ತಿ.ನರಸೀಪುರ | ಆಟೊ ಮಗುಚಿ ಶಾಲಾ ಮಕ್ಕಳಿಗೆ ಗಾಯ

ತಾಲ್ಲೂಕಿನ ಕರೋಹಟ್ಟಿ, ಕೇತಹಳ್ಳಿ ಗ್ರಾಮಗಳಿಂದ ಶಾಲೆಗಳಿಗೆ ದಿನವೂ ಮಕ್ಕಳು ಆಟೊದಲ್ಲಿ ಬರುತ್ತಾರೆ. ಇಂದು ಕೂಡ ಶಾಲೆಗೆ ಬರುವ ವೇಳೆ ಅವಘಡವಾಗಿದ್ದು, ಅದರಲ್ಲಿದ್ದ ಕೇತಹಳ್ಳಿ ಗ್ರಾಮದ ರಾಘವೇಂದ್ರ, ಹೇಮಾವತಿ ಸೇರಿದಂತೆ 9 ವಿದ್ಯಾರ್ಥಿಗಳು ಗಾಯಗೊಂಡಿದ್ದಾರೆ.

ತಕ್ಷಣವೇ ಮಕ್ಕಳನ್ನು ಸಾರ್ವಜನಿಕ ಆಸ್ಪತ್ರೆಗೆ ಕರೆ ತಂದು ಚಿಕಿತ್ಸೆಗೆ ದಾಖಲು ಮಾಡಲಾಗಿದೆ. ಘಟನೆಯ ಸಂಬಂಧ ಆಟೊ ಚಾಲಕನ‌ ವಿರುದ್ಧ ಕ್ರಮಕ್ಕೆ ಪಟ್ಟಣದ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.