<p><strong>ಕಲಬುರಗಿ</strong>: ಎಸ್ಎಸ್ಎಲ್ಸಿ ವಾರ್ಷಿಕ ಪರೀಕ್ಷೆ–1ರಲ್ಲಿ ಕಲ್ಯಾಣ ಕರ್ನಾಟಕ ಭಾಗದ ಜಿಲ್ಲೆಗಳ ಒಟ್ಟು 3,168 ಶಾಲೆಗಳಲ್ಲಿ ಬರೋಬ್ಬರಿ 1,120 ಶಾಲೆಗಳು ಶೇ 40ಕ್ಕೂ ಕಡಿಮೆ ಫಲಿತಾಂಶ ಪಡೆದಿವೆ.</p>.<p>ಇದರಲ್ಲಿ ಸರ್ಕಾರಿ ಶಾಲೆಗಳದ್ದೇ ಸಿಂಹಪಾಲು. ಬಹುತೇಕ ಅರ್ಧದಷ್ಟು, ಅಂದರೆ, 536 ಸರ್ಕಾರಿ ಶಾಲೆಗಳು ಶೇ 40ಕ್ಕೂ ಕಡಿಮೆ ಫಲಿತಾಂಶ ಪಡೆದಿವೆ. 227 ಅನುದಾನಿತ ಶಾಲೆ ಹಾಗೂ 357 ಖಾಸಗಿ ಶಾಲೆಗಳು ಶೇ 40ಕ್ಕೂ ಕಡಿಮೆ ಫಲಿತಾಂಶ ದಾಖಲಿಸಿವೆ.</p>.<p>ಕಂದಾಯ ವಿಭಾಗದ ಕೇಂದ್ರ ಕಚೇರಿ, ಶಿಕ್ಷಣ ಇಲಾಖೆಯ ಹೆಚ್ಚುವರಿ ಆಯುಕ್ತರ ಕಚೇರಿಯನ್ನೂ ಒಳಗೊಂಡಿರುವ ಕಲಬುರಗಿ ಜಿಲ್ಲೆಯು 486 ಶಾಲೆಗಳೊಂದಿಗೆ ಕಳಪೆ ಸಾಧನೆಯ ಪಟ್ಟಿಯಲ್ಲಿ ಕಲಬುರಗಿ ವಿಭಾಗಕ್ಕೆ ಅಗ್ರಸ್ಥಾನ ಪಡೆದಿದೆ.</p>.<p>ಒಟ್ಟಾರೆ ಶೇ 40ಕ್ಕೂ ಕಡಿಮೆ ಫಲಿತಾಂಶ ಪಡೆದ ಶಾಲೆಗಳ ಸಂಖ್ಯೆ ಅವಲೋಕಿಸಿದರೆ, ಖಾಸಗಿ ಶಾಲೆ ಉತ್ತಮ, ಅನುದಾನಿತ ಶಾಲೆ ಫಲಿತಾಂಶ ಮಧ್ಯಮ, ಸರ್ಕಾರಿ ಶಾಲೆ ಫಲಿತಾಂಶ ಕನಿಷ್ಠ ಎಂಬ ಅಭಿಪ್ರಾಯ ಮೂಡುವುದು ಸುಳ್ಳಲ್ಲ.</p>.<p><strong>ಶೂನ್ಯ–ಪೂರ್ಣ ಫಲಿತಾಂಶ:</strong></p>.<p>ಒಟ್ಟಾರೆ ಫಲಿತಾಂಶದಲ್ಲಿ ಕಲ್ಯಾಣ ಕರ್ನಾಟಕದ ಜಿಲ್ಲೆಗಳ ಬರೋಬ್ಬರಿ 65 ಶಾಲೆ ಶೂನ್ಯ ಫಲಿತಾಂಶ ಪಡೆದಿವೆ. ಈ ಮೊದಲು ಶಿಕ್ಷಣ ಇಲಾಖೆ ಈ ಸಂಖ್ಯೆ 58 ಎಂಟು ಹೇಳಿತ್ತು. ಇದೀಗ ಪಟ್ಟಿಯನ್ನು ಪರಿಷ್ಕರಿಸಿದೆ.</p>.<p>ಫಲಿತಾಂಶ ಕುಸಿತದ ಕಾರ್ಮೋಡದ ನಡುವೆ ಕೋಲ್ಮಿಂಚಿನಂತೆ ಒಟ್ಟಾರೆ 53 ಶಾಲೆಗಳು ಶೇ 100ರಷ್ಟು ಫಲಿತಾಂಶ ಪಡೆದಿವೆ. ಅದರಲ್ಲಿ 25 ಸರ್ಕಾರಿ ಶಾಲೆಗಳೆಂಬುದು ವಿಶೇಷ. ಇನ್ನುಳಿದ 28ರಲ್ಲಿ ಎರಡು ಅನುದಾನಿತ ಶಾಲೆಗಳಾದರೆ, 26 ಖಾಸಗಿ ಶಾಲೆಗಳು ಪೂರ್ಣ ಫಲಿತಾಂಶ ಪಡೆದಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕಲಬುರಗಿ</strong>: ಎಸ್ಎಸ್ಎಲ್ಸಿ ವಾರ್ಷಿಕ ಪರೀಕ್ಷೆ–1ರಲ್ಲಿ ಕಲ್ಯಾಣ ಕರ್ನಾಟಕ ಭಾಗದ ಜಿಲ್ಲೆಗಳ ಒಟ್ಟು 3,168 ಶಾಲೆಗಳಲ್ಲಿ ಬರೋಬ್ಬರಿ 1,120 ಶಾಲೆಗಳು ಶೇ 40ಕ್ಕೂ ಕಡಿಮೆ ಫಲಿತಾಂಶ ಪಡೆದಿವೆ.