ಕೊರಟಗೆರೆ | ಬಸ್‌ ಕಾಣದ ಗಡಿ ಗ್ರಾಮಗಳು: ವಿದ್ಯಾರ್ಥಿಗಳ ಪರದಾಟ

ಈ ವರ್ಷ ಪಿಯು ಮುಗಿದಿದೆ. ಪದವಿಗೆ ಕೊರಟಗೆರೆ ಕಾಲೇಜಿಗೆ ಸೇರಬೇಕು. ಓಡಾಡಲು ಸೂಕ್ತ ವ್ಯವಸ್ಥೆ ಇಲ್ಲದ ಕಾರಣಕ್ಕೆ ಮನೆಯಲ್ಲಿ ಪೋಷಕರು ಉನ್ನತ ವ್ಯಾಸಂಗಕ್ಕೆ ಕಳಿಸಲು ಹಿಂದೇಟು ಹಾಕುತ್ತಿದ್ದಾರೆ.

ಕಾಲೇಜಿಗೆ ಹೋಗಬೇಕೆಂದರೆ ಆಟೊಗಳನ್ನೇ ಕಾಯಬೇಕು. ತರಗತಿಗೆ ಹೋಗಲೇಬೇಕು ಎಂದರೆ ಅವರು ಕೇಳಿದಷ್ಟು ಹಣ ಕೊಟ್ಟು ಹೋಗಲೇಬೇಕಾದ ಅನಿವಾರ್ಯತೆ ಇದೆ. ಶಾಲೆ ಕಾಲೇಜು ಸಮಯಕ್ಕೆ ಬಸ್ ಇದ್ದಿದ್ದರೆ ಉತ್ತಮ.

ದಿನ ದುಬಾರಿ ಹಣಕೊಟ್ಟು ಆಟೊಗಳಲ್ಲಿ ಓಡಾಡಲು ಆಗುವುದಿಲ್ಲ. ದ್ವಿಚಕ್ರ ವಾಹನದಲ್ಲಿನ ಓಡಾಟವೂ ಹೊರೆಯಾಗಲಿದೆ. ಹಾಗಾಗಿ ನಿತ್ಯ ಕಾಲೇಜಿಗೆ ಹೋಗಲು 10-15 ಕಿ.ಮೀ ಪ್ರಯಾಣಿಸಲೇಬೇಕು.

ನನಗೀಗ 65 ವರ್ಷ. ನಾವು ಚಿಕ್ಕವರಿದ್ದಾಗಿಂದಲೂ ಇಲ್ಲಿ ಸರಿಯಾಗಿ ಬಸ್ ವ್ಯವಸ್ಥೆಯಿಲ್ಲ. ಆ ಕಾರಣಕ್ಕೆ ನಮ್ಮ ಜೊತೆಯಲ್ಲಿ ಓದುತ್ತಿದ್ದ ಎಷ್ಟೊ ಜನ ಓದುವುದನ್ನೇ ಬಿಟ್ಟರು. ಈಗಲೂ ಆ ಪರಿಸ್ಥಿತಿ ಇಲ್ಲಿನ ಜನ ಹೊರತಾಗಿಲ್ಲ.