<p><strong>ತುಮಕೂರು</strong>: ಲೋಕಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ವಿ.ಸೋಮಣ್ಣ ಅವರಿಗಿಂತ ಅವರ ಪತ್ನಿ ಜಿ.ಶೈಲಜಾ ಹೆಚ್ಚು ಶ್ರೀಮಂತರಾಗಿದ್ದಾರೆ. ಚುನಾವಣಾ ಆಯೋಗಕ್ಕೆ ಸೋಮವಾರ ನಾಮಪತ್ರದ ಜತೆಗೆ ಸಲ್ಲಿಸಿದ ಆಸ್ತಿ ವಿವರದಲ್ಲಿ ಈ ವಿಚಾರ ಬಹಿರಂಗಪಡಿಸಿದ್ದಾರೆ.</p>.<p>ಬಿ.ಎ ಪದವೀಧರರಾದ ಸೋಮಣ್ಣ ಅವರು ಸಮಾಜ ಸೇವೆಯನ್ನು ತಮ್ಮ ವೃತ್ತಿ ಎಂದು ಹೇಳಿಕೊಂಡಿದ್ದಾರೆ. ಪತ್ನಿ ಶೈಲಜಾ ಕೃಷಿಯ ಜೊತೆ ಸಮಾಜಸೇವೆಯಲ್ಲಿ ತೊಡಗಿದ್ದಾರೆ ಎಂದು ನಮೂದಿಸಿದ್ದಾರೆ. ಸೋಮಣ್ಣ ವಿರುದ್ಧ ಆದಾಯಕ್ಕಿಂತ ಹೆಚ್ಚು ಆಸ್ತಿ ಹೊಂದಿದ ಪ್ರಕರಣದ ವಿಚಾರಣೆ ನ್ಯಾಯಾಲಯದಲ್ಲಿ ನಡೆಯುತ್ತಿದೆ.</p>.<p>ವಿ.ಸೋಮಣ್ಣ ಒಟ್ಟು ₹17.56 ಕೋಟಿ ಆಸ್ತಿ ಹೊಂದಿದ್ದರೆ, ಜಿ.ಶೈಲಜಾ ಬಳಿ ಒಟ್ಟು ₹43.03 ಕೋಟಿ ಆಸ್ತಿ ಇದೆ. ಸೋಮಣ್ಣ ಬಳಿ ನಗದು ₹8.12 ಲಕ್ಷ, ವಿವಿಧ ಬ್ಯಾಂಕ್ಗಳಲ್ಲಿ ಠೇವಣಿ ₹4.55 ಕೋಟಿ, ₹17 ಲಕ್ಷ ಮೌಲ್ಯದ ಕ್ವಾಲೀಸ್ ವಾಹನ, ₹10.35 ಲಕ್ಷ ಮೌಲ್ಯದ 654 ಗ್ರಾಂ ಚಿನ್ನಾಭರಣ ಸೇರಿದಂತೆ ಒಟ್ಟು ₹5.18 ಕೋಟಿ ಚರಾಸ್ತಿ ಹೊಂದಿದ್ದಾರೆ.</p>.<p>ಚಿಕ್ಕಮಗಳೂರು ಜಿಲ್ಲೆಯ ವಿವಿಧೆಡೆ ಪ್ಲಾಂಟೇಷನ್, ಬೆಂಗಳೂರಿನ ವಿವಿಧೆಡೆ ಮನೆ, ನಿವೇಶನ, ವಾಣಿಜ್ಯ ಕಟ್ಟಡ, ಕೃಷಿಯೇತರ ಜಮೀನು ಸೇರಿದಂತೆ ಒಟ್ಟು ₹12.74 ಕೋಟಿ ಮೌಲ್ಯದ ಸ್ಥಿರಾಸ್ತಿ ಒಡೆಯರಾಗಿದ್ದಾರೆ.</p>.<p>ಶೈಲಜಾ ಬಳಿ ₹3 ಲಕ್ಷ ನಗದು, ವಿವಿಧ ಬ್ಯಾಂಕ್ಗಳಲ್ಲಿ ಠೇವಣಿ ₹38.96 ಲಕ್ಷ, ಷೇರು, ಮ್ಯೂಚುವಲ್ ಫಂಡ್ಗಳಲ್ಲಿ ₹9.84 ಲಕ್ಷ ತೊಡಗಿಸಿದ್ದಾರೆ. ಪುತ್ರ ಬಿ.ಎಸ್.ನವೀನ್ ಅವರಿಗೆ ₹1.56 ಕೋಟಿ ಸಾಲ, ಸೋಮಣ್ಣ ಅವರಿಗೆ ₹20 ಲಕ್ಷ ಸಾಲ, ಬಿ.