ಬುಧವಾರ, ನವೆಂಬರ್ 25, 2020
25 °C

ಮುಳಬಾಗಿಲು: ಸಿಲಿಂಡರ್ ಸಿಡಿದು ಇಬ್ಬರಿಗೆ ಗಾಯ, ಮೂರು ಮನೆ ಜಖಂ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಮುಳಬಾಗಿಲು: ನಗರದ ಮೆಹಬೂಬ್‌ ನಗರದಲ್ಲಿ ಗುರುವಾರ ಬೆಳಿಗ್ಗೆ ಅಡುಗೆ ಅನಿಲ ಸಿಲಿಂಡರ್ ಸಿಡಿದು ತಾಯಿ ಮತ್ತು ಮಗು ತೀವ್ರವಾಗಿ ಗಾಯಗೊಂಡಿದ್ದು, ಮೂರು ಮನೆಗಳು ಜಖಂಗೊಂಡಿವೆ.

ನಾಗಮ್ಮ (46) ಹಾಗೂ ಅವರು ಸಾಕಿಕೊಂಡಿದ್ದ ತನುಷ್(4) ಗಾಯಗೊಂಡಿದ್ದು, ಜಾಲಪ್ಪ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ನಾಗಮ್ಮ ಅವರ ಮನೆ ಸೇರಿದಂತೆ ಪಕ್ಕದ ಸಾಕಮ್ಮ ಮತ್ತು ಸುಹೇಲ್ ಅವರ ಮನೆಗಳು ಜಖಂಗೊಂಡಿವೆ. ಖಾದರ್‌ ಬಾಷಾ ಎಂಬುವರ ಮನೆ ಕಾಂಪೌಂಡ್ ಹಾಳಾಗಿದೆ. ಬುಧವಾರ ಸಂಜೆಯಷ್ಟೇ ಹೊಸ ಗ್ಯಾಸ್ ತರಿಸಿದ್ದರು ಎನ್ನಲಾಗಿದೆ. ಮನೆಯಲ್ಲಿ ಅವರಿಬ್ಬರೇ ವಾಸವಾಗಿದ್ದರು.

ತಹಶೀಲ್ದಾರ್ ಕೆ.ಎನ್. ರಾಜಶೇಖರ್ ಮತ್ತು ಕಂದಾಯ ನಿರೀಕ್ಷಕ ಸಾದತ್‌ ಉಲ್ಲಾಖಾನ್ ಭೇಟಿ ನೀಡಿ ಪರಿಶೀಲಿಸಿದರು. ಗಾಯಾಳುಗಳಿಗೆ ನೆರವು ನೀಡಲು ಗ್ಯಾಸ್‌ ಏಜೆನ್ಸಿಗೆ ಸೂಚಿಸಿದರು. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.