<p><strong>ಮಾಲೂರು</strong>: ತಾಲ್ಲೂಕಿನ ನಿದರಮಂಗಲ ಗ್ರಾಮದ ರೈತ ನಾಗಪ್ಪ ಕೋಸು, ಟೊಮೆಟೊ, ಆಲೂಗಡ್ಡೆ ಬೆಳೆದು ಕೈಸುಟ್ಟುಕೊಂಡಿದ್ದರು. ಹಾಕಿದ ಬಂಡವಾಳವೂ ಹಿಂತಿರುಗದೇ ನಿರಾಶರಾಗಿದ್ದರು. ಆದರೆ, ಈಚೆಗೆ ಕಬ್ಬು ಬೆಳೆದು ಲಾಭದತ್ತ ಮುಖಮಾಡಿದ್ದಾರೆ.</p><p>ತಮ್ಮ 30 ಗುಂಟೆ ಜಮೀನಿನಲ್ಲಿ ಕಬ್ಬು ಬೆಳೆದಿರುವ ಅವರು ಉತ್ತಮ ಇಳುವರಿ ಪಡೆಯುವ ಜತೆಗೆ ಉತ್ತಮ ಬೆಲೆಗೂ ಮಾರಾಟ ಮಾಡಿ ಯಶಸ್ವಿ ಕೃಷಿಕರಾಗಿದ್ದಾರೆ.</p><p>ಈ ಹಿಂದೆ ಕೋಸು, ಟೊಮೊಟೊ, ಆಲೂಗಡ್ಡೆ ಬೆಳೆಗಳಿಗೆ ಹೆಚ್ಚು ಬಂಡವಾಳ ಹಾಕಿ, ಸಮರ್ಪಕ ಬೆಲೆ ಸಿಗದೇ ಕೈಸುಟ್ಟುಕೊಂಡಿದ್ದ ನಾಗಪ್ಪ ಅವರು ಇದೀಗ ಕಬ್ಬು ಬೆಳೆದು ಆರ್ಥಿಕವಾಗಿ ಚೇತರಿಸಿಕೊಳ್ಳುತ್ತಿದ್ದಾರೆ.</p><p>30 ಗುಂಟೆ ಕಬ್ಬು ಬೆಳೆಗೆ ₹ 1 ಲಕ್ಷ ಖರ್ಚು ಮಾಡಿದ್ದೇನೆ. ಇದೀಗ ಉತ್ತಮ ಇಳುವರಿ ಪಡೆದು, ₹ 4 ಲಕ್ಷಕ್ಕೆ ಮಾರಾಟ ಮಾಡಿದ್ದೇನೆ. ಹಾಕಿದ ಬಂಡವಾಳ ₹ 1 ಲಕ್ಷ ಖರ್ಚು ತೆಗೆದು, ₹ 3 ಲಕ್ಷ ಲಾಭ ಪಡೆದಿದ್ದೇನೆ ಎನ್ನುತ್ತಾರೆ ರೈತ ನಾಗಪ್ಪ.</p><p>ಮಾಲೂರು ಭಾಗದ ರೈತರು ಕೃಷಿ ಚಟುವಟಿಕೆಗಳಿಗೆ ಮಳೆ ಆಧಾರಿತ ಇಲ್ಲವೇ ಕೊಳವೆ ಬಾವಿಯ ನೀರಿಗೆ ಅವಲಂಬಿತರಾಗಿದ್ದಾರೆ. </p><p>ಕಬ್ಬು ಬೆಳೆಗೆ ಹೆಚ್ಚು ನೀರು ಅಗತ್ಯವಿರುವುದರಿಂದ ಬಹುತೇಕ ರೈತರು ಈ ಬೆಳೆ ಬೆಳೆಯಲು ಮುಂದಾಗುವುದಿಲ್ಲ. ಆದರೆ, ಕೊಳವೆ ಬಾವಿಯನ್ನೇ ಮಿತವಾಗಿ ಬಳಸಿ ಹನಿ ನೀರಾವರಿ ಪದ್ಧತಿಯನ್ನು ಅಳವಡಿಸಿಕೊಂಡಿರುವ ನಾಗಪ್ಪ ಅವರು ಅಗತ್ಯವಿದ್ದಾಗ ಮಾತ್ರ ಕಬ್ಬಿಗೆ ನೀರು ಹಾಯಿಸುತ್ತಾರೆ.</p><p>ಆರಂಭದಲ್ಲಿ ಕಬ್ಬು ನಾಟಿ ಮಾಡಲು ಕುಪ್ಪೂರಿನಿಂದ ಸುಮಾರು 900 ಕಬ್ಬನ್ನು ಖರೀದಿಸಿದ್ದರು. 90 ಸೆಂ.ಮೀ. ಅಂತರದ ಬದು ಮತ್ತು ಸಾಲು ಮಾಡಿದ್ದಾರೆ. 60 ಮತ್ತು 90 ಸೆಂ.ಮೀ. ಸಾಲು ಮಾಡಿ ಎರಡು ಸಾಲು ನಾಟಿ ಮಾಡಿ, ಒಂದು ಸಾಲು ಹುಸಿಬಿಟ್ಟಿದ್ದಾರೆ.</p><p>ಇದರಿಂದ ಅಂತರದಲ್ಲಿ ಬೆಳೆಗಳನ್ನು ಲಾಭದಾಯಕವಾಗಿ ಬೆಳೆಯಬಹುದು. ಮುಖ್ಯವಾಗಿ ಶೇ 40ರಷ್ಟು ಪ್ರಮಾಣದಲ್ಲಿ ನೀರು ಉಳಿತಾಯ ಮಾಡಬಹುದು ಎನ್ನುವುದು ನಾಗಪ್ಪ ಅವರ ಅನುಭವದ ಮಾತು.</p><p><strong>ಮಾರುಕಟ್ಟೆ</strong>: ತಮಿಳುನಾಡಿನ ಹೊಸೂರು ಮತ್ತು ಬೆಂಗಳೂರಿನಿಂದ ವರ್ತಕರು ಕಬ್ಬು ತೋಟದ ಬಳಿ ಬಂದು ವ್ಯಾಪಾರ ನಡೆಸುತ್ತಾರೆ.</p><p>ಸ್ಥಳದಲ್ಲೇ ಹಣ ನೀಡಿ ಅಗತ್ಯಕ್ಕೆ ತಕ್ಕಂತೆ ಕಬ್ಬು ಬೆಳೆಯನ್ನು ಕಠಾವು ಮಾಡಿ ಕೊಂಡೊಯ್ಯುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಾಲೂರು</strong>: ತಾಲ್ಲೂಕಿನ ನಿದರಮಂಗಲ ಗ್ರಾಮದ ರೈತ ನಾಗಪ್ಪ ಕೋಸು, ಟೊಮೆಟೊ, ಆಲೂಗಡ್ಡೆ ಬೆಳೆದು ಕೈಸುಟ್ಟುಕೊಂಡಿದ್ದರು. ಹಾಕಿದ ಬಂಡವಾಳವೂ ಹಿಂತಿರುಗದೇ ನಿರಾಶರಾಗಿದ್ದರು. ಆದರೆ, ಈಚೆಗೆ ಕಬ್ಬು ಬೆಳೆದು ಲಾಭದತ್ತ ಮುಖಮಾಡಿದ್ದಾರೆ.</p><p>ತಮ್ಮ 30 ಗುಂಟೆ ಜಮೀನಿನಲ್ಲಿ ಕಬ್ಬು ಬೆಳೆದಿರುವ ಅವರು ಉತ್ತಮ ಇಳುವರಿ ಪಡೆಯುವ ಜತೆಗೆ ಉತ್ತಮ ಬೆಲೆಗೂ ಮಾರಾಟ ಮಾಡಿ ಯಶಸ್ವಿ ಕೃಷಿಕರಾಗಿದ್ದಾರೆ.</p><p>ಈ ಹಿಂದೆ ಕೋಸು, ಟೊಮೊಟೊ, ಆಲೂಗಡ್ಡೆ ಬೆಳೆಗಳಿಗೆ ಹೆಚ್ಚು ಬಂಡವಾಳ ಹಾಕಿ, ಸಮರ್ಪಕ ಬೆಲೆ ಸಿಗದೇ ಕೈಸುಟ್ಟುಕೊಂಡಿದ್ದ ನಾಗಪ್ಪ ಅವರು ಇದೀಗ ಕಬ್ಬು ಬೆಳೆದು ಆರ್ಥಿಕವಾಗಿ ಚೇತರಿಸಿಕೊಳ್ಳುತ್ತಿದ್ದಾರೆ.