ಆನೆಗೊಂದಿ ಉತ್ಸವ ಹಿನ್ನಲೆಯಲ್ಲಿ ಬಾಲ್ ಬ್ಯಾಡ್ಮಿಂಟನ್ ಪಂದ್ಯಾವಳಿಗಳನ್ನು ಹಮ್ಮಿಕೊಳ್ಳಲಾಗಿತ್ತು. ಹಾಗಾಗಿಯೇ ರಾಜ್ಯದ ಬೆಂಗಳೂರು, ಹಾಸನ, ಉತ್ತಂಗಿ, ಚಾಮರಾಜನಗರ, ರಾಯಚೂರು, ಭದ್ರಾವತಿ, ಬಳ್ಳಾರಿ, ಸಂಡೂರು, ಕೊಪ್ಪಳ, ಹನುಮಸಾಗರ, ಇಲಕಲ್ ಸೇರಿದಂತೆ ನಾನಾ ಜಿಲ್ಲೆಗಳಿಂದ ಒಟ್ಟು 23 ತಂಡಗಳು ಬಾಲ್ಬ್ಯಾಡ್ಮಿಂಟನ್ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದವು. ಇದರಲ್ಲಿ ಪುರುಷರ ವಿಭಾಗಕ್ಕೆ ಒಟ್ಟು 18 ತಂಡಗಳು, ಮಹಿಳೆಯರ ವಿಭಾಗಕ್ಕೆ 05 ತಂಡಗಳು ಭಾಗವಹಿಸಿದ್ದವು. ಅಧಿಕ ಸಂಖ್ಯೆಯಲ್ಲಿ ತಂಡಗಳು ಭಾಗವಹಿಸಿದ ಹಿನ್ನಲೆಯಲ್ಲಿ ಪೂರ್ಣ ಪ್ರಮಾಣದ ಪಂದ್ಯಾವಳಿಯನ್ನು ಜ.05 ರಂದು ಮುಗಿಸಲಾಯಿತು.