ಮೈಸೂರು: ಗೂಗಲ್‌ನಿಂದ ₹5.17 ಕೋಟಿ ಬಹುಮಾನ ಬಂದಿದೆ ಎಂದು ನಗರದ ಬೋಗಾದಿ ನಿವಾಸಿ ಪ್ರೊ.ಜಿ.ಗೀತಾ ನಾಯರ್‌ ಅವರನ್ನು ನಂಬಿಸಿದ ಅಪರಿಚಿತ ವ್ಯಕ್ತಿ ₹65 ಲಕ್ಷ ವಂಚಿಸಿದ್ದಾನೆ.
ಕೆಲ ದಿನಗಳ ಹಿಂದೆ ಅವರ ಮೊಬೈಲ್‌ಗೆ ಅಪರಿಚಿತ ವ್ಯಕ್ತಿಯೊಬ್ಬ ಕರೆ ಮಾಡಿ ‘ನಿಮಗೆ ಗೂಗಲ್‌ನಿಂದ 5,16,98,663 ಬಹುಮಾನ ಬಂದಿದೆ. ಆ ಹಣ ಪಡೆಯಲು ₹65,72,376 ಶುಲ್ಕ ಪಾವತಿಸಬೇಕು’ ಎಂದಿದ್ದರು. ಅವರ ನಯವಾದ ಮಾತನ್ನು ನಂಬಿ ಗೀತಾ ಹಣ ಪಾವತಿಸಿದ್ದರು. ನಂತರ ವ್ಯಕ್ತಿಯಿಂದ ಯಾವುದೇ ಪ್ರತ್ಯುತ್ತರ ದೊರಕಿಲ್ಲ. ಸೆನ್‌ ಠಾಣೆಗೆ ದೂರು ನೀಡಿದ್ದು, ಪ್ರಕರಣ ದಾಖಲಾಗಿದೆ.
