ಉತ್ತರ ಕೊಡಗಿನಲ್ಲಿ ರಸ್ತೆ ದುರಾವಸ್ಥೆ

2020ರಿಂದಲೂ ಮನವಿ ಮಾಡುತ್ತಲೇ ಇದ್ದೇವೆ... ವಿದ್ಯಾರ್ಥಿಗಳು ಕಾರ್ಮಿಕರು ಕಾಫಿ ಬೆಳೆಗಾರರು ಮಾತ್ರವಲ್ಲ ಪ್ರವಾಸಿಗರೂ ಸೇರಿದಂತೆ ಹಲವಾರು ಮಂದಿ ಹಿರಿಸಾವೆ ಬಿಳಿಗೇರಿ ಮತ್ತು ಚೆಟ್ಟಳ್ಳಿ ರಾಜ್ಯ ಹೆದ್ದಾರಿಯಲ್ಲಿ ಸಂಚರಿಸುತ್ತಾರೆ.

ಚೆಟ್ಟಳ್ಳಿ ರಸ್ತೆ ಸಂಚರಿಸಲು ಸಾಧ್ಯವಾಗದ ಸ್ಥಿತಿ ಇದೆ. ರಸ್ತೆ ಇಕ್ಕಟ್ಟಾಗಿರುವುದರಿಂದ ಸುಗಮ ಸಂಚಾರ ಕಷ್ಟವಾಗಿದೆ. ರಸ್ತೆ ಸರಿಪಡಿಸುವಂತೆ 2020ರಿಂದಲೂ ಅಧಿಕಾರಿಗಳಿಗೆ ಮನವಿ ಮಾಡುತ್ತಾ ಬರುತ್ತಿದ್ದೇವೆ. ಆದರೆ ಸಮಸ್ಯೆ ಮಾತ್ರ ಬಗೆಹರಿದಿಲ್ಲ. 2023ರಲ್ಲಿ ಶಾಸಕ ಡಾ.ಮಂತರ್ ಗೌಡ ಅವರಲ್ಲಿ ಮನವಿ ಮಾಡಿದ್ದೇವೆ 

₹10 ಕೋಟಿ ಪ್ರಸ್ತಾವ ಸಲ್ಲಿಸಲಾಗಿದೆ ಹಿರಿಸಾವೆ ಬಿಳಿಗೇರಿ ಮತ್ತು ಚೆಟ್ಟಳ್ಳಿ ರಾಜ್ಯ ಹೆದ್ದಾರಿ ಎಂದು ಘೊಷಣೆ ಮಾತ್ರ ಆಗಿದೆ. ಇದು 3.5 ಮೀಟರ್ ಅಗಲ ಇದ್ದು ಅದನ್ನು 7 ಮೀಟರ್ ರಸ್ತೆಯನ್ನಾಗಿ ಮಾಡಬೇಕಿದೆ. ಈಗಾಗಲೇ ಶನಿವಾರಸಂತೆಯಿಂದ ಚಂಗಡಿಗಳ್ಳಿ ಮೂಲಕ ರಸ್ತೆ ಅಭಿವೃದ್ಧಿಯಾಗುತ್ತಿದೆ. ಪೂರ್ಣ ರಸ್ತೆ ಮೇಲ್ದರ್ಜೆಗೇರಿಸಲು ₹ 30 ಕೋಟಿ ಹಣ ಬೇಕಿದೆ. ತಕ್ಷಣಕ್ಕೆ ಕುಂಬೂರಿನಿಂದ ತಾಕೇರಿಯವರೆಗೆ ರಸ್ತೆ ದುರಸ್ಥಿ ಮತ್ತು ವಿಸ್ತರಣೆಗಾಗಿ ಸರ್ಕಾರಕ್ಕೆ ₹ 10 ಕೋಟಿಯ ಅಂದಾಜು ಪಟ್ಟಿ ಹೋಗಿದೆ. ಸರ್ಕಾರದಿಂದ ಹಣ ಬಂದಲ್ಲಿ ಮಾರ್ಚ್ ತಿಂಗಳ ನಂತರ ಕಾರ್ಯಯೋಜನೆಯಾಗಲಿದೆ