ಕಾರವಾರ: ಭಟ್ಕಳದಲ್ಲಿ ಶುಕ್ರವಾರ ಒಂದೇ ದಿನ ಕೋವಿಡ್ 19 ಪೀಡಿತ 12 ಪ್ರಕರಣಗಳು ದೃಢಪಟ್ಟಿವೆ. ಇದರೊಂದಿಗೆ ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 24ಕ್ಕೇರಿದೆ. 11 ಮಂದಿ ಈಗಾಗಲೇ ಗುಣಮುಖರಾಗಿದ್ದಾರೆ.
ಹೊಸದಾಗಿ ದೃಢಪಟ್ಟಿರುವ 12 ಮಂದಿಯ ಪೈಕಿ 5 ತಿಂಗಳ ಹಸುಗೂಸು, 11 ಮತ್ತು 12 ವರ್ಷದ ಬಾಲಕಿಯರೂ ಒಳಗೊಂಡಿದ್ದಾರೆ. ಅಲ್ಲದೇ 83 ಮತ್ತು 75 ವರ್ಷದ ಹಿರಿಯರಿಗೂ ದೃಢಪಟ್ಟಿದೆ.
ಮೂರು ದಿನಗಳ ಹಿಂದೆ 18 ವರ್ಷದ ಯುವತಿಗೆ ಕೋವಿಡ್ 19 ದೃಢಪಟ್ಟಿತ್ತು. ಶುಕ್ರವಾರ ದೃಢಪಟ್ಟ ಎಲ್ಲರೂ ಆ ಯುವತಿಯ ಸಂಪರ್ಕಕ್ಕೆ ಬಂದವರಾಗಿದ್ದಾರೆ.