ಟೇಕಲ್: ಶುಕ್ರವಾರ ನಡೆದ ಲೋಕಸಭಾ ಚುನಾವಣೆಯಲ್ಲಿ ಮತದಾರರು ಮತಗಟ್ಟೆಗೆ ಉತ್ಸಾಹದಿಂದ ಬಂದು ಮತ ಚಲಾಯಿಸಿದರು. ಕೆಲವೆಡೆ ಸರತಿ ಸಾಲಿನಲ್ಲಿ ನಿಂತು ಮತ ಚಲಾಯಿಸಿದರು.
ಬಿಸಿಲಿನ ತಾಪಮಾನದಿಂದ ಹೆಚ್ಚಿರುವ ಕಡೆಗಳಲ್ಲಿ ಮತದಾನ ಮಂದಗತಿಯಲ್ಲಿ ಸಾಗಿತು. ಮಧ್ಯಾಹ್ನ 1 ಗಂಟೆಯ ವೇಳೆಗೆ ಹೋಬಳಿಯಲ್ಲಿ ಶೇ 50ರಷ್ಟು ಮತದಾನ ಆಗಿರುವುದಾಗಿ ಮೂಲಗಳು ತಿಳಿಸಿವೆ.
ಟೇಕಲ್ ಹೋಬಳಿಯ ಬನಹಳ್ಳಿ, ಮಾಕಾರಹಳ್ಳಿ, ನೆಲ್ಲಹಳ್ಳಿ, ಯಲುವಗುಳಿ, ಹುಣಸಿಕೋಟೆ, ಕೊಂಡಶೆಟ್ಟಹಳ್ಳಿ, ಪನಮಾಕನಹಳ್ಳಿ ಹಾಗೂ ಕೆ.ಜಿ.ಹಳ್ಳಿ ಸಖಿ ಮತಗಟ್ಟೆಗಳಲ್ಲಿ ಮಹಿಳೆಯರು ಮತದಾನ ಮಾಡಿದರು.
ಕೈಕೊಟ್ಟ ಮತಯಂತ್ರ: ರಿಪೇರಿ ಟೇಕಲ್ ಹೋಬಳಿಯ ಪನಮಾಕನಹಳ್ಳಿಯ ಮತಗಟ್ಟೆಯೊಂದರಲ್ಲಿ ಮತಯಂತ್ರ ಕೆಟ್ಟು ಹೋಗಿದ್ದರಿಂದ ಕೆಲಕಾಲ ಮತದಾನ ಸ್ಥಗಿತಗೊಂಡಿತ್ತು. ವಿಷಯ ತಿಳಿದು ಸ್ಥಳಕ್ಕೆ ಆಗಮಿಸಿದ ಅಧಿಕಾರಿಗಳು ಮತಯಂತ್ರ ಸರಿಪಡಿಸಿದರು. ಬಳಿಕ ಮತದಾನ ಸುಸೂತ್ರವಾಗಿ ನಡೆಯಿತು.
