ಕನಕಪುರ: ಪಟ್ಟಣದ ಮೇಗಳಬೀದಿಯಲ್ಲಿ 90 ವರ್ಷದ ವೃದ್ಧ ಕೋವಿಡ್ಗೆ ಬಲಿಯಾಗಿದ್ದಾರೆ. ತಾಲ್ಲೂಕಿನಲ್ಲಿ 4 ಮಂದಿ ಕೊರೊನಾ ಸೋಂಕಿತರಿದ್ದು, ಇವರಲ್ಲಿ ಸೋಂಕಿನಿಂದ ಮೃತಪಟ್ಟ ಮೊದಲ ಪ್ರಕರಣ ಇದಾಗಿದೆ.
ಬಾಣಂತಮಾರಮ್ಮ ಬಡಾವಣೆ ಹತ್ತಿರದ ಪುಟ್ಟಶೆಟ್ಟಿ ಬೀದಿ ಮತ್ತು ಸಿಂಗ್ರಿಶೆಟ್ಟಿ ಬೀದಿಯನ್ನು 28 ದಿನಗಳ ಕಾಲ ಸೀಲ್ಡೌನ್ ಮಾಡಲಾಗಿದೆ.ಸೀಲ್ಡೌನ್ ಪ್ರದೇಶದಲ್ಲಿ 61 ಮನೆಗಳಿದ್ದು 220 ಮಂದಿ ಇದ್ದಾರೆ.ಇಷ್ಟು ಕುಟುಂಬಗಳಿಗೆ ನಗರಸಭೆ ವತಿಯಿಂದ ಅಗತ್ಯ ವಸ್ತುಗಳ ಪೂರೈಕೆಗೆ ಕ್ರಮ ಕೈಗೊಳ್ಳಲಾಗಿದೆ.