<p><strong>ಕೋಲಾರ</strong>: ಕೋಲಾರ ಮತ್ತು ಚಿಕ್ಕಬಳ್ಳಾಪುರ ಜಿಲ್ಲೆ ವ್ಯಾಪ್ತಿಯ ಸ್ಥಳೀಯ ಸಂಸ್ಥೆಗಳ ಕ್ಷೇತ್ರಗಳಿಂದ ಚುನಾವಣೆಗೆ ಸ್ಪರ್ಧಿಸಿರುವ ಅಭ್ಯರ್ಥಿಗಳಿಗಿಂತ ಅವರ ಪತ್ನಿಯರೇ ಹೆಚ್ಚು ಸಿರಿವಂತರಾಗಿದ್ದಾರೆ. ಹಣ, ಆಸ್ತಿ, ಆಭರಣ, ವಾಹನಗಳು ಸೇರಿದಂತೆ ಆರ್ಥಿಕವಾಗಿ ಅಭ್ಯರ್ಥಿಗಳ ಪತ್ನಿಯರೇ ಒಂದು ಕೈ ಮೇಲಿದ್ದಾರೆ.</p>.<p>ಅಭ್ಯರ್ಥಿಗಳು ನಾಮಪತ್ರ ಸಲ್ಲಿಕೆ ವೇಳೆ ಚುನಾವಣಾ ಆಯೋಗಕ್ಕೆ ಸಲ್ಲಿಸಿರುವ ಪ್ರಮಾಣ ಪತ್ರದಲ್ಲಿ ತಮ್ಮ, ಪತ್ನಿ ಹಾಗೂ ಕುಟುಂಬ ಸದಸ್ಯರ, ಅವಲಂಬಿತರ ವಾರ್ಷಿಕ ಆದಾಯ, ತೆರಿಗೆ ಪಾವತಿ, ಚಿನ್ನಾಭರಣ, ವಾಹನಗಳು, ಕೃಷಿ ಭೂಮಿ, ನಿವೇಶನಗಳ ವಿವರವನ್ನು ಪ್ರಮಾಣಪತ್ರದಲ್ಲಿ ಘೋಷಿಸಿಕೊಂಡಿದ್ದಾರೆ. ಅದರ ವಿವರ ಕೆಳಗಿನಂತಿದೆ.</p>.<p>ಬಿಜೆಪಿ ಅಭ್ಯರ್ಥಿ ಡಾ.ಕೆ.ಎನ್.ವೇಣುಗೋಪಾಲ್ ಅವರಿಗಿಂತ ಅವರ ಪತ್ನಿ ಡಾ.ಎಂ.ಎಸ್.ಕವಿತಾ ಅವರೇ ಹಣ ಹಾಗೂ ಅಸ್ತಿಯಲ್ಲಿ ಒಂದು ಕೈ ಮೇಲಿದ್ದಾರೆ. ವೇಣುಗೋಪಾಲ್ರ ಬಳಿ ₹ 3.50 ಲಕ್ಷ, ಅವರ ಪತ್ನಿ ಡಾ.ಎಂ.ಎಸ್.ಕವಿತಾ ಬಳಿ ₹ 4.25 ಲಕ್ಷ, ಮಕ್ಕಳ ಬಳಿ ₹ 50 ಸಾವಿರ, ಇತರೆ ಕುಟುಂಬ ಸದಸ್ಯರ ಬಳಿ ₹ 5 ಲಕ್ಷ ನಗದು ಇದೆ. ವೇಣುಗೋಪಾಲ್ ವಿವಿಧ ಹಣಕಾಸು ಸಂಸ್ಥೆಗಳಲ್ಲಿ ₹ 1.28 ಲಕ್ಷ, ಪತ್ನಿಯು ₹ 97,681, ಕುಟುಂಬ ಸದಸ್ಯರು ₹ 47,206 ಠೇವಣಿ ಇಟ್ಟಿದ್ದಾರೆ.</p>.