ಡಬ್ಲ್ಯುಸಿಎಫ್ನ ರಾಜ್ಕುಮಾರ್ ಡಿ. ಮಾತನಾಡಿ, ‘ಗುಬ್ಬಿಗಳು ಮೊದಲಿನಿಂದಲೂ ಮನುಷ್ಯರ ಒಡನಾಡಿಯಾಗಿವೆ. ಮನೆಗಳು, ಜನವಸತಿ ಪ್ರದೇಶಗಳ ಸುತ್ತಮುತ್ತಲೂ ಹಾರಾಡಿಕೊಂಡು ನಮ್ಮ ಜೊತೆಯೇ ಇರುವ ಪಕ್ಷಿಗಳಾಗಿವೆ. ಹಳೆಯ ಮನೆಗಳು, ಮಂದಿರಗಳು, ಕಟ್ಟಡಗಳ ಬಿರುಕುಗಳಲ್ಲಿ ಗೂಡು ನಿರ್ಮಿಸುತ್ತಿದ್ದವು. ಮನೆಗಳಲ್ಲಿ ರಾಗಿ, ಜೋಳ, ನವಣೆ ಮುಂತಾದವುಗಳನ್ನು ಕೇರುತ್ತಿದ್ದಾಗ ಅಲ್ಲಿ ಉಳಿಯುವ, ಬೀಳುವ ಕಾಳುಗಳನ್ನು ತಿನ್ನುತ್ತಿದ್ದವು. ಒಕ್ಕಣೆ ಮಾಡುವಾಗ ಉಳಿಯುವ ಕಾಳುಗಳನ್ನು ಹೆಕ್ಕುತ್ತಿದ್ದವು. ಈಗ ಇದಕ್ಕೆ ಅವಕಾಶ ಇಲ್ಲದಾಗಿದೆ’ ಎಂದರು.