ್ದಾಗ ನೇಗಿಲ ಭಾರಕ್ಕೆ ಕಲ್ಲೊಂದನ್ನು ಬಳಸಲಾಗುತ್ತಿತ್ತು. ಕೆಲಸವಾದ ನಂತರ ರೈತ ಆ ಕಲ್ಲನ್ನು ತನ್ನ ಹೊಲದಲ್ಲೇ ಬಿಸಾಕಿ ಮನೆಗೆ ಹೋಗುತ್ತಿದ್ದ. ಮತ್ತೆ ಮರುದಿನ ಬಂದು ಅದೇ ಕಲ್ಲು ಬಳಸಬೇಕು ಎನ್ನುವಷ್ಟರಲ್ಲಿ ಆ ಕಲ್ಲು ತನ್ನ ಮೂಲ ಸ್ಥಾನಕ್ಕೆ ಹೋಗಿ ಕುಳಿತುಕೊಳ್ಳುತ್ತಿತ್ತು. ಈ ಆಶ್ಚರ್ಯ ಒಂದೆರಡು ದಿನ ಮಾತ್ರ ನಡೆಯದೆ ದಿನಾಲೂ ನಡೆದು ರೈತನ ಹುಬ್ಬೇರಿಸುವಂತೆ ಮಾಡಿತ್ತು.

. ರೈತ ಕೆಲ ದಿನಗಳ ಬಳಿಕ ಹೊಲದಲ್ಲಿ ನಡೆದಿರುವ ಸಂಗತಿಯನ್ನೆಲ್ಲ ಗ್ರಾಮಸ್ಥರಿಗೆ ತಿಳಿಸಿದ. ವಸ್ತುಸ್ಥಿತಿಯನ್ನು ಅರಿಯಲು 8-10 ಮುಖಂಡರು ರೈತನೊಂದಿಗೆ ಹೊಲಕ್ಕೆ ತೆರಳಿ ಕಲ್ಲಿಗೆ ಸುಣ್ಣಬಣ್ಣ ಹಚ್ಚಿ ಕೆಲ ದಿನಗಳವರೆಗೆ ಬಂದು ನೋಡಿ ಪರೀಕ್ಷಿಸಿದಾಗಲೂ ಅದೇ ಆಶ್ಚರ್ಯ ಎಲ್ಲರನ್ನು ಚಕಿತರನ್ನಾಗಿಸಿತ್ತು. ಮುನ್ನೂರು ವರ್ಷಗಳ ಹಿಂದೆಯೇ ಈ ಅನುಭವ ಆಗಿತ್ತು ಎನ್ನುತ್ತಾರೆ ಗ್ರಾಮಸ್ಥರು.

. ಮುಂದೆ ರೈತ ಈ ಕಲ್ಲನ್ನು ಮುಟ್ಟಲು ಹೋಗಲಿಲ್ಲ. ಈ ಕಲ್ಲಿನಲ್ಲಿ ಏನೋ ಮಹಿಮೆ ಇದೆ ಎಂದುಕೊಂಡ ಗ್ರಾಮಸ್ಥರು ನಿತ್ಯ ಪೂಜೆಗೆ ಪೂಜಾರಿಯನ್ನು ನೇಮಿಸಿದರು. ಪ್ರತಿನಿತ್ಯ ಕಲ್ಲಿನ ಪೂಜೆ ನಡೆದು ಕಲ್ಲು ದೊಡ್ಡದಾಗಿ ಬೆಳೆಯುತ್ತ ಕಲ್ಲಿನಲ್ಲಿ ನಿಂತ ಹನುಮಾನ, ಕುಳಿತ ಗಣೇಶ ಮತ್ತು ನಾಗರ ಆಕೃತಿಗಳು ಮೂಡತೊಡಗಿದವು.