<p>ವೇಣುಗೋಪಾಲ್ ಅವರು ಸ್ನೇಹಿತರಿಗೆ ₹ 10.20 ಲಕ್ಷ ಮತ್ತು ಅವರ ಪತ್ನಿ ಕವಿತಾ ಅವರು ₹ 10 ಲಕ್ಷ ಸಾಲ ಕೊಟ್ಟಿದ್ದಾರೆ. ವೇಣುಗೋಪಾಲ್ರ ಬಳಿ ಒಂದು ಕಾರು ಹಾಗೂ ಪತ್ನಿ ಬಳಿ 2 ಕಾರುಗಳಿವೆ. ವೇಣುಗೋಪಾಲ್ರ ಬಳಿ ₹ 9 ಲಕ್ಷ ಮೌಲ್ಯದ 200 ಗ್ರಾಂ ಚಿನ್ನಾಭರಣ ಮತ್ತು ₹ 1.67 ಲಕ್ಷ ಬೆಲೆ ಬಾಳುವ ಎರಡೂವರೆ ಕೆ.ಜಿ ಬೆಳ್ಳಿ ಆಭರಣಗಳಿವೆ.</p>.<p>ಕವಿತಾ ಅವರ ಪತ್ನಿ ಬಳಿ ₹ 15.75 ಲಕ್ಷ ಬೆಲೆ ಬಾಳುವ 350 ಗ್ರಾಂ ಚಿನ್ನಾಭರಣ ಹಾಗೂ ₹ 2.01 ಲಕ್ಷ ಮೌಲ್ಯದ 3 ಕೆ.ಜಿ ಬೆಳ್ಳಿ ಆಭರಣಗಳಿವೆ. ಒಟ್ಟಾರೆ ಕುಟುಂಬದ ಬಳಿ ₹ 95.47 ಲಕ್ಷ ಮೌಲ್ಯದ ಚರಾಸ್ತಿ ಇದೆ. ಪತಿ ವೇಣುಗೋಪಾಲ್ ಅವರಿಗಿಂತ ಪತ್ನಿಯೇ ಹೆಚ್ಚಿನ ಚರಾಸ್ತಿ ಹೊಂದಿದ್ದಾರೆ.</p>.<p>ವೇಣುಗೋಪಾಲ್ರ ಹೆಸರಿನಲ್ಲಿ ಸುಮಾರು ₹ 55 ಲಕ್ಷ ಬೆಲೆ ಬಾಳುವ 8 ಎಕರೆ 32 ಗುಂಟೆ ಕೃಷಿ ಜಮೀನು, ಪತ್ನಿ ಹೆಸರಿನಲ್ಲಿ ₹ 15 ಲಕ್ಷ ಬೆಲೆ ಬಾಳುವ 2 ಎಕರೆ, ಇತರೆ ಕುಟುಂಬ ಸದಸ್ಯರ ಹೆಸರಿನಲ್ಲಿ ₹ 75 ಲಕ್ಷದ 9 ಎಕರೆ 10 ಗುಂಟೆ ಕೃಷಿ ಜಮೀನಿದೆ. ಪತ್ನಿ ಹೆಸರಿನಲ್ಲಿ ಶ್ರೀನಿವಾಸಪುರ ಪಟ್ಟಣದಲ್ಲಿ ಸುಮಾರು ₹ 80 ಲಕ್ಷ ಮೌಲ್ಯದ ನಿವೇಶನಗಳು, ಇತರೆ ಕುಟುಂಬ ಸದಸ್ಯರ ಹೆಸರಿನಲ್ಲಿ ₹ 3.25 ಕೋಟಿ ಬೆಲೆ ಬಾಳುವ ಕೃಷಿಯೇತರ ಜಮೀನು ಇದೆ.</p>.