ಶನಿವಾರ, ಜುಲೈ 31, 2021
25 °C

21ಕ್ಕೆ ಸೂರ್ಯಗ್ರಹಣ ವೀಕ್ಷಣೆಗೆ ಅವಕಾಶ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ತುಮಕೂರು: ದಶಕದ ಕೊನೆಯ ಹಾಗೂ ಈ ವರ್ಷದ ಮೊದಲ ಸೂರ್ಯಗ್ರಹಣ ಜೂನ್ 21ರಂದು ಸಂಭವಿಸಲಿದೆ. ಅಂದು ತುಮಕೂರಿನಲ್ಲಿ ಪಾರ್ಶ್ವ ಸೂರ್ಯಗ್ರಹಣ ಬೆಳಿಗ್ಗೆ 10 ಗಂಟೆ 11 ನಿಮಿಷ 22 ಸೆಕೆಂಡ್‌ಗೆ ಆರಂಭವಾಗಿ ಮಧ್ಯಾಹ್ನ 1.31 ಗಂಟೆಗೆ ಅಂತ್ಯಗೊಳ್ಳಲಿದೆ.

ಬೆಳಿಗ್ಗೆ 11 ಗಂಟೆ 46 ನಿಮಿಷ 11 ಸೆಕೆಂಡ್‍ಗೆ ಶೇ 37.8ರಷ್ಟು ಸೂರ್ಯನನ್ನು ಚಂದ್ರನು ಮರೆಮಾಡುವ ಅದ್ಭುತವಾದ ಖಗೋಳ ವಿದ್ಯಮಾನವನ್ನು ವೀಕ್ಷಿಸ ಬಹುದು ಎಂದು ತುಮಕೂರು ವಿಜ್ಞಾನ ಕೇಂದ್ರದ ಕಾರ್ಯದರ್ಶಿ ಎಸ್.ರವಿಶಂಕರ್ ತಿಳಿಸಿದ್ದಾರೆ.

ಅಂದು ವಿಜ್ಞಾನ ಕೇಂದ್ರದ ಆವರಣದಲ್ಲಿ ಕೋವಿಡ್–19 ಶಿಸ್ತನ್ನು ಅನುಸರಿಸಿ ಟೆಲಿಸ್ಕೋಪ್, ಸೂಜಿರಂಧ್ರ ಬಿಂಬಗ್ರಾಹಿ ಹಾಗೂ ಸೋಲಾರ್ ಫಿಲ್ಟರ್ ಮೂಲಕ ಗ್ರಹಣ ವೀಕ್ಷಿಸಲು ವ್ಯವಸ್ಥೆ ಮಾಡಲಾಗಿದೆ.

ಸೂರ್ಯಗ್ರಹಣದ ಹಿನ್ನೆಲೆಯಲ್ಲಿ ವಿಜ್ಞಾನ ಕೇಂದ್ರವು ಸುರಕ್ಷಿತ ಗ್ರಹಣ ವೀಕ್ಷಣೆಗೆ ಸೋಲಾರ್ ಫಿಲ್ಟರ್ ಮಾರಾಟ ಮಾಡಲಿದೆ. ನಾಗರಿಕರು ಮನೆ ಅಂಗಳದಲ್ಲೇ ಖಗೋಳ ವಿದ್ಯಮಾನ ವನ್ನು ಯಾವುದೇ ಭಯವಿಲ್ಲದೆ ನೋಡಬಹುದು. ಸೋಲಾರ್ ಫಿಲ್ಟರ್‌ಗಳನ್ನು 10.30ರಿಂದ ಮಧ್ಯಾಹ್ನ 1ರ ವರೆಗೆ ಹಾಗೂ ಸಂಜೆ 4 ರಿಂದ 7ರ ವರೆಗೆ ಮಾರಾಟ ಮಾಡಲಾಗುವುದು. ಆಸಕ್ತರು ಮೊ 9663479416, 9449150242 ಸಂಪರ್ಕಿಸಬಹುದು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು