ಮಾಗಡಿ: ಇತಿಹಾಸ ಪುಟ ಸೇರಿದ ‘ನಿರ್ಮಲಾ’ ಚಿತ್ರಮಂದಿರ

ಕರೋನಾ ನಂತರ ಚಿತ್ರಮಂದಿರದ ಕಡೆ ಬರುವ ಪ್ರೇಕ್ಷಕರ ಸಂಖ್ಯೆ ಕಡಿಮೆಯಾಯಿತು. ಒಟಿಟಿ ಬಂದ ಮೇಲೆ ಮನೆಯಲ್ಲೇ ಹೊಸ ಚಿತ್ರಗಳನ್ನು ನೋಡಲು ಆರಂಭಿಸಿದರು. ಪ್ರೇಕ್ಷಕರ ಕೊರತೆಯಿಂದ ಸಿಂಗಲ್ ಸ್ಕ್ರೀನ್ ಚಿತ್ರಮಂದಿರಗಳು ಮುಚ್ಚುವ ಸ್ಥಿತಿಗೆ ಬಂದಿವೆ. ಬಹಳ ನೋವಿನಿಂದ ನಿರ್ಮಲಾ ಚಿತ್ರಮಂದಿರ ಮುಚ್ಚಲಾಗುತ್ತಿದೆ.

ಅಂದಿನ ಬೆಂಗಳೂರು ಜಿಲ್ಲೆಗೆ ಮೊದಲ ಟಾಕೀಜ್‌ ಮನರಂಜನೆಗೆ ಹೆಸರು ವಾಸಿಯಾಗಿದ್ದ ನಿರ್ಮಲಾ ಚಿತ್ರಮಂದಿರ ಈಗ ಇತಿಹಾಸ ಪುಟ ಸೇರುತ್ತಿರುವುದು ನೋವಿನ ಸಂಗತಿ. ಚಿತ್ರ ಪ್ರದರ್ಶನದ ಜೊತೆಗೆ ಸರ್ಕಾರಿ ಕಾರ್ಯಕ್ರಮಗಳಿಗೆ ಆರೋಗ್ಯ ಶಿಬಿರಗಳಿಗೆ ಚಿತ್ರಮಂದಿರವನ್ನು ಬಳಸಿಕೊಳ್ಳಲಾಗುತ್ತಿತ್ತು. ಈಗ ಪ್ರೇಕ್ಷಕರ ಕೊರತೆಯಿಂದ ಕಡೆ ಆಟ ಮುಗಿಸುತ್ತಿರುವುದು ಬೇಸರ ತಂದಿದೆ.