<p>ವೇಣುಗೋಪಾಲ್ರ ಹೆಸರಿನಲ್ಲಿ ₹ 3.50 ಕೋಟಿ ಬೆಲೆ ಬಾಳುವ ವಾಣಿಜ್ಯ ಕಟ್ಟಡ ಸೇರಿದಂತೆ ಒಟ್ಟಾರೆ ₹ 4.05 ಕೋಟಿಯ ಸ್ಥಿರಾಸ್ತಿ, ಪತ್ನಿ ಹೆಸರಿನಲ್ಲಿ ₹ 95 ಲಕ್ಷ ಮೌಲ್ಯದ ಮತ್ತು ಇತರೆ ಕುಟುಂಬ ಸದಸ್ಯರ ಹೆಸರಿನಲ್ಲಿ ₹ 4 ಕೋಟಿ ಬೆಲೆ ಬಾಳುವ ಸ್ಥಿರಾಸ್ತಿ ಇದೆ. ವೇಣುಗೋಪಾಲ್ರ ಸಾಲ ₹ 70 ಲಕ್ಷ ಮತ್ತು ಅವರ ಪತ್ನಿಯ ಸಾಲ ₹ 30.43 ಲಕ್ಷವಿದೆ. ವೈದ್ಯಕೀಯ ಪದವೀಧರರಾದ ವೇಣುಗೋಪಾಲ್ ವೈದ್ಯ ವೃತ್ತಿಯ ಜತೆಗೆ ಕೃಷಿ ಮಾಡುತ್ತಿರುವುದಾಗಿ ಘೋಷಿಸಿದ್ದಾರೆ.</p>.<p><strong>ಕೋಟಿ ಒಡೆಯ: </strong>ಜೆಡಿಎಸ್ ಅಭ್ಯರ್ಥಿ ವಿ.ಇ.ರಾಮಚಂದ್ರ (ವಕ್ಕಲೇರಿ ರಾಮು) ಅವರು ವಿಪಕ್ಷಗಳ ಅಭ್ಯರ್ಥಿಗಳಿಗಿಂತ ಹೆಚ್ಚಿನ ಆಸ್ತಿ ಹೊಂದಿದ್ದು, ಕೋಟಿ ಒಡೆಯರಾಗಿದ್ದಾರೆ. ಅವರ ಬಳಿ ಸುಮಾರು 1.43 ಕೋಟಿ ಬೆಲೆ ಬಾಳುವ ಹಾಗೂ ಪತ್ನಿ ಬಳಿ ₹ 29.80 ಲಕ್ಷ ಮೌಲ್ಯದ ಚರಾಸ್ತಿಗಳಿವೆ. ಪತ್ನಿ ಬಳಿ ಅರ್ಧ ಕೆ.ಜಿ ಚಿನ್ನಾಭರಣ ಮತ್ತು 1 ಕೆ.ಜಿ ಬೆಳ್ಳಿ ಆಭರಣಗಳಿವೆ. ಇತರೆ ಕುಟುಂಬ ಸದಸ್ಯರ ಬಳಿ ₹ 17.70 ಲಕ್ಷ ಮೌಲ್ಯದ ಚರಾಸ್ತಿ ಇವೆ.</p>.<p>ರಾಮು ಅವರ ಹೆಸರಿನಲ್ಲಿ ₹ 3.46 ಕೋಟಿ ಬೆಲೆ ಬಾಳುವ ಕೃಷಿ ಭೂಮಿ, ₹ 28.33 ಲಕ್ಷ ಮೌಲ್ಯದ ಕೃಷಿಯೇತರ ಭೂಮಿ, ₹ 1.88 ಕೋಟಿ ಬೆಲೆ ಬಾಳುವ ವಾಣಿಜ್ಯ ಕಟ್ಟಡ ಹಾಗೂ ಪತ್ನಿ ಹೆಸರಿನಲ್ಲಿ ₹ 15.12 ಲಕ್ಷ ಬೆಲೆ ಬಾಳುವ ಕೃಷಿಯೇತರ ಭೂಮಿ ಇದೆ. ರಾಮು ಅವರು ₹ 21.20 ಲಕ್ಷ ಸಾಲವಿದೆ ಎಂದು ಪ್ರಮಾಣಪತ್ರದಲ್ಲಿ ಘೋಷಿಸಿಕೊಂಡಿದ್ದಾರೆ. ಒಟ್ಟಾರೆ ಅವರು ₹ 5.63 ಕೋಟಿಯ ಒಡೆಯರಾಗಿದ್ದಾರೆ. ಬಿ.