ಸೋಮವಾರ, ಫೆಬ್ರವರಿ 24, 2020
19 °C
ಕಾರವಾರದ ಮಾರುಕಟ್ಟೆಯಲ್ಲಿ ತರಕಾರಿ ದರ ದಿಢೀರ್ ಕುಸಿತ

ಸಹಜ ದರಕ್ಕೆ ತಲುಪಿದ ಈರುಳ್ಳಿ ಧಾರಣೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಕಾರವಾರ: ಎರಡು ವಾರಗಳ ಹಿಂದೆ ಪ್ರತಿ ಕೆ.ಜಿ.ಗೆ ₹60ರಲ್ಲಿ ಮಾರಾಟವಾಗುತ್ತಿದ್ದ ಈರುಳ್ಳಿ ಹಿಂದಿನ ವಾರ ₹50ಕ್ಕೆ ಇಳಿಕೆಯಾಗಿತ್ತು. ಈ ವಾರವೂ ₹10ರಷ್ಟು ಇಳಿಕೆ ಕಂಡು ₹40ರ ದರ ಹೊಂದಿದೆ. ಮೂರು ತಿಂಗಳ ಹಿಂದೆ ಕೆ.ಜಿ.ಗೆ ₹200ರವರೆಗೂ ಏರಿಕೆಯಾಗಿತ್ತು.

ಟೊಮೆಟೊ ದರ ₹10ರಷ್ಟು ಕಡಿಮೆಗೊಂಡು ₹20ರಲ್ಲಿ ಬಿಕರಿಯಾಗುತ್ತಿದೆ. ₹60ರ ದರದಲ್ಲಿ ಸ್ಥಿರವಾಗಿದ್ದ ಬೀಟ್‌ರೂಟ್ ದರವು ಈಗ ₹40 ಇದೆ. ಕ್ಯಾರೆಟ್ ದರದಲ್ಲಿ ₹80ರಿಂದ ₹ 70ಕ್ಕೆ ಇಳಿದಿದೆ. ಆಲೂಗಡ್ಡೆ ಪ್ರತಿ ಕೆ.ಜಿ.ಗೆ ₹40 ರಿಂದ ₹30, ಕ್ಯಾಬೇಜ್ ₹40ರಿಂದ ₹20, ಬೀನ್ಸ್ ₹60ರಿಂದ ₹50ಕ್ಕೆ ಇಳಿಕೆ ಕಂಡಿದೆ. 

ದಿನಸಿಯಲ್ಲಿ ಬ್ಯಾಡಗಿ ಮೆಣಸು ₹240, ಸ್ವಸ್ತಿಕ್ ಅಕ್ಕಿ 25 ಕೆ.ಜಿ.ಯ ಚೀಲಕ್ಕೆ ₹900, ಪಾಮ್‌ ಆಯಿಲ್‌ ಲೀಟರ್‌ಗೆ ₹100, ಸೂರ್ಯಕಾಂತಿ ಎಣ್ಣೆ ₹110, ಹಸಿರು ಬಟಾಣಿ ₹160ರ ದರದಲ್ಲಿ ಸ್ಥಿರವಾಗಿವೆ. 

ಮೀನು ಮಾರುಕಟ್ಟೆಯಲ್ಲಿ ದೊಡ್ಡ ಗಾತ್ರದ ಬಂಗಡೆ ₹200ಕ್ಕೆ ನಾಲ್ಕರಿಂದ ಐದು, ಕಿಂಗ್‌ಫಿಶ್ ₹800ರಿಂದ ₹900, ಪಾಂಫ್ರೆಟ್ ಒಂದಕ್ಕೆ ₹400 ರಿಂದ ₹500 ಇದೆ. ಫಾರಂ ಕೋಳಿಯ ದರ ₹180, ಮಟನ್ ಪ್ರತಿ ಕೆ.ಜಿ.ಗೆ ₹600 ಹಾಗೂ ಚಿಕನ್ ₹200ರಲ್ಲಿ ಸ್ಥಿರವಾಗಿದೆ. 

ಪ್ರತಿ ಕೆ.ಜಿ.ಗೆ ₹80ರ ದರವಿದ್ದ ಕಿತ್ತಳೆ ಹಣ್ಣು ₹30ರಷ್ಟು ಇಳಿಕೆ ಕಂಡು ₹50ರಲ್ಲಿ ಬಿಕರಿಯಾಗುತ್ತಿದೆ. ಇರಾನಿ ಸೇಬಿನ ದರವು ₹40ರಷ್ಟು ಇಳಿಕೆ ಕಂಡು ₹160ರಲ್ಲಿ ಗ್ರಾಹಕರಿಗೆ ಸಿಗುತ್ತಿದೆ. ಬಿಳಿ ದ್ರಾಕ್ಷಿ ₹160ರಿಂದ ₹80ಕ್ಕೆ ಇಳಿಕೆಯಾಗಿದೆ. ಅಂದರೆ ಶೇ 50ರಷ್ಟು ಇಳಿಕೆ ಕಂಡಂತಾಗಿದೆ. ಕಪ್ಪು ದ್ರಾಕ್ಷಿ ₹20ರಷ್ಟು ಇಳಿಕೆ ಕಂಡು ₹160ರಲ್ಲಿ ಮಾರಾಟಗೊಳ್ಳುತ್ತಿದೆ. 

ಮಹಾಲಿಂಗಪುರ ಬೆಲ್ಲಕ್ಕೆ ಬೇಡಿಕೆ: ಕಾರವಾರದಲ್ಲಿ ಮಂಡ್ಯದಿಂದ ಆವಕವಾಗುವ ಬೆಲ್ಲಕ್ಕೆ ₹48 ಹಾಗೂ ಮಹಾಲಿಂಗಪುರದ ಬೆಲ್ಲಕ್ಕೆ ₹50ರ ದರವಿದೆ. 

‘ಮಹಾಲಿಂಗಪುರದ ಬೆಲ್ಲವು ಹೆಚ್ಚು ಗುಣಮಟ್ಟವನ್ನು ಹೊಂದಿದ್ದು, ಅಡುಗೆ ಪದಾರ್ಥಗಳಿಗೆ ಹಾಕಿದಾಗ ಬಣ್ಣ ಕಪ್ಪಾಗುವುದಿಲ್ಲ. ಹಾಗಾಗಿ ಬೆಂಗಳೂರಿನವರೂ ಇಲ್ಲಿಂದ ಕೊಂಡೊಯ್ಯುತ್ತಾರೆ’ ಎನ್ನುತ್ತಾರೆ ಇಲ್ಲಿನ ವ್ಯಾಪಾರಿಯೊಬ್ಬರು.

ಇದರ ಜೊತೆಗೆ ಜೋನಿಬೆಲ್ಲವು ಪ್ರತಿ ಕೆ.ಜಿ.ಗೆ ₹80 ಹಾಗೂ ಜೇನುತುಪ್ಪ ₹270ರಲ್ಲಿ ಬಿಕರಿಯಾಗುತ್ತಿವೆ.

ಅಂಕಿ ಅಂಶ
ಕಾರವಾರ ಮಾರುಕಟ್ಟೆ

ತರಕಾರಿ:            ದರ (₹ಗಳಲ್ಲಿ)

ಆಲೂಗಡ್ಡೆ          30

ಟೊಮೆಟೊ         20

ಕ್ಯಾರೆಟ್              70

ಬೀಟ್‌ರೂಟ್       40

ಕ್ಯಾಪ್ಸಿಕಂ            50

ಮೆಣಸಿನಕಾಯಿ   50

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು