ಇದರಿಂದ ಉತ್ತೇಜಿತರಾದ ಗೃಹಿಣಿ ಹೆಚ್ಚು ಕಮಿಷನ್ ಆಸೆಯಿಂದ ಅರುಣ್ ಹೇಳಿದಂತೆ, ಬೇರೆ ಬೇರೆ ಬ್ಯಾಂಕ್ ಖಾತೆಗಳಿಗೆ 40 ದಿನಗಳ ಅವಧಿಯಲ್ಲಿ ₹15.45 ಲಕ್ಷ ಪಾವತಿಸಿದ್ದರು. ವಂಚಕರು ಕಮಿಷನ್ ಇರಲಿ, ರೇಟಿಂಗ್ಗಾಗಿ ಗೃಹಿಣಿಯಿಂದ ಪಾವತಿಸಿಕೊಂಡಿದ್ದ ಹಣವನ್ನು ಸಹ ಹಿಂದಿರುಗಿಸಲಿಲ್ಲ. ಸಂಪರ್ಕಕ್ಕೂ ಸಿಗಲಿಲ್ಲ. ತಾನು ವಂಚನೆಗೊಳಗಾಗಿರುವುದನ್ನು ಅರಿತ ಗೃಹಿಣಿ ಠಾಣೆಗೆ ಬಂದು ದೂರು ಕೊಟ್ಟಿದ್ದಾರೆ. ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಲಾಗುತ್ತಿದೆ ಎಂದು ಪೊಲೀಸರು ಹೇಳಿದರು.