ಎ ಪದವೀಧರರಾದ ಅವರು ಕೃಷಿಯ ಜತೆಗೆ ಕುಕ್ಕಟ ಉದ್ಯಮ ನಡೆಸುತ್ತಿದ್ದಾರೆ.</p>.<p><strong>ಆಸ್ತಿಗಿಂತ ಸಾಲ ಹೆಚ್ಚು:</strong> ಕಾಂಗ್ರೆಸ್ ಅಭ್ಯರ್ಥಿ ಎಂ.ಎಲ್.ಅನಿಲ್ಕುಮಾರ್ ಅವರು ಬ್ಯಾಂಕ್ನಲ್ಲಿ ₹ 50 ಸಾವಿರ ಮತ್ತು ಅವರ ಪತ್ನಿಯು ₹ 20 ಸಾವಿರ ಠೇವಣಿ ಇಟ್ಟಿದ್ದಾರೆ. ಅನಿಲ್ಕುಮಾರ್ ₹ 50 ಲಕ್ಷದ ಜೀವ ವಿಮೆ ಮಾಡಿಸಿದ್ದಾರೆ. ಅವರ ಬಳಿ ಒಂದು ಕಾರು ಮತ್ತು ಒಂದು ಬೈಕ್ ಇದೆ.</p>.<p>ಅನಿಲ್ಕುಮಾರ್ ₹ 15 ಲಕ್ಷ ಮೌಲ್ಯದ ಕೃಷಿ ಭೂಮಿ ಹೊಂದಿದ್ದಾರೆ. ಪತ್ನಿ ಹೆಸರಿನಲ್ಲಿ ₹ 29.47 ಲಕ್ಷ ಮೌಲ್ಯದ ಕೃಷಿಯೇತರ ಭೂಮಿಯಿದೆ. ಅನಿಲ್ಕುಮಾರ್ರ ಆಸ್ತಿ ಮೌಲ್ಯಕ್ಕಿಂತ ಸಾಲದ ಪ್ರಮಾಣವೇ ಹೆಚ್ಚಿದೆ. ₹ 2.63 ಕೋಟಿ ಸಾಲವಿದೆ ಎಂದು ಅವರು ಘೋಷಿಸಿಕೊಂಡಿದ್ದಾರೆ. ಬಿಎಸ್ಸಿ ಪದವೀಧರರಾದ ಅವರು ಕೃಷಿಯ ಜತೆಗೆ ಕುಕ್ಕುಟ ಉದ್ಯಮ ನಡೆಸುತ್ತಿದ್ದಾರೆ.</p>.<p>ಪಕ್ಷೇತರ ಅಭ್ಯರ್ಥಿ ಎಂ.ಪಿ.ಅನಿಲ್ಕುಮಾರ್ ಅವರು ₹ 65 ಲಕ್ಷ ಮತ್ತು ಅವರ ಪತ್ನಿಯು ₹ 25 ಲಕ್ಷ ಮೌಲ್ಯದ ಚರಾಸ್ತಿ ಹೊಂದಿದ್ದಾರೆ. ಅವರಿಗೆ ಪಿತ್ರಾರ್ಜಿತವಾಗಿ ಬಂದಿರುವ ₹ 30 ಲಕ್ಷ ಬೆಲೆ ಬಾಳುವ ಮನೆಯಿದೆ. ದ್ವಿತೀಯ ಪಿಯುಸಿ ಓದಿರುವ ಎಂ.ಪಿ.