ಚಿಂಚೋಳಿ | ಕಾಂಡ ಕೊರಕ: ಒಣಗಿದ ಮಾವು

ಚಿಂಚೋಳಿ : ಕಾಂಡ ಕೊರಕ ಹುಳುವಿನ ಬಾಧೆಯಿಂದ 280ಕ್ಕೂ ಹೆಚ್ಚು ಮಾವಿನ ಗಿಡಗಳು ಒಣಗಿ ನಿಂತಿದ್ದು, ಬೆಳೆಗಾರನಿಗೆ ಲಕ್ಷಾಂತರ ರೂಪಾಯಿ ನಷ್ಟ ಉಂಟಾಗಿದೆ.

. ತಾಲ್ಲೂಕಿನ ಯಲಕಪಳ್ಳಿ ಗ್ರಾಮದ ರೈತ ಸಂತೋಷ ಖತಲಪ್ಪ ತಿಗಡಿ ಅವರ ತೋಟದಲ್ಲಿ ಬೆಳೆಸಿದ ಒಂದೂವರೆ ದಶಕದ ಮಾವಿನ ಗಿಡಗಳು ಒಣಗಿ ನಿಂತಿವೆ.

. ಹಚ್ಚ ಹಸಿರಾಗಿ ನಳನಳಿಸಬೇಕಾದ ತೋಟದಲ್ಲಿ ಮಾವಿನ ಗಿಡಗಳು ಕಾಂಡ ಕೊರಕ ಹುಳು ಬಾಧೆಗೆ ತುತ್ತಾಗಿದ್ದರಿಂದ ಬರಡು ಬರಡಾಗಿ ಗೋಚರಿಸುತ್ತಿವೆ.

. ಸುಮಾರು 3 ಎಕರೆ ತೋಟದಲ್ಲಿ ಬೆಳೆಸಿದ 280ಕ್ಕೂ ಹೆಚ್ಚಿನ ಮಾವಿನ ಮರಗಳ ಪೈಕಿ ಬೆರಳೆಣಿಕೆಯಷ್ಟು ಮರಗಳು ಮಾತ್ರ ಬದುಕುಳಿದಿವೆ.

. ಮಾವಿನ ಫಸಲಿನಿಂದ ಪ್ರತಿವರ್ಷ ₹4ಲಕ್ಷ ಆದಾಯ ಪಡೆಯುತ್ತಿದ್ದ ಬೆಳೆಗಾರನಿಗೆ ಆದಾಯದ ಮೂಲ ನಿಂತು ಹೋಗುವ ಮೂಲಕ ದೊಡ್ಡ ಪ್ರಮಾಣದ ನಷ್ಟ ಉಂಟಾಗಿದೆ. ಬೆಳೆಗಾರ ಕಣ್ಣೀರು ಹಾಕುವಂತಾಗಿದೆ.

. ತೋಟದಲ್ಲಿ ಬೆಳೆಸಿದ ಕೇಸರ, ದಶೇರಿ ಸೇರಿದಂತೆ ವಿವಿಧ ತಳಿಯ ಮಾವಿನ ಗಿಡಗಳು ಕಾಂಡ ಕೊರಕ ಹುಳುವಿಗೆ ಬಲಿಯಾಗಿವೆ. ರೈತನಿಗೆ ಸೂಕ್ತ ಪರಿಹಾರ ನೀಡಬೇಕು ಎಂದು ಮಾವು ಬೆಳೆಗಾರರು ಮನವಿ ಮಾಡಿದ್ದಾರೆ.

. ತೋಟಕ್ಕೆ ತೋಟಗಾರಿಕಾ ಇಲಾಖೆಯ ಅಧಿಕಾರಿ ಸುರೇಶರಡ್ಡಿ ಭೇಟಿ ನೀಡಿ ಪರಿಶೀಲಿಸಿದ್ದು ಗಿಡಗಳು ಸಂಪೂರ್ಣ ಒಣಗಿದ್ದರಿಂದ ಯಾವುದೇ ಕ್ರಮ ಕೈಗೊಳ್ಳಲು ಅವಕಾಶವಿಲ್ಲ ಎಂದಿದ್ದಾರೆ.

