ಶುಕ್ರವಾರ, ಅಕ್ಟೋಬರ್ 23, 2020
24 °C

ಕಾರವಾರ: ಮೀನು ಮಾರುಕಟ್ಟೆಯಲ್ಲಿ ಮಾರಾಟಗಾರರಿಗೆ ಸ್ಥಳ ನಿಗದಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಕಾರವಾರ: ನಗರದಲ್ಲಿ ನೂತನವಾಗಿ ನಿರ್ಮಿಸಲಾಗಿರುವ ಮೀನು ಮಾರುಕಟ್ಟೆಯಲ್ಲಿ ಮಾರಾಟಗಾರರಿಗೆ ಶುಕ್ರವಾರ ಸ್ಥಳ ನಿಗದಿ ಮಾಡಲಾಯಿತು. ಸದ್ಯ ಒಟ್ಟು 250 ಮಂದಿಗೆ ಅವಕಾಶ ಲಭಿಸಿದೆ.

ಮಾರುಕಟ್ಟೆಯ ಮೇಲಿನ ಅಂತಸ್ತಿನಲ್ಲಿ ಒಣಮೀನು ಮಾರಾಟ, ಮಧ್ಯಭಾಗದಲ್ಲಿ ತಾಜಾ ಮೀನು ಹಾಗೂ ಕೆಳ ಭಾಗದಲ್ಲಿ ಮೀನು ಕತ್ತರಿಸಲು ಜಾಗ ನಿಗದಿ ಮಾಡಲಾಗಿದೆ. ಹರಿಕಂತ್ರ ಮೀನುಗಾರರ ಸಂಘವು ಗುರುತಿಸಿದ ಮಹಿಳೆಯರಿಗೆ ನಗರಸಭೆಯು ಅವಕಾಶ ನೀಡಿದೆ.

ಇದೇ ಸಂಘವು ಮಾರುಕಟ್ಟೆಯ ಸ್ವಚ್ಛತೆ ಸೇರಿದಂತೆ ಎಲ್ಲ ನಿರ್ವಹಣೆಯ ಜವಾಬ್ದಾರಿ ವಹಿಸಿಕೊಂಡಿದೆ. ಇದಕ್ಕಾಗಿ ಪ್ರತಿಯೊಬ್ಬ ಮೀನು ಮಾರಾಟಗಾರರಿಂದ ದಿನಕ್ಕೆ ₹ 25 ಸಂಗ್ರಹಿಸಲಾಗುತ್ತದೆ.

ಮೀನು ಮಾರಾಟದ ಸ್ಥಳ ಪಡೆಯಲು ಸಂಘ ಗುರುತಿಸಿದವರ ಹೊರತಾಗಿಯೂ ಒಂದಷ್ಟು ಮಹಿಳೆಯರು ಬಂದಿದ್ದರು. ಇದರಿಂದ ಮಾರುಕಟ್ಟೆಯಲ್ಲಿ ಗೊಂದಲದ ವಾತಾವರಣ ಉಂಟಾಗಿತ್ತು. ಕೊನೆಗೆ ನಗರಸಭೆ ಪ್ರಭಾರ ಆಯುಕ್ತರೂ ಆಗಿರುವ ಉಪ ವಿಭಾಗಾಧಿಕಾರಿ ಪ್ರಿಯಾಂಗಾ ಅವರು ಸ್ಥಳಕ್ಕೆ ಭೇಟಿ ನೀಡಿದರು. ನಗರಸಭೆ ಸಿಬ್ಬಂದಿ ಅವರ ಮಾರ್ಗದರ್ಶನದಲ್ಲಿ ಮಹಿಳೆಯರಿಗೆ ಸ್ಥಳ ನಿಗದಿ ಮಾಡಿದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು