ಭದ್ರಾವತಿ: ಬಿಸಿಲಿನ ಬಿಸಿ.. ಮೇಲೆ ತಂಪು ಪಾನೀಯ ದರ ಏರಿಕೆ ಬಿಸಿ!

ಮಳೆ ಇಲ್ಲದೆ ಬೆಳೆ ಕುಂಠಿತವಾಗಿದೆ. ಅಣಬೆ ಬೇರು ಮತ್ತು ಕಾಂಡದ ಮೇಲೆ ರಸ ಸೋರುವ ರೋಗಗಳು ತೆಂಗಿನ ಬೆಳೆಯನ್ನು ಬಾಧಿಸುತ್ತಿದೆ. ನಗರದ ಸುತ್ತಮುತ್ತಲ ಪ್ರದೇಶದಲ್ಲಿ ಎಳನೀರಿನ ಬೆಳೆ ಕಡಿಮೆಯಾಗಿದ್ದು ಗಾತ್ರದಲ್ಲಿಯೂ ರುಚಿಯಲ್ಲಿಯೂ ವ್ಯತ್ಯಾಸ ಕಂಡುಬರುತ್ತಿದೆ. ಆದ್ದರಿಂದ ದೂರದ ತಮಿಳುನಾಡು ಕೇರಳ ಚಿತ್ರದುರ್ಗ ಜಿಲ್ಲೆಯ ಚಳ್ಳಕೆರೆ ಹೊಸದುರ್ಗ ಇನ್ನಿತರ ಪ್ರದೇಶಗಳಿಂದ ಎಳನೀರು ತರಿಸಲಾಗುತ್ತಿದೆ. ಸರಕು ಸಾಗಣೆ ವೆಚ್ಚ ಗ್ರಾಹಕರ ಮೇಲೆ ಹಾಕಲಾಗುತ್ತಿದೆ. ‘ರೈತರಿಂದ ಒಂದು ಎಳನೀರಿಗೆ ₹ 25ಕ್ಕೆ ಖರೀದಿಸಲಾಗುತ್ತಿದ್ದು ಖರ್ಚು ವೆಚ್ಚಗಳನ್ನು ನೋಡಿ ವ್ಯಾಪಾರಕ್ಕೆ ₹ 50ರಿಂದ ₹ 60 ದರ ನಿಗಿಪಡಿಸಲಾಗುತ್ತಿದೆ. ಬೆಲೆ ಏರಿಕೆಯಾದರೂ ಎಳನೀರು ಕುಡಿಯುವ ಗ್ರಾಹಕರ ಸಂಖ್ಯೆ ಮಾತ್ರ ಕಡಿಮೆಯಾಗುತ್ತಿಲ್ಲ’ ಎಂದು ಎಳನೀರು ವ್ಯಾಪಾರಿ ಸುಬ್ರಮಣಿ ತಿಳಿಸಿದರು.

ಬಿಸಿಲಿನಲ್ಲಿ ಹೆಚ್ಚಾಗಿ ತಿರುಗಾಡಬೇಡಿ. ಮನೆಯಿಂದ ಹೊರ ಬಂದರೆ ಕೊಡೆ ಹಿಡಿದು ಸಾಗಿ. ಟೋಪಿ ಧರಿಸಿ. ಕಾಟನ್‌ ಬಟ್ಟೆ ಧರಿಸಿ. ಆದಷ್ಟು ಬಿಸಿಲಿನ ತಾಪ ಕಡಿಮೆಯಾದ ಮೇಲೆ ಹೊರಬನ್ನಿ. ಹೆಚ್ಚಾಗಿ ನೀರನ್ನು ಕುಡಿಯಿರಿ. ಬಿಸಿಲಿನಿಂದ ಬಂದೊಡನೆ ಆಗಾಗ ತಣ್ಣೀರಿನಲ್ಲಿ ಮುಖ ತೊಳೆದುಕೊಳ್ಳಿ ಇದರಿಂದ ಬಿಸಿಲಿನ ತಾಪದಿಂದ ಉಂಟಾಗುವ ಚರ್ಮರೋಗದಿಂದ ದೂರವಿರಬಹುದು. ಎಂ.ಅಶೋಕ್ ತಾಲ್ಲೂಕು ವೈದ್ಯಾಧಿಕಾರಿ