ಅಲ್ಲೇ ಇದ್ದ ಪೊಲೀಸರ ಸಕಾಲಿಕ ನೆರವು ದೊರೆತ ಕಾರಣ ಮಹಿಳೆ ಕೂದಲೆಳೆಯ ಅಂತರದಲ್ಲಿ ಪಾರಾಗಿದ್ದಾರೆ. ಈ ಘಟನೆ ಮಂಗಳವಾರ ಬೆಳಿಗ್ಗೆ 7.5ರ ಸುಮಾರಿಗೆ ನಡೆದಿದೆ. ತಾಳಗುಪ್ಪ – ಬೆಂಗಳೂರು ಇಂಟರ್‌ಸಿಟಿ ಬೆಳಿಗ್ಗೆ 6.55ಕ್ಕೆ ಶಿವಮೊಗ್ಗ ರೈಲುನಿಲ್ದಾಣ ತಲುಪಿತ್ತು. 7.05ಕ್ಕೆ ರೈಲು ಬೆಂಗಳೂರಿನ ಕಡೆ ಹೊರಟಿತ್ತು. ಸಂಬಂಧಿಕರನ್ನು ಹತ್ತಿಸಲು ಬಂದಿದ್ದ ಮಹಿಳೆ ರೈಲು ಹೊರಡುತ್ತಿದ್ದಂತೆ ಗಾಬರಿಯಿಂದ ಇಳಿಯಲು ಮುಂದಾಗಿದ್ದಾರೆ. ಪ್ಲಾಟ್‌ಫಾರಂಗೆ ಕಾಲಿಡುತ್ತಿದ್ದಂತೆ ಉರುಳಿ ಬಿದ್ದಿದ್ದಾರೆ. ತಕ್ಷಣ ಅಲ್ಲೇ ಇದ್ದ ಪೊಲೀಸ್ ಅಣ್ಣಪ್ಪ, ಸಂತೋಷ್‌ ಕುಮಾರ್, ರೈಲ್ವೆ ಸುರಕ್ಷಾ ಪಡೆಯ ಜಗದೀಶ್ ಅವರನ್ನು ರಕ್ಷಿಸಿದ್ದಾರೆ.