. ಕಾಂಡ ಕೊರಕ ಹುಳು ಮಾವಿನ ಗಿಡಕ್ಕೆ ನೀರು ಮತ್ತು ಆಹಾರ ಪೂರೈಕೆಯಾಗದಂತೆ ಮಾಡುತ್ತವೆ ಇದರಿಂದ ಗಿಡಗಳು ಒಣಗುತ್ತವೆ. ಆರಂಭದಲ್ಲಿಯೇ ಬೆಳೆಗಾರರು ಅಧಿಕಾರಿಗಳ ಮತ್ತು ವಿಜ್ಞಾನಿಗಳ ಗಮನಕ್ಕೆ ತಂದರೆ ಸಲಹೆ ನೀಡಲು ಸಾಧ್ಯವಿತ್ತು. ಆದರೆ ಈಗ ಯಾವ ಸಲಹೆಯೂ ಪ್ರಯೋಜನಕ್ಕೆ ಬಾರದು ಎಂದಿದ್ದಾರೆ.

. ಮಾವಿನ ಮರಗಳು ಚೆನ್ನಾಗಿ ಬೆಳೆದಿದ್ದವು. ಪ್ರತಿವರ್ಷ ಫಸಲಿನ ಪ್ರಮಾಣ ಹೆಚ್ಚಾಗುತ್ತಿತ್ತು ಆದರೆ ಒಂದೇ ತಿಂಗಳಲ್ಲಿ ತೋಟದಲ್ಲಿನ ಎಲ್ಲಾ ಮರಗಳು ಒಣಗಿ ನಿಂತಿವೆ

-ಸಂತೋಷ ಖತಲಪ್ಪ ತಿಗಡಿ ಮಾವು ಬೆಳೆಗಾರ ಯಲಕಪಳ್ಳಿ

. ಮಾವಿನ ಮರಗಳು ಒಣಗುತ್ತಿರುವುದು ಗಮನಕ್ಕೆ ಬಂದ ತಕ್ಷಣ ತೋಟಗಾರಿಕೆ ಅಧಿಕಾರಿ ಕಳುಹಿಸಿದ್ದೇವೆ ಆದರೆ ಅಷ್ಟರಲ್ಲಿ ಮರಗಳು ಸಂಪೂರ್ಣ ಒಣಗಿದ್ದವು

-ರಾಜಕುಮಾರ ಗೋವಿನ್ ಸಹಾಯಕ ನಿರ್ದೆಶಕರು ತೋಟಗಾರಿಕೆ ಇಲಾಖೆ ಚಿಂಚೋಳಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚಿಂಚೋಳಿ | ಕಾಂಡ ಕೊರಕ: ಒಣಗಿದ ಮಾವು

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಮಂಡ್ಯ: ಡೆತ್‌ನೋಟ್‌ ಬರೆದಿಟ್ಟು ತಾಯಿ-ಮಗಳು ನೇಣಿಗೆ ಶರಣು

ಚುರುಮುರಿ | ಗ್ರಾಮಾಭಿವೃದ್ಧಿ...

ವಿಂಡೀಸ್ ಕ್ರಿಕೆಟಿಗನ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ: ಕೋಚ್ ಸಾಮಿ ಹೇಳಿದ್ದೇನು?

ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್ ಆಗಿ ಮೋಹನ್‌ರಾಜ್ ಮರುನೇಮಕ

ಕೆನಡಾ ಓಪನ್‌: ಎರಡನೇ ಸುತ್ತಿಗೆ ಶ್ರೀಕಾಂತ್‌

ದೂರವಾದ ಪತ್ನಿ, ಮಗಳಿಗೆ ₹4 ಲಕ್ಷ ಪರಿಹಾರ ನೀಡಲು ಶಮಿಗೆ ಕೋಲ್ಕತ್ತ ಹೈಕೋರ್ಟ್ ಆದೇಶ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಮಂಡ್ಯ: ಡೆತ್‌ನೋಟ್‌ ಬರೆದಿಟ್ಟು ತಾಯಿ-ಮಗಳು ನೇಣಿಗೆ ಶರಣು

ಚುರುಮುರಿ | ಗ್ರಾಮಾಭಿವೃದ್ಧಿ...