ಬೆಂಗಳೂರು: ಮಿದುಳು ನಿಷ್ಕ್ರಿಯಗೊಂಡಿದ್ದ 21 ವರ್ಷದ ಮೃತ ದಾನಿಯಿಂದ 61 ವರ್ಷದ ರೋಗಿಗೆ ನಗರದಲ್ಲಿರುವ ಸ್ಪರ್ಶ್ ಆಸ್ಪತ್ರೆಯಲ್ಲಿ ಯಶಸ್ವಿಯಾಗಿ ಕಿಡ್ನಿ ಕಸಿ ಮಾಡಲಾಗಿದೆ.
33 ವರ್ಷದ ನಾಗರತ್ನಮ್ಮ ಅವರ ಕಿಡ್ನಿಯನ್ನು 43 ವರ್ಷದ ಅವರ ಪತಿಗೆ ಕಸಿ ಮಾಡಲಾಗಿದೆ. ಈ ಎರಡೂ ಪ್ರಕರಣಗಳಲ್ಲೂ ರೋಗಿಗಳು ಚೇತರಿಸಿಕೊಂಡಿದ್ದಾರೆ ಎಂದು ವೈದ್ಯರು ಹೇಳಿದ್ದಾರೆ.
ಡಾ.ರಾಮಚಂದ್ರ ಮತ್ತು ಡಾ.ಅವಿನಾಶ್ ಅವರ ತಂಡ ಯಶಸ್ವಿಯಾಗಿ ಶಸ್ತ್ರಚಿಕಿತ್ಸೆ ಮಾಡಿದೆ. ‘ಒಬ್ಬ ದಾನಿಯಿಂದ ಕಸಿಗಾಗಿ ಕಾಯುತ್ತಿರುವ ಎಂಟು ಮಂದಿಯ (ವಿವಿಧ ಅಂಗಾಗಗಳ ಮೂಲಕ) ಜೀವವನ್ನು ಉಳಿಸಬಹುದು’ ಎಂದು ವೈದ್ಯರ ತಂಡ ಹೇಳಿದೆ.