ಚಿತ್ರಗಳು | ಮಂಡ್ಯ ಲಾಕ್ಡೌನ್: ಗುರುವಾರ ಖರೀದಿಗೆ ಅವಕಾಶ, ಮುಗಿಬಿದ್ದ ಜನ
ಮಂಡ್ಯದಲ್ಲಿ ಕಳೆದೆರಡು ದಿನಗಳಿಂದ ಸಂಪೂರ್ಣ ಲಾಕ್ಡೌನ್ ಇತ್ತು. ಗುರುವಾರ ಬೆಳಿಗ್ಗೆ 6ರಿಂದ 10ರವರೆಗೆ ಖರೀದಿಗೆ ಅವಕಾಶ ನೀಡಲಾಗಿತ್ತು. ಇದರಿಂದಾಗಿ ಜನರು ಅಗತ್ಯ ವಸ್ತುಗಳ ಖರೀದಿಗಾಗಿ ಮುಗಿಬಿದ್ದರು. ಎಲ್ಲೆಲ್ಲೂ ಜನಜಂಗುಳಿ ಇತ್ತು. ಮಾಂಸ, ಚಿಕನ್ ಅಂಗಡಿಗಳ ಮುಂದೆ ಉದ್ದದ ಸಾಲು ಇತ್ತು.ಕಟ್ಟು ಕೊತ್ತಂಬರಿ ಬೆಲೆ ₹ 50ಕ್ಕೇರಿತ್ತು. ಬಾಡೂಟಕ್ಕೆ ಬಳಸುವ ಪುದೀನಾ, ಶುಂಠಿ, ಮಸಾಲ ಪದಾರ್ಥ ಖರೀದಿಗೆ ಬೇಡಿಕೆ ಹೆಚ್ಚಿತು. ಕೋವಿಡ್–19 ನಿಯಂತ್ರಣಕ್ಕಾಗಿ ಮುಂದಿನ 2 ದಿನ ಮತ್ತೆ ಸಂಪೂರ್ಣ ಲಾಕ್ಡೌನ್ ಜಾರಿಗೊಳಿಸಲಾಗಿದೆ.