ಎಸ್.ದಿವ್ಯಾಗೆ ₹55 ಲಕ್ಷ ಸಾಲ ಕೊಟ್ಟಿದ್ದಾರೆ. ₹10.07 ಲಕ್ಷ ಮೌಲ್ಯದ ಇನ್ನೋವಾ ಕಾರು, 2 ಕೆ.ಜಿ 524 ಗ್ರಾಂ ಚಿನ್ನ, 30 ಕೆ.ಜಿ ಬೆಳ್ಳಿ ಸಾಮಗ್ರಿಗಳನ್ನು ಹೊಂದಿದ್ದಾರೆ. ಚಿನ್ನ, ಬೆಳ್ಳಿ ಸಾಮಗ್ರಿಗಳ ಮೌಲ್ಯ ₹1.05 ಕೋಟಿ ಸೇರಿದಂತೆ ಒಟ್ಟು ₹4.38 ಕೋಟಿ ಮೌಲ್ಯದ ಚರಾಸ್ತಿ ಹೊಂದಿದ್ದಾರೆ.</p>.<p>ಬೆಂಗಳೂರಿನ ವಿವಿಧೆಡೆ ಮನೆ, ನಿವೇಶನ, ವಾಣಿಜ್ಯ ಕಟ್ಟಡ, ಕೃಷಿಯೇತರ ಜಮೀನು ಸೇರಿದಂತೆ ಒಟ್ಟು ₹38.65 ಕೋಟಿ ಮೌಲ್ಯದ ಸ್ಥಿರಾಸ್ತಿ ಶೈಲಜಾ ಹೆಸರಿನಲ್ಲಿ ಇದೆ.</p>.<p><strong>ಸಾಲ</strong>: ಸೋಮಣ್ಣ ಆದಾಯದ ಜತೆಗೆ ₹6.44 ಕೋಟಿ ಸಾಲವನ್ನೂ ಹೊಂದಿದ್ದಾರೆ. ಶೈಲಜಾ ₹16.18 ಕೋಟಿ ಸಾಲ ಮಾಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ತುಮಕೂರು</strong>: ಲೋಕಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ವಿ.ಸೋಮಣ್ಣ ಅವರಿಗಿಂತ ಅವರ ಪತ್ನಿ ಜಿ.ಶೈಲಜಾ ಹೆಚ್ಚು ಶ್ರೀಮಂತರಾಗಿದ್ದಾರೆ. ಚುನಾವಣಾ ಆಯೋಗಕ್ಕೆ ಸೋಮವಾರ ನಾಮಪತ್ರದ ಜತೆಗೆ ಸಲ್ಲಿಸಿದ ಆಸ್ತಿ ವಿವರದಲ್ಲಿ ಈ ವಿಚಾರ ಬಹಿರಂಗಪಡಿಸಿದ್ದಾರೆ.</p>.<p>ಬಿ.ಎ ಪದವೀಧರರಾದ ಸೋಮಣ್ಣ ಅವರು ಸಮಾಜ ಸೇವೆಯನ್ನು ತಮ್ಮ ವೃತ್ತಿ ಎಂದು ಹೇಳಿಕೊಂಡಿದ್ದಾರೆ. ಪತ್ನಿ ಶೈಲಜಾ ಕೃಷಿಯ ಜೊತೆ ಸಮಾಜಸೇವೆಯಲ್ಲಿ ತೊಡಗಿದ್ದಾರೆ ಎಂದು ನಮೂದಿಸಿದ್ದಾರೆ. ಸೋಮಣ್ಣ ವಿರುದ್ಧ ಆದಾಯಕ್ಕಿಂತ ಹೆಚ್ಚು ಆಸ್ತಿ ಹೊಂದಿದ ಪ್ರಕರಣದ ವಿಚಾರಣೆ ನ್ಯಾಯಾಲಯದಲ್ಲಿ ನಡೆಯುತ್ತಿದೆ.</p>.<p>ವಿ.ಸೋಮಣ್ಣ ಒಟ್ಟು ₹17.56 ಕೋಟಿ ಆಸ್ತಿ ಹೊಂದಿದ್ದರೆ, ಜಿ.