ಶಾಸನ ವಿಧಿಸಿಕೊಂಡ ಕಾವ್ಯಕ್ಕಿಲ್ಲ ಉಳಿಗಾಲ: ಎಸ್.ಜಿ. ಸಿದ್ಧರಾಮಯ್ಯ

ಅನುಕರಣೆಯ ಕಾವ್ಯಕ್ಕೆ ಆಯಸ್ಸು ಕಮ್ಮಿ. ಅದು ಮೇರು ಕವಿಗಳದ್ದೇ ಆಗಿದ್ದರೂ ಕೆಲವೇ ಕವಿತೆಗಳಿಗೆ ಸೀಮಿತವಾಗಿ ಬರವಣಿಗೆಯೇ ನಿಂತು ಹೋಗುತ್ತದೆ. ತನ್ನೊಳಗೆ ಅಂತರ್ಗತವಾಗಿರುವ ಶೈಲಿಯಲ್ಲಿ ಬರೆಯಬಲ್ಲವನು ಮಾತ್ರ ಕಾವ್ಯ ಜಗತ್ತಿನಲ್ಲಿ ಗಟ್ಟಿಯಾಗಿ ನಿಲ್ಲಬಲ್ಲ

ನಾನು ಹೆಚ್ಚು ಓದಿಕೊಂಡವನಲ್ಲ. ಯಾವುದೋ ಘಳಿಗೆಯಲ್ಲಿ ಉಂಟಾಗುವ ನನ್ನೊಳಗಿನ ತುಮುಲಗಳಿಗೆ ಪದಗಳ ಮಾಲೆ ಕಟ್ಟುತ್ತೇನೆ. ಅದು ಕಾವ್ಯವೆಂದು ಪರಿಗಣಿತವಾಗಿ ಈ ಬಗೆಯ ವಿಶ್ಲೇಷಣೆ ಮೆಚ್ಚುಗೆಗೆ ಒಳಗಾಗುತ್ತದೆ ಎಂಬ ಯಾವ ಕಲ್ಪನೆಯೂ ಇರುವುದಿಲ್ಲ