<p><strong>ಮೈಸೂರು</strong>: ರಾಜ್ಯ ಸರ್ಕಾರದ ಗ್ಯಾರಂಟಿ ಯೋಜನೆಗಳಲ್ಲಿ ಒಂದಾದ ‘ಶಕ್ತಿ’ ಜಾರಿಗೊಂಡಾಗಿನಿಂದ ಜಿಲ್ಲೆಯ ವಿವಿಧ ಸಾರಿಗೆ ಘಟಕಗಳ ವ್ಯಾಪ್ತಿಯಲ್ಲಿ ಬರೋಬ್ಬರಿ 31.04 ಕೋಟಿ ಮಹಿಳಾ ಪ್ರಯಾಣಿಕರು ಸಂಚರಿಸಿದ್ದು, ಕೆಎಸ್ಆರ್ಟಿಸಿಗೆ ₹776 ಕೋಟಿ ಆದಾಯ ಲಭಿಸಿದೆ.</p>.<p>ಜಿಲ್ಲೆಯಲ್ಲಿ ಒಟ್ಟು 10 ಘಟಕಗಳು ಕಾರ್ಯ ನಿರ್ವಹಿಸುತ್ತಿದ್ದು, ಕಳೆದ ಎರಡು ವರ್ಷದ ಅವಧಿಯಲ್ಲಿ ಒಟ್ಟಾರೆ 46.67 ಕೋಟಿ ಪ್ರಯಾಣಿಕರು ಸಂಚಾರ ಕೈಗೊಂಡಿದ್ದಾರೆ. ಇವರಲ್ಲಿ ಶೇ 66.5 ಮಂದಿ ಶಕ್ತಿ ಯೋಜನೆಯ ಉಚಿತ ಸಂಚಾರದ ಲಾಭ ಪಡೆದಿದ್ದಾರೆ.</p>.<p>ಯಾವ ವರ್ಷ ಎಷ್ಟು?: 2023–24ನೇ ಸಾಲಿನಲ್ಲಿ ಜಿಲ್ಲೆಯ 10 ಘಟಕಗಳಿಂದ ಒಟ್ಟು 18.39 ಕೋಟಿ ಮಂದಿ ಪ್ರಯಾಣ ಕೈಗೊಂಡಿದ್ದು, ಇವರಲ್ಲಿ 10.81 ಕೋಟಿ ಶಕ್ತಿ ಯೋಜನೆಯ ಲಾಭ ಪಡೆದಿದ್ದಾರೆ. ಇದರಿಂದ ₹246.77 ಕೋಟಿ ಆದಾಯವು ಸಾರಿಗೆ ಸಂಸ್ಥೆಗೆ ಲಭಿಸಿದೆ.</p>.<p>2024–25ನೇ ಸಾಲಿನಲ್ಲಿ 22.58 ಕೋಟಿ ಪ್ರಯಾಣಿಕರು ಸಂಚರಿಸಿದ್ದು, ಇವರಲ್ಲಿ 15.99 ಕೋಟಿ ಮಹಿಳಾ ಪ್ರಯಾಣಿಕರು. ಇದರಿಂದ ₹404.77 ಕೋಟಿ ಆದಾಯ ಬಂದಿದೆ. ಈ ಸಾಲಿನಲ್ಲಿ ಜೂನ್ ಅಂತ್ಯಕ್ಕೆ 5.70 ಕೋಟಿ ಪ್ರಯಾಣ ಕೈಗೊಂಡಿದ್ದು, ಇವರಲ್ಲಿ 4.24 ಕೋಟಿ ಮಹಿಳೆಯರು. ಇದರಿಂದ ಸಂಸ್ಥೆಯು ₹123.94 ಕೋಟಿ ಆದಾಯ ಗಳಿಸಿದೆ.</p>.<p>ಎಲ್ಲಿ ಹೆಚ್ಚು?: ಮೈಸೂರು ನಗರ ವಿಭಾಗದ 4 ಘಟಕಗಳು ಅತಿ ಹೆಚ್ಚು ಪ್ರಯಾಣಿಕರನ್ನು ಕಂಡಿದ್ದು, ಉತ್ತಮ ಆದಾಯವನ್ನೂ ಗಳಿಸಿವೆ. ಕುವೆಂಪುನಗರ, ಸಾತಗಳ್ಳಿ, ವಿಜಯನಗರ ಘಟಕಗಳಲ್ಲಿ ಪ್ರಯಾಣಿಕರ ಸಂಖ್ಯೆ ಹೆಚ್ಚಿದೆ. ಮೈಸೂರು ಗ್ರಾಮಾಂತರ, ಪಿರಿಯಾಪಟ್ಟಣ, ಎಚ್.ಡಿ. ಕೋಟೆ ಘಟಕಗಳು ಉಳಿದವಕ್ಕೆ ಹೋಲಿಸಿದರೆ ಕಡಿಮೆ ಆದಾಯ ಪಡೆದಿವೆ.</p>.<p>ಸದ್ಯ ಮೈಸೂರು ಜಿಲ್ಲೆಯಲ್ಲಿ ನಿತ್ಯ 1,308 ಬಸ್ಗಳು ಸಂಚಾರ ಕೈಗೊಂಡಿದ್ದು, 3748 ಸಿಬ್ಬಂದಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ನಿತ್ಯ ಸರಾಸರಿ 6.24 ಲಕ್ಷ ಮಂದಿ ಪ್ರಯಾಣಿಸುತ್ತಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು</strong>: ರಾಜ್ಯ ಸರ್ಕಾರದ ಗ್ಯಾರಂಟಿ ಯೋಜನೆಗಳಲ್ಲಿ ಒಂದಾದ ‘ಶಕ್ತಿ’ ಜಾರಿಗೊಂಡಾಗಿನಿಂದ ಜಿಲ್ಲೆಯ ವಿವಿಧ ಸಾರಿಗೆ ಘಟಕಗಳ ವ್ಯಾಪ್ತಿಯಲ್ಲಿ ಬರೋಬ್ಬರಿ 31.04 ಕೋಟಿ ಮಹಿಳಾ ಪ್ರಯಾಣಿಕರು ಸಂಚರಿಸಿದ್ದು, ಕೆಎಸ್ಆರ್ಟಿಸಿಗೆ ₹776 ಕೋಟಿ ಆದಾಯ ಲಭಿಸಿದೆ.</p>.<p>ಜಿಲ್ಲೆಯಲ್ಲಿ ಒಟ್ಟು 10 ಘಟಕಗಳು ಕಾರ್ಯ ನಿರ್ವಹಿಸುತ್ತಿದ್ದು, ಕಳೆದ ಎರಡು ವರ್ಷದ ಅವಧಿಯಲ್ಲಿ ಒಟ್ಟಾರೆ 46.67 ಕೋಟಿ ಪ್ರಯಾಣಿಕರು ಸಂಚಾರ ಕೈಗೊಂಡಿದ್ದಾರೆ. ಇವರಲ್ಲಿ ಶೇ 66.5 ಮಂದಿ ಶಕ್ತಿ ಯೋಜನೆಯ ಉಚಿತ ಸಂಚಾರದ ಲಾಭ ಪಡೆದಿದ್ದಾರೆ.</p>.<p>ಯಾವ ವರ್ಷ ಎಷ್ಟು?: 2023–24ನೇ ಸಾಲಿನಲ್ಲಿ ಜಿಲ್ಲೆಯ 10 ಘಟಕಗಳಿಂದ ಒಟ್ಟು 18.39 ಕೋಟಿ ಮಂದಿ ಪ್ರಯಾಣ ಕೈಗೊಂಡಿದ್ದು, ಇವರಲ್ಲಿ 10.81 ಕೋಟಿ ಶಕ್ತಿ ಯೋಜನೆಯ ಲಾಭ ಪಡೆದಿದ್ದಾರೆ. ಇದರಿಂದ ₹246.77 ಕೋಟಿ ಆದಾಯವು ಸಾರಿಗೆ ಸಂಸ್ಥೆಗೆ ಲಭಿಸಿದೆ.</p>.<p>2024–25ನೇ ಸಾಲಿನಲ್ಲಿ 22.58 ಕೋಟಿ ಪ್ರಯಾಣಿಕರು ಸಂಚರಿಸಿದ್ದು, ಇವರಲ್ಲಿ 15.99 ಕೋಟಿ ಮಹಿಳಾ ಪ್ರಯಾಣಿಕರು. ಇದರಿಂದ ₹404.77 ಕೋಟಿ ಆದಾಯ ಬಂದಿದೆ. ಈ ಸಾಲಿನಲ್ಲಿ ಜೂನ್ ಅಂತ್ಯಕ್ಕೆ 5.70 ಕೋಟಿ ಪ್ರಯಾಣ ಕೈಗೊಂಡಿದ್ದು, ಇವರಲ್ಲಿ 4.24 ಕೋಟಿ ಮಹಿಳೆಯರು. ಇದರಿಂದ ಸಂಸ್ಥೆಯು ₹123.94 ಕೋಟಿ ಆದಾಯ ಗಳಿಸಿದೆ.</p>.<p>ಎಲ್ಲಿ ಹೆಚ್ಚು?: ಮೈಸೂರು ನಗರ ವಿಭಾಗದ 4 ಘಟಕಗಳು ಅತಿ ಹೆಚ್ಚು ಪ್ರಯಾಣಿಕರನ್ನು ಕಂಡಿದ್ದು, ಉತ್ತಮ ಆದಾಯವನ್ನೂ ಗಳಿಸಿವೆ. ಕುವೆಂಪುನಗರ, ಸಾತಗಳ್ಳಿ, ವಿಜಯನಗರ ಘಟಕಗಳಲ್ಲಿ ಪ್ರಯಾಣಿಕರ ಸಂಖ್ಯೆ ಹೆಚ್ಚಿದೆ. ಮೈಸೂರು ಗ್ರಾಮಾಂತರ, ಪಿರಿಯಾಪಟ್ಟಣ, ಎಚ್.ಡಿ. ಕೋಟೆ ಘಟಕಗಳು ಉಳಿದವಕ್ಕೆ ಹೋಲಿಸಿದರೆ ಕಡಿಮೆ ಆದಾಯ ಪಡೆದಿವೆ.</p>.<p>ಸದ್ಯ ಮೈಸೂರು ಜಿಲ್ಲೆಯಲ್ಲಿ ನಿತ್ಯ 1,308 ಬಸ್ಗಳು ಸಂಚಾರ ಕೈಗೊಂಡಿದ್ದು, 3748 ಸಿಬ್ಬಂದಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ನಿತ್ಯ ಸರಾಸರಿ 6.24 ಲಕ್ಷ ಮಂದಿ ಪ್ರಯಾಣಿಸುತ್ತಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
