ಅನನ್ಯ ತಂದೆ ಹೋಟೆಲ್‌ ಉದ್ಯಮಿಯಾಗಿದ್ದರೆ, ತಾಯಿ ರೂಪಾ ಅವರು ನಗರದ ಜೆಸ್ಕಾಂನಲ್ಲಿ ಜ್ಯೂನಿಯರ್‌ ಎಂಜಿನಿಯರ್‌ ಆಗಿದ್ದಾರೆ. ನರ್ಸರಿಯಲ್ಲಿದ್ದಾಗಲೇ ಕ್ಯಾಟ್‌ವಾಕ್‌ ಮಾಡುತ್ತಾ ಮಾಡೆಲಿಂಗ್‌ ಬಗ್ಗೆ ಆಸಕ್ತಿ ವ್ಯಕ್ತಪಡಿಸಿದ್ದ ಅನನ್ಯಾ ಪ್ರಸ್ತುತ ಹೈದರಾಬಾದ್‌ನ ಚೈತನ್ಯ ಇಂಟರ್‌ನ್ಯಾಶನಲ್‌ ಶಾಲೆಯಲ್ಲಿ ಓದುತ್ತಿದ್ದಾಳೆ. ಕಳೆದ ಏಪ್ರಿಲ್‌ನಲ್ಲಿ ಕೇರಳದ ಕಲ್ಲಿಕೋಟೆಯಲ್ಲಿ ಜ್ಯೂನಿಯರ್‌ ಮಾಡೆಲ್‌ ಸ್ಪರ್ಧೆ ನಡೆದಿತ್ತು. ಇದರಲ್ಲಿ ಭಾಗವಹಿಸಿದ್ದ ಅನನ್ಯಾ ಪ್ರಶಸ್ತಿ ಪಡೆದು ಹಾಂಕಾಂಗ್‌ನಲ್ಲಿ ನಡೆದ ಸ್ಪರ್ಧೆಯಲ್ಲಿ ಆಯ್ಕೆಯಾಗಿದ್ದಾಳೆ.
