ಶಿವಮೊಗ್ಗ: ‘ಸಚಿವ ಈಶ್ವರಪ್ಪ ಅವರು ಲಕ್‌ನಿಂದಾಗಿ ಅಷ್ಟು ಎತ್ತರಕ್ಕೆ ಬೆಳೆದಿದ್ದಾರೆ ವಿನಾ ಯಾವ ಹೋರಾಟ, ಜನ ಬೆಂಬಲದಿಂದ ಬೆಳೆಯಲಿಲ್ಲ ಎಂದು ಬೇಳೂರು ಗೋಪಾಲಕೃಷ್ಣ ಕುಟುಕಿದರು. ನಗರದಲ್ಲಿ ಅವರು ಸೋಮವಾರ ಸುದ್ದಿಗಾರರ ಜತೆ ಮಾತನಾಡಿದರು.
ಭಾರಿ ಹುಮ್ಮಸ್ಸಿನಿಂದ ಕಟ್ಟಿದ ರಾಯಣ್ಣ ಬ್ರಿಗೇಡ್ ಗತಿ ಏನಾಗಿದೆ? ಈಗ ಕುರುಬ ಸಮಾಜವನ್ನು ಪರಿಶಿಷ್ಟ ಪಂಗಡಕ್ಕೆ ಸೇರಿಸುವ ಹೋರಾಟದ ನೇತೃತ್ವ ವಹಿಸಿಕೊಂಡಿದ್ದಾರೆ. ಮುಖ್ಯಮಂತ್ರಿ ಸ್ಥಾನ ಹೆಚ್ಚುಕಮ್ಮಿಯಾದರೆ ಸಹಾಯಕ್ಕೆ ಇರಲಿ ಎನ್ನುವುದು ಅವರ ಉದ್ದೇಶ ಎಂದು ಛೇಡಿಸಿದರು.
‘ನಾನು ಅವರ ಅನುಯಾಯಿ. ವಿಧಾನಸಭಾ ಚುನಾವಣೆ ಸಮಯದಲ್ಲಿ ಸಾಗರ ವಿಧಾನಸಭಾ ಕ್ಷೇತ್ರದ ಟಿಕೆಟ್ ಬಗ್ಗೆ ವಿಚಾರಿಸಲು ಹೋಗಿದ್ದೆ. ಈಶ್ವರಪ್ಪ ಹಾಗೂ ಅವರ ಮಗನನ್ನು ಬಿಟ್ಟರೆ ರಾಜಕೀಯದಲ್ಲಿ ಬೇರೆಯವರಿಗೆ ಅನುಕೂಲ ಮಾಡಿಕೊಡುವ ಮನಸ್ಸು ಅವರಿಗೆ ಇಲ್ಲ ಎನ್ನುವುದು ಮನವರಿಕೆಯಾಯಿತು’ ಎಂದರು.