</p>.<p>ಇದರಲ್ಲಿ ಸರ್ಕಾರಿ ಶಾಲೆಗಳದ್ದೇ ಸಿಂಹಪಾಲು. ಬಹುತೇಕ ಅರ್ಧದಷ್ಟು, ಅಂದರೆ, 536 ಸರ್ಕಾರಿ ಶಾಲೆಗಳು ಶೇ 40ಕ್ಕೂ ಕಡಿಮೆ ಫಲಿತಾಂಶ ಪಡೆದಿವೆ. 227 ಅನುದಾನಿತ ಶಾಲೆ ಹಾಗೂ 357 ಖಾಸಗಿ ಶಾಲೆಗಳು ಶೇ 40ಕ್ಕೂ ಕಡಿಮೆ ಫಲಿತಾಂಶ ದಾಖಲಿಸಿವೆ.</p>.<p>ಕಂದಾಯ ವಿಭಾಗದ ಕೇಂದ್ರ ಕಚೇರಿ, ಶಿಕ್ಷಣ ಇಲಾಖೆಯ ಹೆಚ್ಚುವರಿ ಆಯುಕ್ತರ ಕಚೇರಿಯನ್ನೂ ಒಳಗೊಂಡಿರುವ ಕಲಬುರಗಿ ಜಿಲ್ಲೆಯು 486 ಶಾಲೆಗಳೊಂದಿಗೆ ಕಳಪೆ ಸಾಧನೆಯ ಪಟ್ಟಿಯಲ್ಲಿ ಕಲಬುರಗಿ ವಿಭಾಗಕ್ಕೆ ಅಗ್ರಸ್ಥಾನ ಪಡೆದಿದೆ.</p>.<p>ಒಟ್ಟಾರೆ ಶೇ 40ಕ್ಕೂ ಕಡಿಮೆ ಫಲಿತಾಂಶ ಪಡೆದ ಶಾಲೆಗಳ ಸಂಖ್ಯೆ ಅವಲೋಕಿಸಿದರೆ, ಖಾಸಗಿ ಶಾಲೆ ಉತ್ತಮ, ಅನುದಾನಿತ ಶಾಲೆ ಫಲಿತಾಂಶ ಮಧ್ಯಮ, ಸರ್ಕಾರಿ ಶಾಲೆ ಫಲಿತಾಂಶ ಕನಿಷ್ಠ ಎಂಬ ಅಭಿಪ್ರಾಯ ಮೂಡುವುದು ಸುಳ್ಳಲ್ಲ.</p>.<p><strong>ಶೂನ್ಯ–ಪೂರ್ಣ ಫಲಿತಾಂಶ:</strong></p>.<p>ಒಟ್ಟಾರೆ ಫಲಿತಾಂಶದಲ್ಲಿ ಕಲ್ಯಾಣ ಕರ್ನಾಟಕದ ಜಿಲ್ಲೆಗಳ ಬರೋಬ್ಬರಿ 65 ಶಾಲೆ ಶೂನ್ಯ ಫಲಿತಾಂಶ ಪಡೆದಿವೆ. ಈ ಮೊದಲು ಶಿಕ್ಷಣ ಇಲಾಖೆ ಈ ಸಂಖ್ಯೆ 58 ಎಂಟು ಹೇಳಿತ್ತು. ಇದೀಗ ಪಟ್ಟಿಯನ್ನು ಪರಿಷ್ಕರಿಸಿದೆ.</p>.<p>ಫಲಿತಾಂಶ ಕುಸಿತದ ಕಾರ್ಮೋಡದ ನಡುವೆ ಕೋಲ್ಮಿಂಚಿನಂತೆ ಒಟ್ಟಾರೆ 53 ಶಾಲೆಗಳು ಶೇ 100ರಷ್ಟು ಫಲಿತಾಂಶ ಪಡೆದಿವೆ. ಅದರಲ್ಲಿ 25 ಸರ್ಕಾರಿ ಶಾಲೆಗಳೆಂಬುದು ವಿಶೇಷ. ಇನ್ನುಳಿದ 28ರಲ್ಲಿ ಎರಡು ಅನುದಾನಿತ ಶಾಲೆಗಳಾದರೆ, 26 ಖಾಸಗಿ ಶಾಲೆಗಳು ಪೂರ್ಣ ಫಲಿತಾಂಶ ಪಡೆದಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>