ತಿಪಟೂರು: ಕಡತದಲ್ಲಿ ನಗರಸಭೆ, ನಾಮಫಲಕದಲ್ಲಿ ಪುರಸಭೆ

ನಾಮಫಲಕ ಅಳವಡಿಸಲು ನಗರಸಭೆಗೆ ಹಲವು ಬಾರಿ ಮನವಿ ಮಾಡಿದ್ದರೂ ಯಾವುದೇ ಪ್ರಯೋಜನವಾಗಿಲ್ಲ. ಕೋಟಿ ರೂಪಾಯಿ ಬಜೆಟ್ ಮಂಡನೆ ಮಾಡುವ ನಗರಸಭೆ ಹಾಗೂ ಜಿಲ್ಲೆಯಾಗುವ ಅರ್ಹತೆಯಿದ್ದರೂ ಅದಕ್ಕೆ ತಕ್ಕಂತೆ ಅಭಿವೃದ್ಧಿಯಾಗಿಲ್ಲ.

ಈಗಾಗಲೇ ಮೂರು ವಾರ್ಡ್‌ಗಳಿಗೆ ನಗರೋತ್ಥಾನದಡಿ ನಾಮಫಲಕ ಅಳವಡಿಕೆ ಕೆಲಸ ಪ್ರಾರಂಭವಾಗಿದೆ. ಉಳಿದ ವಾರ್ಡ್‌ಗಳಿಗೆ ಸಾಮಾನ್ಯ ಸಭೆಯಲ್ಲಿ ಚರ್ಚಿಸಿ ತೀರ್ಮಾನಿಸಲಾಗುವುದು.

ಬೇರೆ ನಗರಗಳಿಂದ ತಿಪಟೂರಿಗೆ ಬರುವ ಅಪರಿಚತರಿಗೆ ವಾರ್ಡ್‌ಗಳಲ್ಲಿ ಸರಿಯಾದ ನಾಮಫಲಕವಿಲ್ಲದೆ ಹೋದರೆ ವಿಳಾಸ ಹುಡುಕುವುದು ಕಷ್ಟಕರ. ನಾಮಫಲಕ ಅಳವಡಿಸುವಾಗ ಆಯಾ ಸ್ಥಳದ ಮಹತ್ವ ಗುರುತಿಸಿದರೆ ಇತಿಹಾಸ ತಿಳಿದುಕೊಳ್ಳಲು ಸಹಾಯಕ.

ಮೊದಲ ಹಂತದಲ್ಲಿ ಮೂರು ವಾರ್ಡ್‌ಗಳಲ್ಲಿ ನಗರೋತ್ಥಾನ ಅನುದಾನದಲ್ಲಿ ನಾಮಫಲಕ ಅಳವಡಿಸಲಾಗುತ್ತಿದೆ. ಪುರಸಭೆ ಎಂದು ಇರುವ ಬೋರ್ಡ್‌ಗಳನ್ನು ಪತ್ತೆಹಚ್ಚಿ ಶೀಘ್ರ ಬದಲಾಯಿಸಲಾಗುವುದು.