ಯಲಬುರ್ಗಾ | ಅಪಘಾತ: ಬಾಲಕ ಸಾವು, ಹಲವರಿಗೆ ಗಾಯ

ಕೊಪ್ಪಳ ತಾಲ್ಲೂಕಿನ ಟಣಕನಕಲ್ಲ ಗ್ರಾಮದ ಸಂಪ್ರೀತ್ ಸಂಗಯ್ಯ ಹಿರೇಮಠ(1) ಮೃತ ಬಾಲಕ. ಒಂದೇ ಕಾರಿನಲ್ಲಿ ಪ್ರಯಾಣಿಸುತ್ತಿದ್ದ ಕೊಪ್ಪಳದ ಮಹಾಲಕ್ಷ್ಮಿ ಕೋರಗಲ್ಲಮಠ, ಗಂಗಮ್ಮ, ಶಿವಪ್ಪ ಶರಣಯ್ಯ, ಪ್ರೀತಿ ಹಿರೇಮಠ, ವಿರೂಪಾಕ್ಷಯ್ಯ ಬಸಯ್ಯ ಕೋರಗಲ್ಲಮಠ ಅವರಿಗೆ ಬಲವಾದ ಮತ್ತು ಸಣ್ಣಪುಟ್ಟ ಗಾಯಗಳಾಗಿವೆ. ಮತ್ತೊಂದು ಕಾರಿನಲ್ಲಿದ್ದ ಸಂಗನಾಳ ಗ್ರಾಮದ ಸಂಗಪ್ಪ ದೇವಪ್ಪ ಗಡಾದ, ಪ್ರಭುದೇವ ಶಾಂತಪ್ಪ ಹೊಸಂಗಡಿ ಅವರಿಗೂ ಗಾಯಗಳಾಗಿದ್ದು, ಯಲಬುರ್ಗಾ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದಾರೆ.

ಕೊಪ್ಪಳ ಮೂಲದವರು ಗಜೇಂದ್ರಗಡದ ಕಾಲಕಾಲೇಶ್ವರ ದೇವಸ್ಥಾನದಲ್ಲಿ ಪೂಜೆ ಸಲ್ಲಿಸಿ, ಊರಿಗೆ ಮರಳುತ್ತಿದ್ದರು. ಸಂಗನಾಳ ಗ್ರಾಮದವರು ಚಿಕ್ಕೇನಕೊಪ್ಪದಿಂದ ತಮ್ಮ ಗ್ರಾಮಕ್ಕೆ ವಾಪಸಾಗುತ್ತಿದ್ದರು. ಎರಡು ಕಾರಿನ ಚಾಲಕರು ಅತೀ ವೇಗದಲ್ಲಿ ಚಾಲನೆ ಮಾಡುತ್ತಿದ್ದರು. ಚಾಲಕರ ನಿಯಂತ್ರಣ ತಪ್ಪಿ ಅಪಘಾತ ಸಂಭವಿಸಿದೆ ಎಂದು ವರದಿಯಾಗಿದೆ.

ಸ್ಥಳೀಯ ಪೊಲೀಸರು ಪ್ರಕರಣವನ್ನು ದಾಖಲಿಸಿಕೊಂಡು ಹೆಚ್ಚಿನ ತನಿಖೆ ಕೈಗೊಂಡಿದ್ದಾರೆ.