ಬೆಂಗಳೂರು ಉತ್ತರ ವಿ.ವಿ: ವೆಬ್‌ಸೈಟ್‌ ಹ್ಯಾಕ್‌ ಅಲ್ಲ; ಒಳಗಿನವರ ಸಂಚು?

ಯುಯುಸಿಎಂಎಸ್‌ ಪೋರ್ಟಲ್‌ ಹ್ಯಾಕ್‌ ಆಗಿರುವ ಸಂಬಂಧ ದೂರು ಬಂದಿದ್ದು ಐಟಿ ಕಾಯ್ದೆ ಹಾಗೂ ಬಿಎನ್‌ಎಸ್‌ ಅಡಿ ಎಫ್‌ಐಆರ್‌ ದಾಖಲಿಸಲಾಗಿದೆ. ಪ್ರಾಥಮಿಕ ತನಿಖೆ ಪ್ರಕಾರ ಹ್ಯಾಕ್‌ ಆಗಿರುವ ಸಾಧ್ಯತೆ ಕಡಿಮೆ ಎಂಬುದು ಕಂಡುಬಂದಿದೆ. ಯಾರು ಭಾಗಿಯಾಗಿರಬಹುದು ಎಂಬುದನ್ನು ಪತ್ತೆ ಹಚ್ಚಲು ಸೆಂಟರ್‌ ಫಾರ್‌ ಇ–ಗವರ್‌ನೆನ್ಸ್‌ ಜೊತೆ ಚರ್ಚಿಸಿ ಮಾಹಿತಿ ಪಡೆಯಲಾಗುತ್ತಿದೆ. ಅತಿ ಶೀಘ್ರದಲ್ಲೇ ನಿಜಾಂಶ ಹೊರಗೆಳೆದು ಕೃತ್ಯ ಎಸಗಿದವರನ್ನು ಬಂಧಿಸುತ್ತೇವೆ ನಿಖಿಲ್ ಬಿ. ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಕೋಲಾರ

ಈ ಪ್ರಕರಣದಲ್ಲಿ ಯಾರನ್ನೂ ರಕ್ಷಣೆ ಮಾಡುವ ಪ್ರಶ್ನೆಯೇ ಇಲ್ಲ. ವಿಶ್ವವಿದ್ಯಾಲಯದವರು ಆಗಿದ್ದರೂ ಬಿಡಲ್ಲ ನಮ್ಮ ಬಳಿ ಇರುವ ಎಲ್ಲಾ ಮಾಹಿತಿಯನ್ನು ಪೊಲೀಸರಿಗೆ ನೀಡುತ್ತಿದ್ದೇವೆ. ನಮ್ಮ ಬಳಿ ಎಲ್ಲಾ ಅಂಕಪಟ್ಟಿಯ ಮೂಲ ಪ್ರತಿಗಳು ಇವೆ. ಅವುಗಳನ್ನು ಮತ್ತೊಮ್ಮೆ ಪರಿಶೀಲನೆ ನಡೆಸಿದರೆ ಎಲ್ಲೆಲ್ಲಿ ತಿದ್ದುಪಡಿ ಮಾಡಲಾಗಿದೆ ಯಾರು ಪಾಸ್‌ ಯಾರು ಫೇಲ್‌ ಎಂಬುದು ಗೊತ್ತಾಗುತ್ತದೆ. ವೆಬ್‌ಸೈಟ್‌ಗೆ ಮೂರು ಹಂತದ ಭದ್ರತೆ ಇದ್ದರೂ ಹ್ಯಾಕ್‌ ಆಗಿದೆ. ಸದ್ಯಕ್ಕೆ ಪಾಸ್ವರ್ಡ್‌ ಬದಲಾವಣೆ ಪದ್ಧತಿಯನ್ನು ಡಿಸೇಬಲ್‌ ಮಾಡಿಸಿದ್ದೇವೆ. ಇನ್ನುಮುಂದೆ ಉನ್ನತ ಶಿಕ್ಷಣ ಇಲಾಖೆಯ ಯುಯುಸಿಎಂಎಸ್‌ ಮುಖ್ಯಸ್ಥರಿಗೆ ಕರೆ ಮಾಡಿ ಪಾಸ್ವರ್ಡ್‌ ಬದಲಾವಣೆ ಮಾಡಿಸಿಕೊಳ್ಳಬೇಕಾಗುತ್ತದೆ. ಹಿಂದೆ ಮೊಬೈಲ್‌ಗೆ ಓಟಿಪಿ ಬಂದರೆ ಪಾಸ್ವರ್ಡ್‌ ಬದಲಾಯಿಸಿಕೊಳ್ಳಬಹುದಿತ್ತು ಪ್ರೊ.ಕೆ.ತಿಪ್ಪೇಸ್ವಾಮಿ ಕುಲಸಚಿವ (ಮೌಲ್ಯಮಾಪನ) ಬೆಂಗಳೂರು ಉತ್ತರ ವಿ.ವಿ