ಅನಿಲ್ಕುಮಾರ್ ಗುತ್ತಿಗೆದಾರರೆಂದು ಪ್ರಮಾಣಪತ್ರದಲ್ಲಿ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೋಲಾರ</strong>: ಕೋಲಾರ ಮತ್ತು ಚಿಕ್ಕಬಳ್ಳಾಪುರ ಜಿಲ್ಲೆ ವ್ಯಾಪ್ತಿಯ ಸ್ಥಳೀಯ ಸಂಸ್ಥೆಗಳ ಕ್ಷೇತ್ರಗಳಿಂದ ಚುನಾವಣೆಗೆ ಸ್ಪರ್ಧಿಸಿರುವ ಅಭ್ಯರ್ಥಿಗಳಿಗಿಂತ ಅವರ ಪತ್ನಿಯರೇ ಹೆಚ್ಚು ಸಿರಿವಂತರಾಗಿದ್ದಾರೆ. ಹಣ, ಆಸ್ತಿ, ಆಭರಣ, ವಾಹನಗಳು ಸೇರಿದಂತೆ ಆರ್ಥಿಕವಾಗಿ ಅಭ್ಯರ್ಥಿಗಳ ಪತ್ನಿಯರೇ ಒಂದು ಕೈ ಮೇಲಿದ್ದಾರೆ.</p>.<p>ಅಭ್ಯರ್ಥಿಗಳು ನಾಮಪತ್ರ ಸಲ್ಲಿಕೆ ವೇಳೆ ಚುನಾವಣಾ ಆಯೋಗಕ್ಕೆ ಸಲ್ಲಿಸಿರುವ ಪ್ರಮಾಣ ಪತ್ರದಲ್ಲಿ ತಮ್ಮ, ಪತ್ನಿ ಹಾಗೂ ಕುಟುಂಬ ಸದಸ್ಯರ, ಅವಲಂಬಿತರ ವಾರ್ಷಿಕ ಆದಾಯ, ತೆರಿಗೆ ಪಾವತಿ, ಚಿನ್ನಾಭರಣ, ವಾಹನಗಳು, ಕೃಷಿ ಭೂಮಿ, ನಿವೇಶನಗಳ ವಿವರವನ್ನು ಪ್ರಮಾಣಪತ್ರದಲ್ಲಿ ಘೋಷಿಸಿಕೊಂಡಿದ್ದಾರೆ. ಅದರ ವಿವರ ಕೆಳಗಿನಂತಿದೆ.</p>.<p>ಬಿಜೆಪಿ ಅಭ್ಯರ್ಥಿ ಡಾ.ಕೆ.ಎನ್.ವೇಣುಗೋಪಾಲ್ ಅವರಿಗಿಂತ ಅವರ ಪತ್ನಿ ಡಾ.ಎಂ.ಎಸ್.ಕವಿತಾ ಅವರೇ ಹಣ ಹಾಗೂ ಅಸ್ತಿಯಲ್ಲಿ ಒಂದು ಕೈ ಮೇಲಿದ್ದಾರೆ. ವೇಣುಗೋಪಾಲ್ರ ಬಳಿ ₹ 3.50 ಲಕ್ಷ, ಅವರ ಪತ್ನಿ ಡಾ.ಎಂ.ಎಸ್.ಕವಿತಾ ಬಳಿ ₹ 4.25 ಲಕ್ಷ, ಮಕ್ಕಳ ಬಳಿ ₹ 50 ಸಾವಿರ, ಇತರೆ ಕುಟುಂಬ ಸದಸ್ಯರ ಬಳಿ ₹ 5 ಲಕ್ಷ ನಗದು ಇದೆ. ವೇಣುಗೋಪಾಲ್ ವಿವಿಧ ಹಣಕಾಸು ಸಂಸ್ಥೆಗಳಲ್ಲಿ ₹ 1.28 ಲಕ್ಷ, ಪತ್ನಿಯು ₹ 97,681, ಕುಟುಂಬ ಸದಸ್ಯರು ₹ 47,206 ಠೇವಣಿ ಇಟ್ಟಿದ್ದಾರೆ.</p>.