<p><strong>ಮೈಸೂರು:</strong> ಇಲ್ಲಿನ ಕೆ.ಆರ್.ಆಸ್ಪತ್ರೆಯಲ್ಲಿ ಮಂಗಳವಾರ ಬಿಲ್ಲಿಂಗ್ ಮಾಡುವ ತಂತ್ರಾಂಶದಲ್ಲಿ ಬೆಳಿಗ್ಗೆ 2 ಗಂಟೆಗಳ ಕಾಲ ತಾಂತ್ರಿಕ ಸಮಸ್ಯೆ ಕಾಣಿಸಿಕೊಂಡಿದ್ದರಿಂದ ನೂರಾರು ರೋಗಿಗಳು ಬಳಲಿದರು.</p>.<p>ಬಿಲ್ಲಿಂಗ್ ಆಗಲಿಲ್ಲ ಎಂದು ಸ್ಕ್ಯಾನಿಂಗ್, ರಕ್ತಪರೀಕ್ಷೆ ಸೇರಿದಂತೆ ವಿವಿಧ ಪ್ರಯೋಗಾಲಯಗಳ ವರದಿಗೆ, ಹೊರರೋಗಿ ಮತ್ತು ಒಳರೋಗಿಗಳ ದಾಖಲಾತಿಗೆ ಕಾಯುತ್ತಾ ಬಹುತೇಕರು ಬಳಲಿದರು.</p>.<p>ಮಧುಮೇಹದ ಪರೀಕ್ಷೆಗಾಗಿ ಬೆಳಿಗ್ಗೆಯೇ ಉಪಾಹಾರ ಸೇವಿಸದೇ ಬಂದಿದ್ದ ಅನೇಕರು ಸುಸ್ತಾಗಿ ಕುಸಿದರು. ಮತ್ತೆ ಕೆಲವರು ಇತರ ಆರೋಗ್ಯ ಸಮಸ್ಯೆಗಳಿಂದ ನಿಂತ ಜಾಗದಲ್ಲೇ ಕುಳಿತುಕೊಂಡರು. ದಿಢೀರನೆ ಏರ್ಪಟ್ಟ ಈ ಸಮಸ್ಯೆ ಮೊದಲಿಗೆ ಯಾರ ಗಮನಕ್ಕೂ ಬರಲಿಲ್ಲ. ನಂತರ ಸಿಬ್ಬಂದಿಯೊಬ್ಬರು ಮಾಹಿತಿ ನೀಡಿ ಕಾಯುವಂತೆ ರೋಗಿಗಳಿಗೆ ಸೂಚಿಸಿದರು.</p>.<p>ಆಸ್ಪತ್ರೆಯ ಒಟ್ಟು 5 ಬಿಲ್ಲಿಂಗ್ ಕೌಂಟರ್ಗಳು ಹಾಗೂ 4 ಹೊರರೋಗಿಗಳ ಕೌಂಟರ್ನಲ್ಲಿದ್ದ 14 ನೌಕರರು ರೋಗಿಗಳಿಗೆ ಉತ್ತರಿಸುವಷ್ಟರಲ್ಲಿ ಹೈರಾಣಾದರು. ‘ಬಿಲ್ಲಿಂಗ್ ಮಾಡದೇ ಬೇರೆ ದಾರಿಯೇ ಇಲ್ಲ. ನೆಟ್ವರ್ಕ್ ಬರುವವರೆಗೂ ಕಾಯಲೇಬೇಕು’ ಎಂದು ರೋಗಿಗಳ ಮನವೊಲಿಸುವುದರಲ್ಲಿಯೇ ಮಗ್ನರಾಗಿದ್ದರು.</p>.<p>ಮಂಗಳವಾರ ಒಂದೇ ದಿನ 1,450 ಮಂದಿ ಹೊರರೋಗಿಗಳು ಆಸ್ಪತ್ರೆಗೆ ಭೇಟಿ ನೀಡಿದರೆ, 120 ಮಂದಿ ಒಳರೋಗಿಗಳಾಗಿ ದಾಖಲಾದರು. ಈ ಎಲ್ಲರಿಗೂ ಸಕಾಲಕ್ಕೆ ರಶೀದಿ ನೀಡಲು ಆಗದೇ ಸಿಬ್ಬಂದಿಯೂ ಅಸಹಾಯಕರಾಗಿದ್ದರು.</p>.<p class="Subhead"><strong>ಹೆಚ್ಚಾದ ತಾಂತ್ರಿಕ ಸಮಸ್ಯೆ</strong></p>.<p>’ಇತ್ತೀಚಿನ ದಿನಗಳಲ್ಲಿ ಈ ಬಗೆಯ ತಾಂತ್ರಿಕ ಸಮಸ್ಯೆ ಹೆಚ್ಚಾಗಿದೆ’ ಎಂದು ಬಿಲ್ಲಿಂಗ್ ಕೌಂಟರ್ನ ಹೆಸರು ಬಹಿರಂಗಪಡಿಸಲು ಬಯಸದ ನೌಕರರೊಬ್ಬರು ಆಕ್ಷೇಪ ವ್ಯಕ್ತಪಡಿಸಿದರು.