. ಇದನ್ನು ಕಂಡ ಕೋಡ್ಲಿ ಮತ್ತು ಸುತ್ತಲಿನ ಗ್ರಾಮಗಳ ಜನರು ನಮ್ಮೆಲ್ಲರ ಒಡೆಯನೆಂದು ಭಾವಿಸಿ ಭಯಭಕ್ತಿಯಿಂದ ಆರಾಧಿಸಲು ಆರಂಭಿಸಿದರು. ಹೀಗೆ ಮಹಿಮೆ, ಪವಾಡ ಎನ್ನುವಂತೆ ಇಲ್ಲಿ ಒಂದಲ್ಲ ಒಂದು ಘಟನೆ ಜರುಗಿ ಚಂದನಕೇರಾ ಗ್ರಾಮದ ಕಡಗದ ಮನೆತನದವರು ಕಲ್ಲಿಗೆ ಚಿಕ್ಕ ಗುಡಿ ಕಟ್ಟಿಸಿದರು.

. ಕಾಲಕಳೆದಂತೆ ಜನರ ನಂಬಿಕೆ ಹೆಚ್ಚಾಗಿ ಕೋಡ್ಲಿ ಮತ್ತಿತರ ಗ್ರಾಮಸ್ಥರು ಒಟ್ಟುಗೂಡಿ ಈ ವರ್ಷ ಒಂದು ಕೋಟಿ ರೂಪಾಯಿ ವೆಚ್ಚದ ಭವ್ಯ ದೇವಸ್ಥಾನವನ್ನು ನಾಡಿಗೆ ಸಮರ್ಪಿಸಿದ್ದಾರೆ. ಕಳೆದ ನವೆಂಬರ್ 23ರಂದು ಉದ್ಘಾಟನೆಗೊಂಡಿರುವ ಈ ದೇವಸ್ಥಾನ ಆಸ್ತಿಕರ ಭಕ್ತಿಯ ಕ್ಷೇತ್ರವಾಗಿ ಪ್ರವಾಸಿಗರ ಪ್ರೇಕ್ಷಣೀಯ ಸ್ಥಳವಾಗಿ ಕೈಬೀಸಿ ಕರೆಯುತ್ತಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಾಳಗಿ: ಸುತ್ತಲಿನ ಹಳ್ಳಿಗಳಿಗೆ 'ಒಡೆಯ' ಹನುಮಾನ

ಗೋಕರ್ಣದ ಗುಹೆಯಲ್ಲಿ ಎರಡು ಮಕ್ಕಳೊಂದಿಗೆ ರಷ್ಯಾದ ಮಹಿಳೆ ರಹಸ್ಯವಾಗಿ ವಾಸ!

ಚಿನಕುರುಳಿ Cartoon: 12 ಜುಲೈ 2025

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ | ಪ್ರತ್ಯೇಕ ತನಿಖೆ: ಎಸ್‌ಪಿ

WI vs AUS | ಸ್ಟಾರ್ಕ್‌ಗೆ 100ನೇ ಟೆಸ್ಟ್: 12 ವರ್ಷದ ಬಳಿಕ ಲಯನ್ ಕೈಬಿಟ್ಟ ಆಸಿಸ್

ಮಹಿಳಾ ಕ್ರಿಕೆಟ್ | 5ನೇ ಟಿ20 ಪಂದ್ಯದಲ್ಲಿ ಗೆದ್ದ ಇಂಗ್ಲೆಂಡ್; ಭಾರತಕ್ಕೆ ಸರಣಿ

Wimbledon 2025: ಆಧಿಪತ್ಯಕ್ಕೆ ಸಿನ್ನರ್–ಅಲ್ಕರಾಜ್‌ ಪೈಪೋಟಿ

ಪ್ಯಾರಾ ಅಥ್ಲೆಟಿಕ್ಸ್: ರಕ್ಷಿತಾ, ಶರತ್‌ಗೆ ಚಿನ್ನ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಗೋಕರ್ಣದ ಗುಹೆಯಲ್ಲಿ ಎರಡು ಮಕ್ಕಳೊಂದಿಗೆ ರಷ್ಯಾದ ಮಹಿಳೆ ರಹಸ್ಯವಾಗಿ ವಾಸ!

ಚಿನಕುರುಳಿ Cartoon: 12 ಜುಲೈ 2025

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ | ಪ್ರತ್ಯೇಕ ತನಿಖೆ: ಎಸ್‌ಪಿ