‘ಸೆಮಿಕಾನ್ ತಯಾರಿಕೆಯಲ್ಲಿ ಪ್ರಗತಿ’
ಕಾರ್ಯಕ್ರಮದಲ್ಲಿ ಮಾತನಾಡಿದ ಮಾಹಿತಿ ತಂತ್ರಜ್ಞಾನ ಇಲಾಖೆ ಕಾರ್ಯದರ್ಶಿ ಏಕರೂಪ್‌ ಕೌರ್ ‘ಮೈಸೂರು– ಬೆಂಗಳೂರನ್ನು ಸೆಮಿಕಾನ್ ಹಬ್ ಆಗಿ ಮಾಡುವಲ್ಲಿ ಜಾಗತಿಕ ಹಾಗೂ ಸ್ಥಳೀಯ ಕಂಪನಿಗಳು ಕೈಜೋಡಿಸಿರುವುದು ಉತ್ತಮ ಬೆಳವಣಿಗೆ. ಮೈಸೂರು ಸೆಮಿಕಾನ್ ತಯಾರಿಕೆ ಕ್ಷೇತ್ರದಲ್ಲಿ ಹಾಗೂ ಬೆಂಗಳೂರು ಸೆಮಿಕಾನ್ ವಿನ್ಯಾಸ ಕ್ಷೇತ್ರದಲ್ಲಿ ಜಾಗತಿಕ ಮಟ್ಟದಲ್ಲಿ ಬೆಳೆಯಲಿವೆ’ ಎಂದು ಆಶಿಸಿದರು. ‘ಈಚೆಗೆ ನಡೆದ ಏಲಿವೆಟ್ ಕಾರ್ಯಕ್ರಮವು 923 ಸ್ಟಾರ್ಟಪ್‌ಗಳಿಗೆ ₹223 ಕೋಟಿ ಬಂಡವಾಳ ಹರಿದುಬರಲು ಸಹಾಯ ಮಾಡಿದೆ. ಇದರಲ್ಲಿ 40 ಸ್ಟಾರ್ಟಪ್‌ಗಳು ಮೈಸೂರಿನವಾಗಿವೆ’ ಎಂದು ತಿಳಿಸಿದರು.
