ನಗರದ ಐದು ರೈಲ್ವೆ ನಿಲ್ದಾಣದ ಪೈಕಿ ಬೆಮಲ್ ಹಾಲ್ಟ್ ಸ್ಟೇಷನ್ ಆಗಿದ್ದು, ಯಾವುದೇ ಸೌಕರ್ಯ ಇರಲಿಲ್ಲ. ಬೆಮಲ್ನಗರ ಸುತ್ತಮುತ್ತಲಿನ ಬಡಾವಣೆಗಳ ನಿವಾಸಿಗಳಿಗೆ ನಿಲ್ದಾಣ ಅತ್ಯಂತ ಹತ್ತಿರದ ನಿಲ್ದಾಣವಾಗಿತ್ತು. ಬೆಮಲ್ ಕಾರ್ಮಿಕರಿಗೆ ಕೂಡ ಸನಿಹವಾಗಿತ್ತು. ಆದರೆ ಶೌಚಾಲಯ, ದೀಪ ಸೇರಿದಂತೆ ಯಾವುದೇ ಸೌಕರ್ಯ ಇರಲಿಲ್ಲ. ನಿಲ್ದಾಣದಿಂದ ಹೊರಬರುವಾಗ ಬೆಮಲ್ ಕಾರ್ಖಾನೆಯ ರಸ್ತೆಯಲ್ಲಿ ಕೂಡ ದೀಪಗಳು ಇರಲಿಲ್ಲ. ರಾತ್ರಿ ಬೆಂಗಳೂರಿನಿಂದ ಬರುವ ರೈಲುಗಳು ಬೆಳಕೇ ನಿಲ್ದಾಣದ ಬೆಳಕಾಗಿತ್ತು. ರೈಲು ಹೋದ ನಂತರ ಇಡೀ ಪ್ರದೇಶ ಕತ್ತಲುಮಯವಾಗಿರುತ್ತಿತ್ತು.