</p><p>30 ಗುಂಟೆ ಕಬ್ಬು ಬೆಳೆಗೆ ₹ 1 ಲಕ್ಷ ಖರ್ಚು ಮಾಡಿದ್ದೇನೆ. ಇದೀಗ ಉತ್ತಮ ಇಳುವರಿ ಪಡೆದು, ₹ 4 ಲಕ್ಷಕ್ಕೆ ಮಾರಾಟ ಮಾಡಿದ್ದೇನೆ. ಹಾಕಿದ ಬಂಡವಾಳ ₹ 1 ಲಕ್ಷ ಖರ್ಚು ತೆಗೆದು, ₹ 3 ಲಕ್ಷ ಲಾಭ ಪಡೆದಿದ್ದೇನೆ ಎನ್ನುತ್ತಾರೆ ರೈತ ನಾಗಪ್ಪ.</p><p>ಮಾಲೂರು ಭಾಗದ ರೈತರು ಕೃಷಿ ಚಟುವಟಿಕೆಗಳಿಗೆ ಮಳೆ ಆಧಾರಿತ ಇಲ್ಲವೇ ಕೊಳವೆ ಬಾವಿಯ ನೀರಿಗೆ ಅವಲಂಬಿತರಾಗಿದ್ದಾರೆ. </p><p>ಕಬ್ಬು ಬೆಳೆಗೆ ಹೆಚ್ಚು ನೀರು ಅಗತ್ಯವಿರುವುದರಿಂದ ಬಹುತೇಕ ರೈತರು ಈ ಬೆಳೆ ಬೆಳೆಯಲು ಮುಂದಾಗುವುದಿಲ್ಲ. ಆದರೆ, ಕೊಳವೆ ಬಾವಿಯನ್ನೇ ಮಿತವಾಗಿ ಬಳಸಿ ಹನಿ ನೀರಾವರಿ ಪದ್ಧತಿಯನ್ನು ಅಳವಡಿಸಿಕೊಂಡಿರುವ ನಾಗಪ್ಪ ಅವರು ಅಗತ್ಯವಿದ್ದಾಗ ಮಾತ್ರ ಕಬ್ಬಿಗೆ ನೀರು ಹಾಯಿಸುತ್ತಾರೆ.</p><p>ಆರಂಭದಲ್ಲಿ ಕಬ್ಬು ನಾಟಿ ಮಾಡಲು ಕುಪ್ಪೂರಿನಿಂದ ಸುಮಾರು 900 ಕಬ್ಬನ್ನು ಖರೀದಿಸಿದ್ದರು. 90 ಸೆಂ.ಮೀ. ಅಂತರದ ಬದು ಮತ್ತು ಸಾಲು ಮಾಡಿದ್ದಾರೆ. 60 ಮತ್ತು 90 ಸೆಂ.ಮೀ. ಸಾಲು ಮಾಡಿ ಎರಡು ಸಾಲು ನಾಟಿ ಮಾಡಿ, ಒಂದು ಸಾಲು ಹುಸಿಬಿಟ್ಟಿದ್ದಾರೆ.</p><p>ಇದರಿಂದ ಅಂತರದಲ್ಲಿ ಬೆಳೆಗಳನ್ನು ಲಾಭದಾಯಕವಾಗಿ ಬೆಳೆಯಬಹುದು. ಮುಖ್ಯವಾಗಿ ಶೇ 40ರಷ್ಟು ಪ್ರಮಾಣದಲ್ಲಿ ನೀರು ಉಳಿತಾಯ ಮಾಡಬಹುದು ಎನ್ನುವುದು ನಾಗಪ್ಪ ಅವರ ಅನುಭವದ ಮಾತು.</p><p><strong>ಮಾರುಕಟ್ಟೆ</strong>: ತಮಿಳುನಾಡಿನ ಹೊಸೂರು ಮತ್ತು ಬೆಂಗಳೂರಿನಿಂದ ವರ್ತಕರು ಕಬ್ಬು ತೋಟದ ಬಳಿ ಬಂದು ವ್ಯಾಪಾರ ನಡೆಸುತ್ತಾರೆ.</p><p>ಸ್ಥಳದಲ್ಲೇ ಹಣ ನೀಡಿ ಅಗತ್ಯಕ್ಕೆ ತಕ್ಕಂತೆ ಕಬ್ಬು ಬೆಳೆಯನ್ನು ಕಠಾವು ಮಾಡಿ ಕೊಂಡೊಯ್ಯುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>