</p>.<p>‘ಸಾಮಾನ್ಯವಾಗಿ ಸೋಮವಾರ ಮತ್ತು ಮಂಗಳವಾರವೇ ಇಂಥ ಸಮಸ್ಯೆ ಕಾಣಿಸಿಕೊಳ್ಳುತ್ತಿದೆ. ಆದರೆ, 2 ಗಂಟೆಗಳಷ್ಟು ದೀರ್ಘ ಕಾಲ ಸಮಸ್ಯೆ ಏರ್ಪಟ್ಟಿದ್ದು ಇದೇ ಮೊದಲು. ಬೇರೆ ದಿನಗಳಲ್ಲಿ ಹೆಚ್ಚೆಂದರೆ 30 ನಿಮಿಷಗಳಷ್ಟು ಮಾತ್ರ ಸಮಸ್ಯೆ ಕಾಣಿಸಿಕೊಳ್ಳುತ್ತಿತ್ತು. ನಂತರ ಕೆಲಸ ಸರಾಗವಾಗಿ ಮುಂದುವರಿಯುತ್ತಿತ್ತು’ ಎಂದು ಪ್ರತಿಕ್ರಿಯಿಸಿದರು.</p>.<p>ಈ ಕುರಿತು ‘ಪ್ರಜಾವಾಣಿ’ ಕೆ.ಆರ್.ಆಸ್ಪತ್ರೆಯ ಸ್ಥಾನಿಕ ವೈದ್ಯಾಧಿಕಾರಿ ಡಾ.ರಾಜೇಶ್ ಅವರನ್ನು ಸಂಪರ್ಕಿಸಿದಾಗ ಅವರು, ‘ಇದು ಕೆ.ಆರ್.ಆಸ್ಪತ್ರೆಗಷ್ಟೇ ಸೀಮಿತವಾದ ಸಮಸ್ಯೆ ಅಲ್ಲ. ಇಡೀ ದೇಶದ ಎಲ್ಲ ಸರ್ಕಾರಿ ಆಸ್ಪತ್ರೆಗಳಲ್ಲೂ ಏಕಕಾಲಕ್ಕೆ ಸರ್ವರ್ನಲ್ಲಿ ದೋಷ ಕಾಣಿಸಿಕೊಳ್ಳುತ್ತದೆ. ನಾವೇನೂ ಮಾಡಲು ಆಗದು’ ಎಂದು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು:</strong> ಇಲ್ಲಿನ ಕೆ.ಆರ್.ಆಸ್ಪತ್ರೆಯಲ್ಲಿ ಮಂಗಳವಾರ ಬಿಲ್ಲಿಂಗ್ ಮಾಡುವ ತಂತ್ರಾಂಶದಲ್ಲಿ ಬೆಳಿಗ್ಗೆ 2 ಗಂಟೆಗಳ ಕಾಲ ತಾಂತ್ರಿಕ ಸಮಸ್ಯೆ ಕಾಣಿಸಿಕೊಂಡಿದ್ದರಿಂದ ನೂರಾರು ರೋಗಿಗಳು ಬಳಲಿದರು.</p>.<p>ಬಿಲ್ಲಿಂಗ್ ಆಗಲಿಲ್ಲ ಎಂದು ಸ್ಕ್ಯಾನಿಂಗ್, ರಕ್ತಪರೀಕ್ಷೆ ಸೇರಿದಂತೆ ವಿವಿಧ ಪ್ರಯೋಗಾಲಯಗಳ ವರದಿಗೆ, ಹೊರರೋಗಿ ಮತ್ತು ಒಳರೋಗಿಗಳ ದಾಖಲಾತಿಗೆ ಕಾಯುತ್ತಾ ಬಹುತೇಕರು ಬಳಲಿದರು.</p>.<p>ಮಧುಮೇಹದ ಪರೀಕ್ಷೆಗಾಗಿ ಬೆಳಿಗ್ಗೆಯೇ ಉಪಾಹಾರ ಸೇವಿಸದೇ ಬಂದಿದ್ದ ಅನೇಕರು ಸುಸ್ತಾಗಿ ಕುಸಿದರು. ಮತ್ತೆ ಕೆಲವರು ಇತರ ಆರೋಗ್ಯ ಸಮಸ್ಯೆಗಳಿಂದ ನಿಂತ ಜಾಗದಲ್ಲೇ ಕುಳಿತುಕೊಂಡರು. ದಿಢೀರನೆ ಏರ್ಪಟ್ಟ ಈ ಸಮಸ್ಯೆ ಮೊದಲಿಗೆ ಯಾರ ಗಮನಕ್ಕೂ ಬರಲಿಲ್ಲ. ನಂತರ ಸಿಬ್ಬಂದಿಯೊಬ್ಬರು ಮಾಹಿತಿ ನೀಡಿ ಕಾಯುವಂತೆ ರೋಗಿಗಳಿಗೆ ಸೂಚಿಸಿದರು.</p>.