9 ಮಂದಿ ಅವಿರೋಧ ಆಯ್ಕೆ: ಇಬ್ಬರಿಗೆ ಚುನಾವಣೆ

ಡಿ.14ರಂದು 10 ಸ್ಥಾನಕ್ಕೆ 11 ಮಂದಿ ನಾಮಪತ್ರ ಸಲ್ಲಿಸಿದ್ದರು. ಇವರಲ್ಲಿ 9 ಮಂದಿ ಅವಿರೋಧವಾಗಿ ಆಯ್ಕೆಯಾಗಿದ್ದು, ಉಳಿದ 1 ಸ್ಥಾನಕ್ಕೆ ಇತರೆ ಹಿಂದುಳಿದ ವರ್ಗಗಳ ಪ್ರತಿನಿಧಿಗಳಿಂದ ಇಬ್ಬರು ಕಣದಲ್ಲಿದ್ದಾರೆ. ಹೀಗಾಗಿ, ಒಂದು ಸ್ಥಾನಕ್ಕೆ ಚುನಾವಣೆ ನಡೆಯುತ್ತಿದೆ.

ಅವಿರೋಧ ಆಯ್ಕೆಯಾದವರು: ಮಹಿಳಾ ಪ್ರತಿನಿಧಿಯ 3 ಸ್ಥಾನಕ್ಕೆ ನಾಮಪತ್ರ ಸಲ್ಲಿಸಿದ್ದ ಜೆ.ಉಮಾ, ವಿ.ಎಂ.ಸುಮಿತ್ರಾ, ಶಾಂತಕುಮಾರಿ, ಪರಿಶಿಷ್ಟ ಜಾತಿ ಪ್ರತಿನಿಧಿಯಾಗಿ ವಿ.ಟಿ.ಲೋಕೇಶ್‌, ಪರಿಶಿಷ್ಟ ಪಂಗಡ ಪ್ರತಿನಿಧಿಯಾಗಿ ಎಚ್‌.ಎನ್‌.ಕುಮಾರಿ, ಅಲ್ಪಸಂಖ್ಯಾತರ ಪ್ರತಿನಿಧಿ ಅಬ್ದುಲ್ ರಹೀಂ, ಅಂಗವಿಕಲ ಪ್ರತಿನಿಧಿಯಾಗಿ ಇಸ್ಮಾಯಿಲ್‌ ಮತ್ತು ಸಾಮಾನ್ಯ ಪ್ರತಿನಿಧಿಯಾಗಿ ಕೆ.ಬಿ.ಮೋಹನ್ ರಾಜ್‌, ಎಂ.ವೈ.ಸುಲೈಮಾನ್‌ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ. ಇವರ ಅವಿರೋಧ ಆಯ್ಕೆ ಘೋಷಣೆ ಮಾತ್ರ ಬಾಕಿಯಿದೆ. ಇತರೆ ಹಿಂದುಳಿದ ವರ್ಗಗಳ ಪ್ರತಿನಿಧಿ 2 ಸ್ಥಾನಕ್ಕೆ ಪುಟ್ಟೋಜಿರಾವ್‌, ಎಚ್‌.ಕೆ.ರಾಜು ಸ್ಪರ್ಧಿಗಳಾಗಿದ್ದಾರೆ.

ಬೆಂಗಳೂರು ಆಯುಕ್ತರು ಸಹಕಾರ ಚುನಾವಣಾ ಪ್ರಾಧಿಕಾರ ಆದೇಶದಂತೆ ಡಿ.9ರಿಂದ 13ರವರೆಗೆ ನಾಮಪತ್ರ ಸಲ್ಲಿಸಿ, 14ರಂದು ನಾಮಪತ್ರ ಪರಿಶೀಲಿಸಲಾಗಿದ್ದು, 21ರಂದು ಸಂಜೆ ಚುನಾವಣಾ ಫಲಿತಾಂಶ ಪ್ರಕಟವಾಗಲಿದೆ.