ಕಲಬುರ್ಗಿ: ಕೋವಿಡ್ ಸೋಂಕಿನಿಂದ ಜಿಲ್ಲೆಯ ಮತ್ತಿಬ್ಬರು ನಿಧನರಾಗಿರುವ ಬಗ್ಗೆ ಭಾನುವಾರ ವರದಿಯಾಗಿದ್ದು, ಇದರಿಂದ ಸೋಂಕಿಗೆ ಜಿಲ್ಲೆಯಲ್ಲಿ ಮೃತರಾದವರ ಸಂಖ್ಯೆ 224ಕ್ಕೆ ಏರಿಕೆಯಾಗಿದೆ ಎಂದು ಜಿಲ್ಲಾಡಳಿತ ತಿಳಿಸಿದೆ.
ತೀವ್ರ ಉಸಿರಾಟ ತೊಂದರೆ ಹಿನ್ನೆಲೆ ಅಫಜಲಪೂರ ತಾಲ್ಲೂಕಿನ ಬಸವೇಶ್ವರ ನಗರದ 45 ವರ್ಷದ ಪುರುಷ ಸೆ 5ರಂದು ನಿಧನರಾಗಿದ್ದಾರೆ. ತೀವ್ರ ಉಸಿರಾಟ ತೊಂದರೆ ಜೊತೆಗೆ ಮಧುಮೇಹ ಮತ್ತು ಅಧಿಕ ರಕ್ತದೊತ್ತಡದಿಂದ ಬಳಲುತ್ತಿದ್ದ ಕಲಬುರ್ಗಿಯ ಓಂ ನಗರದ 75 ವರ್ಷದ ಆಸ್ಪತ್ರೆಯಲ್ಲಿ ದಾಖಲಾಗಿ ಸೆ.5ರಂದು ಮೃತಪಟ್ಟರು.
165 ಹೊಸ ಪ್ರಕರಣ: ಜಿಲ್ಲೆಯಲ್ಲಿ ಭಾನುವಾರ 165 ಜನರಲ್ಲಿ ಸೋಂಕು ಇರುವುದು ದೃಢಪಟ್ಟಿದೆ. ಇದರೊಂದಿಗೆ ಒಟ್ಟು ಸೋಂಕಿತರ ಸಂಖ್ಯೆ 12910ಕ್ಕೆ ಏರಿಕೆಯಾಗಿದೆ. 215 ಜನ ಗುಣಮುಖರಾಗಿದ್ದು, 10,522 ಜನ ಸೋಂಕಿನಿಂದ ಪಾರಾದಂತಾಗಿದೆ. 2163 ಸಕ್ರಿಯ ಪ್ರಕರಣಗಳಿವೆ.
