ಮಡಿಕೇರಿ ನಗರ ಸೇರಿದಂತೆ ಮಾಂದಲ್ಪಟ್ಟಿ, ಅಬ್ಬಿಫಾಲ್ಸ್ ಹಾಗೂ ಇತರೆಡೆ ಪ್ರವಾಸಿಗರನ್ನು ಕರೆದೊಯ್ಯುವ ಜೀಪ್ಗಳ ಮೇಲೆ ನಿಗಾ ಇರಿಸಿದ್ದಾರೆ. ಅಲ್ಲಲ್ಲಿ ತಡೆದು ತಪಾಸಣೆ ನಡೆಸುತ್ತಿದ್ದಾರೆ. ಕೇವಲ ವಾಣಿಜ್ಯ ಪರವಾನಗಿ ಮಾತ್ರವಲ್ಲ ವಿಮೆ, ಚಾಲನಾ ಪರವಾನಗಿ, ವಾಹನದ ಸ್ಥಿತಿಗತಿ ಸೇರಿದಂತೆ ಎಲ್ಲವನ್ನೂ ದಂಡ ವಿಧಿಸುವಾಗ ಪರಿಗಣಿಸುತ್ತಿದ್ದಾರೆ. ಇದರಿಂದ ದಂಡ ದುಬಾರಿಯಾಗುತ್ತಿದ್ದು, ಹಲವು ಚಾಲಕರು ಜೀಪ್ ಚಾಲನೆಯನ್ನೇ ನಿಲ್ಲಿಸಿದ್ದಾರೆ. ಮಂಗಳವಾರ ಒಂದೇ ದಿನ ಪೊಲೀಸರು ಸುಮಾರು 15 ಜೀಪ್ ಚಾಲಕರಿಗೆ ದಂಡ ವಿಧಿಸಿದ್ದಾರೆ.