<p>ವೇಣುಗೋಪಾಲ್ ಅವರು ಸ್ನೇಹಿತರಿಗೆ ₹ 10.20 ಲಕ್ಷ ಮತ್ತು ಅವರ ಪತ್ನಿ ಕವಿತಾ ಅವರು ₹ 10 ಲಕ್ಷ ಸಾಲ ಕೊಟ್ಟಿದ್ದಾರೆ. ವೇಣುಗೋಪಾಲ್ರ ಬಳಿ ಒಂದು ಕಾರು ಹಾಗೂ ಪತ್ನಿ ಬಳಿ 2 ಕಾರುಗಳಿವೆ. ವೇಣುಗೋಪಾಲ್ರ ಬಳಿ ₹ 9 ಲಕ್ಷ ಮೌಲ್ಯದ 200 ಗ್ರಾಂ ಚಿನ್ನಾಭರಣ ಮತ್ತು ₹ 1.67 ಲಕ್ಷ ಬೆಲೆ ಬಾಳುವ ಎರಡೂವರೆ ಕೆ.ಜಿ ಬೆಳ್ಳಿ ಆಭರಣಗಳಿವೆ.</p>.<p>ಕವಿತಾ ಅವರ ಪತ್ನಿ ಬಳಿ ₹ 15.75 ಲಕ್ಷ ಬೆಲೆ ಬಾಳುವ 350 ಗ್ರಾಂ ಚಿನ್ನಾಭರಣ ಹಾಗೂ ₹ 2.01 ಲಕ್ಷ ಮೌಲ್ಯದ 3 ಕೆ.ಜಿ ಬೆಳ್ಳಿ ಆಭರಣಗಳಿವೆ. ಒಟ್ಟಾರೆ ಕುಟುಂಬದ ಬಳಿ ₹ 95.47 ಲಕ್ಷ ಮೌಲ್ಯದ ಚರಾಸ್ತಿ ಇದೆ. ಪತಿ ವೇಣುಗೋಪಾಲ್ ಅವರಿಗಿಂತ ಪತ್ನಿಯೇ ಹೆಚ್ಚಿನ ಚರಾಸ್ತಿ ಹೊಂದಿದ್ದಾರೆ.</p>.<p>ವೇಣುಗೋಪಾಲ್ರ ಹೆಸರಿನಲ್ಲಿ ಸುಮಾರು ₹ 55 ಲಕ್ಷ ಬೆಲೆ ಬಾಳುವ 8 ಎಕರೆ 32 ಗುಂಟೆ ಕೃಷಿ ಜಮೀನು, ಪತ್ನಿ ಹೆಸರಿನಲ್ಲಿ ₹ 15 ಲಕ್ಷ ಬೆಲೆ ಬಾಳುವ 2 ಎಕರೆ, ಇತರೆ ಕುಟುಂಬ ಸದಸ್ಯರ ಹೆಸರಿನಲ್ಲಿ ₹ 75 ಲಕ್ಷದ 9 ಎಕರೆ 10 ಗುಂಟೆ ಕೃಷಿ ಜಮೀನಿದೆ. ಪತ್ನಿ ಹೆಸರಿನಲ್ಲಿ ಶ್ರೀನಿವಾಸಪುರ ಪಟ್ಟಣದಲ್ಲಿ ಸುಮಾರು ₹ 80 ಲಕ್ಷ ಮೌಲ್ಯದ ನಿವೇಶನಗಳು, ಇತರೆ ಕುಟುಂಬ ಸದಸ್ಯರ ಹೆಸರಿನಲ್ಲಿ ₹ 3.25 ಕೋಟಿ ಬೆಲೆ ಬಾಳುವ ಕೃಷಿಯೇತರ ಜಮೀನು ಇದೆ.</p>.