<p>ಆಸ್ಪತ್ರೆಯ ಒಟ್ಟು 5 ಬಿಲ್ಲಿಂಗ್ ಕೌಂಟರ್ಗಳು ಹಾಗೂ 4 ಹೊರರೋಗಿಗಳ ಕೌಂಟರ್ನಲ್ಲಿದ್ದ 14 ನೌಕರರು ರೋಗಿಗಳಿಗೆ ಉತ್ತರಿಸುವಷ್ಟರಲ್ಲಿ ಹೈರಾಣಾದರು. ‘ಬಿಲ್ಲಿಂಗ್ ಮಾಡದೇ ಬೇರೆ ದಾರಿಯೇ ಇಲ್ಲ. ನೆಟ್ವರ್ಕ್ ಬರುವವರೆಗೂ ಕಾಯಲೇಬೇಕು’ ಎಂದು ರೋಗಿಗಳ ಮನವೊಲಿಸುವುದರಲ್ಲಿಯೇ ಮಗ್ನರಾಗಿದ್ದರು.</p>.<p>ಮಂಗಳವಾರ ಒಂದೇ ದಿನ 1,450 ಮಂದಿ ಹೊರರೋಗಿಗಳು ಆಸ್ಪತ್ರೆಗೆ ಭೇಟಿ ನೀಡಿದರೆ, 120 ಮಂದಿ ಒಳರೋಗಿಗಳಾಗಿ ದಾಖಲಾದರು. ಈ ಎಲ್ಲರಿಗೂ ಸಕಾಲಕ್ಕೆ ರಶೀದಿ ನೀಡಲು ಆಗದೇ ಸಿಬ್ಬಂದಿಯೂ ಅಸಹಾಯಕರಾಗಿದ್ದರು.</p>.<p class="Subhead"><strong>ಹೆಚ್ಚಾದ ತಾಂತ್ರಿಕ ಸಮಸ್ಯೆ</strong></p>.<p>’ಇತ್ತೀಚಿನ ದಿನಗಳಲ್ಲಿ ಈ ಬಗೆಯ ತಾಂತ್ರಿಕ ಸಮಸ್ಯೆ ಹೆಚ್ಚಾಗಿದೆ’ ಎಂದು ಬಿಲ್ಲಿಂಗ್ ಕೌಂಟರ್ನ ಹೆಸರು ಬಹಿರಂಗಪಡಿಸಲು ಬಯಸದ ನೌಕರರೊಬ್ಬರು ಆಕ್ಷೇಪ ವ್ಯಕ್ತಪಡಿಸಿದರು.</p>.<p>‘ಸಾಮಾನ್ಯವಾಗಿ ಸೋಮವಾರ ಮತ್ತು ಮಂಗಳವಾರವೇ ಇಂಥ ಸಮಸ್ಯೆ ಕಾಣಿಸಿಕೊಳ್ಳುತ್ತಿದೆ. ಆದರೆ, 2 ಗಂಟೆಗಳಷ್ಟು ದೀರ್ಘ ಕಾಲ ಸಮಸ್ಯೆ ಏರ್ಪಟ್ಟಿದ್ದು ಇದೇ ಮೊದಲು. ಬೇರೆ ದಿನಗಳಲ್ಲಿ ಹೆಚ್ಚೆಂದರೆ 30 ನಿಮಿಷಗಳಷ್ಟು ಮಾತ್ರ ಸಮಸ್ಯೆ ಕಾಣಿಸಿಕೊಳ್ಳುತ್ತಿತ್ತು. ನಂತರ ಕೆಲಸ ಸರಾಗವಾಗಿ ಮುಂದುವರಿಯುತ್ತಿತ್ತು’ ಎಂದು ಪ್ರತಿಕ್ರಿಯಿಸಿದರು.</p>.<p>ಈ ಕುರಿತು ‘ಪ್ರಜಾವಾಣಿ’ ಕೆ.ಆರ್.ಆಸ್ಪತ್ರೆಯ ಸ್ಥಾನಿಕ ವೈದ್ಯಾಧಿಕಾರಿ ಡಾ.ರಾಜೇಶ್ ಅವರನ್ನು ಸಂಪರ್ಕಿಸಿದಾಗ ಅವರು, ‘ಇದು ಕೆ.ಆರ್.ಆಸ್ಪತ್ರೆಗಷ್ಟೇ ಸೀಮಿತವಾದ ಸಮಸ್ಯೆ ಅಲ್ಲ. ಇಡೀ ದೇಶದ ಎಲ್ಲ ಸರ್ಕಾರಿ ಆಸ್ಪತ್ರೆಗಳಲ್ಲೂ ಏಕಕಾಲಕ್ಕೆ ಸರ್ವರ್ನಲ್ಲಿ ದೋಷ ಕಾಣಿಸಿಕೊಳ್ಳುತ್ತದೆ. ನಾವೇನೂ ಮಾಡಲು ಆಗದು’ ಎಂದು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