ಶೈಲಜಾ ಬಳಿ ಒಟ್ಟು ₹43.03 ಕೋಟಿ ಆಸ್ತಿ ಇದೆ. ಸೋಮಣ್ಣ ಬಳಿ ನಗದು ₹8.12 ಲಕ್ಷ, ವಿವಿಧ ಬ್ಯಾಂಕ್ಗಳಲ್ಲಿ ಠೇವಣಿ ₹4.55 ಕೋಟಿ, ₹17 ಲಕ್ಷ ಮೌಲ್ಯದ ಕ್ವಾಲೀಸ್ ವಾಹನ, ₹10.35 ಲಕ್ಷ ಮೌಲ್ಯದ 654 ಗ್ರಾಂ ಚಿನ್ನಾಭರಣ ಸೇರಿದಂತೆ ಒಟ್ಟು ₹5.18 ಕೋಟಿ ಚರಾಸ್ತಿ ಹೊಂದಿದ್ದಾರೆ.</p>.<p>ಚಿಕ್ಕಮಗಳೂರು ಜಿಲ್ಲೆಯ ವಿವಿಧೆಡೆ ಪ್ಲಾಂಟೇಷನ್, ಬೆಂಗಳೂರಿನ ವಿವಿಧೆಡೆ ಮನೆ, ನಿವೇಶನ, ವಾಣಿಜ್ಯ ಕಟ್ಟಡ, ಕೃಷಿಯೇತರ ಜಮೀನು ಸೇರಿದಂತೆ ಒಟ್ಟು ₹12.74 ಕೋಟಿ ಮೌಲ್ಯದ ಸ್ಥಿರಾಸ್ತಿ ಒಡೆಯರಾಗಿದ್ದಾರೆ.</p>.<p>ಶೈಲಜಾ ಬಳಿ ₹3 ಲಕ್ಷ ನಗದು, ವಿವಿಧ ಬ್ಯಾಂಕ್ಗಳಲ್ಲಿ ಠೇವಣಿ ₹38.96 ಲಕ್ಷ, ಷೇರು, ಮ್ಯೂಚುವಲ್ ಫಂಡ್ಗಳಲ್ಲಿ ₹9.84 ಲಕ್ಷ ತೊಡಗಿಸಿದ್ದಾರೆ. ಪುತ್ರ ಬಿ.ಎಸ್.ನವೀನ್ ಅವರಿಗೆ ₹1.56 ಕೋಟಿ ಸಾಲ, ಸೋಮಣ್ಣ ಅವರಿಗೆ ₹20 ಲಕ್ಷ ಸಾಲ, ಬಿ.ಎಸ್.ದಿವ್ಯಾಗೆ ₹55 ಲಕ್ಷ ಸಾಲ ಕೊಟ್ಟಿದ್ದಾರೆ. ₹10.07 ಲಕ್ಷ ಮೌಲ್ಯದ ಇನ್ನೋವಾ ಕಾರು, 2 ಕೆ.ಜಿ 524 ಗ್ರಾಂ ಚಿನ್ನ, 30 ಕೆ.ಜಿ ಬೆಳ್ಳಿ ಸಾಮಗ್ರಿಗಳನ್ನು ಹೊಂದಿದ್ದಾರೆ. ಚಿನ್ನ, ಬೆಳ್ಳಿ ಸಾಮಗ್ರಿಗಳ ಮೌಲ್ಯ ₹1.05 ಕೋಟಿ ಸೇರಿದಂತೆ ಒಟ್ಟು ₹4.38 ಕೋಟಿ ಮೌಲ್ಯದ ಚರಾಸ್ತಿ ಹೊಂದಿದ್ದಾರೆ.</p>.<p>ಬೆಂಗಳೂರಿನ ವಿವಿಧೆಡೆ ಮನೆ, ನಿವೇಶನ, ವಾಣಿಜ್ಯ ಕಟ್ಟಡ, ಕೃಷಿಯೇತರ ಜಮೀನು ಸೇರಿದಂತೆ ಒಟ್ಟು ₹38.65 ಕೋಟಿ ಮೌಲ್ಯದ ಸ್ಥಿರಾಸ್ತಿ ಶೈಲಜಾ ಹೆಸರಿನಲ್ಲಿ ಇದೆ.</p>.<p><strong>ಸಾಲ</strong>: ಸೋಮಣ್ಣ ಆದಾಯದ ಜತೆಗೆ ₹6.44 ಕೋಟಿ ಸಾಲವನ್ನೂ ಹೊಂದಿದ್ದಾರೆ. ಶೈಲಜಾ ₹16.18 ಕೋಟಿ ಸಾಲ ಮಾಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