<p>ವೇಣುಗೋಪಾಲ್ರ ಹೆಸರಿನಲ್ಲಿ ₹ 3.50 ಕೋಟಿ ಬೆಲೆ ಬಾಳುವ ವಾಣಿಜ್ಯ ಕಟ್ಟಡ ಸೇರಿದಂತೆ ಒಟ್ಟಾರೆ ₹ 4.05 ಕೋಟಿಯ ಸ್ಥಿರಾಸ್ತಿ, ಪತ್ನಿ ಹೆಸರಿನಲ್ಲಿ ₹ 95 ಲಕ್ಷ ಮೌಲ್ಯದ ಮತ್ತು ಇತರೆ ಕುಟುಂಬ ಸದಸ್ಯರ ಹೆಸರಿನಲ್ಲಿ ₹ 4 ಕೋಟಿ ಬೆಲೆ ಬಾಳುವ ಸ್ಥಿರಾಸ್ತಿ ಇದೆ. ವೇಣುಗೋಪಾಲ್ರ ಸಾಲ ₹ 70 ಲಕ್ಷ ಮತ್ತು ಅವರ ಪತ್ನಿಯ ಸಾಲ ₹ 30.43 ಲಕ್ಷವಿದೆ. ವೈದ್ಯಕೀಯ ಪದವೀಧರರಾದ ವೇಣುಗೋಪಾಲ್ ವೈದ್ಯ ವೃತ್ತಿಯ ಜತೆಗೆ ಕೃಷಿ ಮಾಡುತ್ತಿರುವುದಾಗಿ ಘೋಷಿಸಿದ್ದಾರೆ.</p>.<p><strong>ಕೋಟಿ ಒಡೆಯ: </strong>ಜೆಡಿಎಸ್ ಅಭ್ಯರ್ಥಿ ವಿ.ಇ.ರಾಮಚಂದ್ರ (ವಕ್ಕಲೇರಿ ರಾಮು) ಅವರು ವಿಪಕ್ಷಗಳ ಅಭ್ಯರ್ಥಿಗಳಿಗಿಂತ ಹೆಚ್ಚಿನ ಆಸ್ತಿ ಹೊಂದಿದ್ದು, ಕೋಟಿ ಒಡೆಯರಾಗಿದ್ದಾರೆ. ಅವರ ಬಳಿ ಸುಮಾರು 1.43 ಕೋಟಿ ಬೆಲೆ ಬಾಳುವ ಹಾಗೂ ಪತ್ನಿ ಬಳಿ ₹ 29.80 ಲಕ್ಷ ಮೌಲ್ಯದ ಚರಾಸ್ತಿಗಳಿವೆ. ಪತ್ನಿ ಬಳಿ ಅರ್ಧ ಕೆ.ಜಿ ಚಿನ್ನಾಭರಣ ಮತ್ತು 1 ಕೆ.ಜಿ ಬೆಳ್ಳಿ ಆಭರಣಗಳಿವೆ. ಇತರೆ ಕುಟುಂಬ ಸದಸ್ಯರ ಬಳಿ ₹ 17.70 ಲಕ್ಷ ಮೌಲ್ಯದ ಚರಾಸ್ತಿ ಇವೆ.</p>.<p>ರಾಮು ಅವರ ಹೆಸರಿನಲ್ಲಿ ₹ 3.46 ಕೋಟಿ ಬೆಲೆ ಬಾಳುವ ಕೃಷಿ ಭೂಮಿ, ₹ 28.33 ಲಕ್ಷ ಮೌಲ್ಯದ ಕೃಷಿಯೇತರ ಭೂಮಿ, ₹ 1.88 ಕೋಟಿ ಬೆಲೆ ಬಾಳುವ ವಾಣಿಜ್ಯ ಕಟ್ಟಡ ಹಾಗೂ ಪತ್ನಿ ಹೆಸರಿನಲ್ಲಿ ₹ 15.12 ಲಕ್ಷ ಬೆಲೆ ಬಾಳುವ ಕೃಷಿಯೇತರ ಭೂಮಿ ಇದೆ. ರಾಮು ಅವರು ₹ 21.20 ಲಕ್ಷ ಸಾಲವಿದೆ ಎಂದು ಪ್ರಮಾಣಪತ್ರದಲ್ಲಿ ಘೋಷಿಸಿಕೊಂಡಿದ್ದಾರೆ. ಒಟ್ಟಾರೆ ಅವರು ₹ 5.63 ಕೋಟಿಯ ಒಡೆಯರಾಗಿದ್ದಾರೆ. ಬಿ.ಎ ಪದವೀಧರರಾದ ಅವರು ಕೃಷಿಯ ಜತೆಗೆ ಕುಕ್ಕಟ ಉದ್ಯಮ ನಡೆಸುತ್ತಿದ್ದಾರೆ.</p>.<p><strong>ಆಸ್ತಿಗಿಂತ ಸಾಲ ಹೆಚ್ಚು:</strong> ಕಾಂಗ್ರೆಸ್ ಅಭ್ಯರ್ಥಿ ಎಂ.ಎಲ್.ಅನಿಲ್ಕುಮಾರ್ ಅವರು ಬ್ಯಾಂಕ್ನಲ್ಲಿ ₹ 50 ಸಾವಿರ ಮತ್ತು ಅವರ ಪತ್ನಿಯು ₹ 20 ಸಾವಿರ ಠೇವಣಿ ಇಟ್ಟಿದ್ದಾರೆ. ಅನಿಲ್ಕುಮಾರ್ ₹ 50 ಲಕ್ಷದ ಜೀವ ವಿಮೆ ಮಾಡಿಸಿದ್ದಾರೆ. ಅವರ ಬಳಿ ಒಂದು ಕಾರು ಮತ್ತು ಒಂದು ಬೈಕ್ ಇದೆ.</p>.<p>ಅನಿಲ್ಕುಮಾರ್ ₹ 15 ಲಕ್ಷ ಮೌಲ್ಯದ ಕೃಷಿ ಭೂಮಿ ಹೊಂದಿದ್ದಾರೆ. ಪತ್ನಿ ಹೆಸರಿನಲ್ಲಿ ₹ 29.47 ಲಕ್ಷ ಮೌಲ್ಯದ ಕೃಷಿಯೇತರ ಭೂಮಿಯಿದೆ. ಅನಿಲ್ಕುಮಾರ್ರ ಆಸ್ತಿ ಮೌಲ್ಯಕ್ಕಿಂತ ಸಾಲದ ಪ್ರಮಾಣವೇ ಹೆಚ್ಚಿದೆ. ₹ 2.63 ಕೋಟಿ ಸಾಲವಿದೆ ಎಂದು ಅವರು ಘೋಷಿಸಿಕೊಂಡಿದ್ದಾರೆ. ಬಿಎಸ್ಸಿ ಪದವೀಧರರಾದ ಅವರು ಕೃಷಿಯ ಜತೆಗೆ ಕುಕ್ಕುಟ ಉದ್ಯಮ ನಡೆಸುತ್ತಿದ್ದಾರೆ.</p>.<p>ಪಕ್ಷೇತರ ಅಭ್ಯರ್ಥಿ ಎಂ.ಪಿ.ಅನಿಲ್ಕುಮಾರ್ ಅವರು ₹ 65 ಲಕ್ಷ ಮತ್ತು ಅವರ ಪತ್ನಿಯು ₹ 25 ಲಕ್ಷ ಮೌಲ್ಯದ ಚರಾಸ್ತಿ ಹೊಂದಿದ್ದಾರೆ. ಅವರಿಗೆ ಪಿತ್ರಾರ್ಜಿತವಾಗಿ ಬಂದಿರುವ ₹ 30 ಲಕ್ಷ ಬೆಲೆ ಬಾಳುವ ಮನೆಯಿದೆ. ದ್ವಿತೀಯ ಪಿಯುಸಿ ಓದಿರುವ ಎಂ.ಪಿ.ಅನಿಲ್ಕುಮಾರ್ ಗುತ್ತಿಗೆದಾರರೆಂದು ಪ್ರಮಾಣಪತ್ರದಲ್ಲಿ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
