ಕುಂದಾಪುರ: ಹಿಜಾಬ್ ಧರಿಸಲು ಅನುಮತಿ ಕೋರಿ ತರಗತಿ ಪಾಠಗಳಿಂದ ದೂರ ಉಳಿದಿರುವ ಇಲ್ಲಿನ ಸರ್ಕಾರಿ ಪದವಿಪೂರ್ವ ಕಾಲೇಜಿನ ಮುಸ್ಲಿಂ ವಿದ್ಯಾರ್ಥಿನಿಯರು ಸೋಮವಾರ ಕಾಲೇಜಿನ ಗೇಟ್‌ನಲ್ಲಿಯೇ ಉಪನ್ಯಾಸಕರಿಗೆ ಅಸೈನ್ಮೆಂಟ್ ಒಪ್ಪಿಸಿದರು.
ಪಿಯುಸಿ ವಾಣಿಜ್ಯ ವಿಭಾಗದಲ್ಲಿ ವ್ಯಾಸಂಗ ಮಾಡುತ್ತಿರುವ ವಿದ್ಯಾರ್ಥಿಗಳು ಆಂತರಿಕ ಅಂಕ ಪಡೆಯಬೇಕಾದರೆ ವರ್ಷಕ್ಕೆ 2 ಬಾರಿ ಅಸೈನ್ಮೆಂಟ್ ಒಪ್ಪಿಸಬೇಕು. ಹಿಜಾಬ್ ಧರಿಸಿ ತರಗತಿಗೆ ಹಾಜರಾಗಲು ಅನುಮತಿ ಇಲ್ಲವಾದ್ದರಿಂದ ನಾಲ್ವರು ವಿದ್ಯಾರ್ಥಿನಿಯರು ಮನೆಯಲ್ಲಿಯೇ ಅಸೈನ್ಮೆಂಟ್ ಸಿದ್ಧಪಡಿಸಿಕೊಂಡು ಬಂದು ಕಾಲೇಜು ಗೇಟ್‌ನಲ್ಲಿ ಉಪನ್ಯಾಸಕ ಉದಯ್‌ಕುಮಾರ್ ಶೆಟ್ಟಿ ಅವರಿಗೆ ಸಲ್ಲಿಸಿದರು.
ತರಗತಿ ವಂಚಿತ ವಿದ್ಯಾರ್ಥಿಗಳು ನಿತ್ಯವೂ ಪಾಠ ಯೋಜನೆಯ ವರದಿಗಳನ್ನು ಒಪ್ಪಿಸುತ್ತಿದ್ದಾರೆ ಎಂದು ಉಪನ್ಯಾಸಕರು ತಿಳಿಸಿದರು.
