ಉಡುಪಿ: 46 ಮಂದಿಗೆ ಕೋವಿಡ್‌

ಸೋಂಕಿತರಲ್ಲಿ 18 ಮಹಿಳೆಯರು ಹಾಗೂ 26 ಪುರುಷರು ಇದ್ದಾರೆ. 6 ಮಂದಿ ಆಸ್ಪತ್ರೆಯಲ್ಲಿ ಹಾಗೂ 40 ಮಂದಿ ಹೋಂ ಐಸೊಲೇಷನ್‌ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 25,829ಕ್ಕೆ ಏರಿಕೆಯಾಗಿದ್ದು, 390 ಸಕ್ರಿಯ ಸೋಂಕಿತರು ಇದ್ದಾರೆ. 25247 ಮಂದಿ ಗುಣಮುಖರಾಗಿದ್ದಾರೆ. ಸೋಂಕಿನಿಂದ 192 ಮಂದಿ ಮೃತಪಟ್ಟಿದ್ದಾರೆ.

ಜಿಲ್ಲೆಯಾದ್ಯಂತ ಕೋವಿಡ್‌ ಲಸಿಕಾ ಅಭಿಯಾನ ಮುಂದುವರಿದಿದ್ದು, ಶುಕ್ರವಾರ 45 ವರ್ಷ ಮೇಲ್ಪಟ್ಟ 7,927 ಮಂದಿ ಸೇರಿ ಇದುವರೆಗೂ 1,05,575 ಮಂದಿ ಮೊದಲ ಡೋಸ್ ಪಡೆದಿದ್ದಾರೆ. 22,181 ಮಂದಿ ಆರೋಗ್ಯ ಕಾರ್ಯಕರ್ತೆಯರು ಮೊದಲ ಡೋಸ್‌ ಹಾಗೂ 16309 ಮಂದಿ ಎರಡನೇ ಡೋಸ್‌ ಪಡೆದಿದ್ದರೆ, 4,101 ಮಂದಿ ಮುಂಚೂಣಿ ಕಾರ್ಯಕರ್ತೆಯರು ಮೊದಲ ಡೋಸ್‌ ಹಾಗೂ 2,540 ಮಂದಿ ಎರಡನೇ ಡೋಸ್‌ ಲಸಿಕೆ ಹಾಕಿಸಿಕೊಂಡಿದ್ದಾರೆ.